ສະຫະພັນກຳມະບານນະຄອນໄກສອນພົມວິຫານ ເຊື່ອມຊຶມປະຫວັດວັນສ້າງຕັ້ງກຳມະບານລາວຄົບຮອບ 64 ປີ

0
184

ຕອນເຊົ້າວັນທີ 07ກຸມພາ 2020ນີ້ ຢູ່ທີ່ສະໂມສອນນະຄອນໄກສອນພົມວິຫານແຂວງສະຫວັນນະເຂດ ,ສະຫະພັນກຳມະບານນະຄອນ ໄກສອນ ໄດ້ຈັດໃຫ້ມີພິທີປາຖະກະຖາວັນສຳຄັນຕ່າງໆຂອງຊາດ-ຂອງພັກຂຶ້ນ ໂດຍແມ່ນວັນສ້າງຕັ້ງສະຫະພັນກຳມະບານລາວ 1 ກຸມພາ 1956 – 1 ກຸມພາ 2020 ຄົບຮອບ 64 ປີ ແລະ ເອກະສານວັນສ້າງຕັ້ງພັກຄອມມູນິດຫວຽດນາມ 03ກຸມພາ 1930- 03 ກຸມພາ 2020 ຄົບຮອບ 90 ປີ, ໂດຍການກ່າວປາຖະກະຖາຂອງທ່ານ ກຸນາ ເຫຼື່ອມເທພາ ຄະນະປະຈຳພັກນະຄອນ ປະທານແນວລາວສ້າງຊາດນະຄອນໄກສອນ,ມີບັນດາທ່ານໃນຄະນະກຳມະການພັກນະຄອນ,ກຳລັງ ປກສ ,ຄະນະປະທານກຳມະບານຮາກຖານຕ່າງໆ,ຂົງເຂດກຸ່ມບ້ານ ແລະພະນັກງານສະມາຊິກກຳມະບານເຂົ້າຮ່ວມຮັບຟັງທັງໝົດ ຈຳນວນ 186 ຄົນ, ຍິງ 101 ຄົນ.

ພິທີປາຖະກາຖາ ວັນປະຫວັດສາດສໍາຄັນດັ່ງກ່າວ ທ່ານກໍ່ໄດ້ຍົກໃຫ້ເຫັນເຖິງສະພາບແວດລ້ອມທີ່ພາໃຫ້ມີອົງການຈັດຕັ້ງກຳມະບານລາວຂຶ້ນ ,ການເຕີບໃຫຍ່ຂະຫຍາຍຕົວກໍ່ຄືການຕໍ່ສູ້ທີ່ຍືດເຍື້ອຍາວນານຂອງພັກຕ້ານກັບຈັກກະພັດຜູ້ຮຸກຮານ ,ຍ້ອນທົນຕໍ່ການກົດຂີ່ຂູດຮີດຂອງພວກລ່າເມືອງຂື້ນແລະພວກສັກດິນາປະຕິການບໍ່ໄດ້ ,ກຳມະກອນແລະຊາວຜູ້ອອກແຮງງານ ແລະປະຊາຊົນລາວບັນດາເຜົ່າ ຈື່ງໄດ້ພ້ອມກັນລຸກຂຶ້ນຕໍ່ສູ້ຢ່າງອົງອາດກ້າຫານ ໃນຫຼາຍໆຄັ້ງ,ຫລາຍເຫດການ ເປັນຕົ້ນ: ການຕໍ່ສູ້ຂອງກຳມະກອນຢູ່ບໍ່ກົ່ວໂພນຕິ້ວ,ກຳມະກອນໄຟຟ້າວຽງຈັນ,ກຳມະກອນແລ່ນເຮືອຈັກຈຳປາສັກ,ຫຼວງພະບາງ,ກໍາມະກອນສ້າງທາງເລກ9ແລະພາກສ່ວນອື່ນໆ ມາໃນປີ 1956-1965ພາຍຫຼັງທີ່ສ້າງຕັ້ງພັກປະຊາຊົນປະຕິວັດລາວຂື້ນເກືອບ01ປີ ສູນກາງພັກໄດ້ມີມະຕິຕົກລົງສ້າງຕັ້ງຫ້ອງການກຳມະບານລາວຂື້ນຢ່າງເປັນທາງການ ຢູ່ເຂດທີ່ໝັ້ນແຂວງຫົວພັນ ແລະ ໄດ້ມອບໃຫ້ສະຫາຍ ສີສົມພອນ ລໍວັນໄຊ ເປັນຜູ້ຈັດຕັ້ງນຳພາ ເພື່ອຂົນຂວາຍເຕົ້າໂຮມກຳມະກອນໃຫ້ມີຄວາມຕື່ນຕົວເຮັດການປະຕິວັດແລະໄດ້ນຳພາໜ່ວຍກຳມະບານແຕ່ເໜືອຮອດໃຕ້ເຄື່ອນໄຫວເຕົ້າໂຮມຄວາມສາມັກຄີໃນໝູ່ຊົນຊັ້ນກຳມະກອນແລະຊາວຜູ້ອອກແຮງງານລາວບັນດາເຜົ່າຕໍ່ສູ້ ເພື່ອທວງເອົາສິດຜົນປະໂຫຍດອັນຊອບທຳທາງດ້ານເສດຖະກິດແລະສັງຄົມ ແລະຂະບວນການຕໍ່ສູ້ກໍ່ເຫັນວ່າມີຖ່ວງທ່າໄດ້ຮັບໄຊຊະນະຂື້ນໄປເລື້ອຍໆ ສາມາດຍາດເອົາເອກະລາດແຫ່ງຊາດແລະອິດສາລະພາບອັນແທ້ຈິງມາສູ່ປະຊາຊົນລາວບັນດາເຜົ່າໃນປັດຈຸບັນ.

ຂ່າວ / ພາບ :ວຽງສະໄໝ ຊົມຊອບ.
ຜູ້ສື່ຂ່າວ:ສະຫະພັນກຳມະບານແຂວງ ສະຫວັນນະເຂດ .
savannakhet medialaos