ໃນຕອນເຊົ້າຂອງວັນທີ 10 ກຸມພາ 2020 ນີ້: ຢູ່ທີ່ຫ້ອງປະຊຸມຄະນະປະຈຳພັກເມືອງ ໄດ້ຈັດໃຫ້ມີກອງປະຊຸມຄົບຄະນະບໍລິຫານງານພັກເມືອງຄັ້ງທີ່ 2 ສະໄໜ ທີ່ XIV ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານ ແລະ ກ່າວເປີດກອງປະຊຸມຂອງ ສະຫາຍ ສົມຈີດ ສີດທິວົງ ກໍາມະການພັກແຂວງ, ເລຂາຄະນະບໍລິຫານງານພັກເມືອງພັກເມືອງ ເຈົ້າເມືອງໆໃໝ່, ເປັນກຽດເຂົ້າຮ່ວມຂອງ ສະຫາຍ ທອງສີ ເສົາສຸລິພົມ ກຳມະການປະຈຳພັກແຂວງ, ຮອງເຈົ້າແຂວງໆຜົ້ງສາລີ, ຜູ້ຊີ້ນຳວຽກງານຮອບດ້ານຂອງເມືອງໃໝ່, ມີບັນດາສະຫາຍຮອງເລຂາພັກເມືອງ, ກຳມະການປະຈຳພັກເມືອງ, ກຳມະການພັກເມືອງ, ມີຜູ້ຕາງໜ້າຈາກຄະນະຈັດຕັ້ງແຂວງ, ຫ້ອງວ່າການປົກຄອງແຂວງ, ບັນດາສະຫາຍພາກສ່ວນທີ່ກ່ຽວຂ້ອງຂັ້ນເມືອງເຂົ້າຮ່ວມ.

ໃນກອງປະຊຸມສະຫາຍ ສົມຈີດ ສີດທິວົງ ເລຂາຄະນະບໍລິຫານງານພັກເມືອງພັກເມືອງ ເຈົ້າເມືອງໆໃໝ່ ກໍ່ໄດ້ຂຶ້ນຜ່ານມະຕິຂອງຄະນະປະຈຳພັກແຂວງວ່າດ້ວຍການແຕ່ງຕັ້ງຮັບຮອງເອົາບຸກຄະລະກອນຄະນະບໍລິຫານງານພັກເມືອງ ໃໝ່ ສະໄໝທີ XIV. ມະຕິຮັບຮອງຜູ້ແທນໄປເຂົ້າຮ່ວມກອງປະຊຸມໃຫ່ຍຂອງອົງຄະນະພັກແຂວງ, ພ້ອມກັນນັ້ນຍັງໄດ້ ຜ່ານຮ່າງແຜນດຳເນີນງານຂອງຄະນະບໍລິຫານງານພັກເມືອງສະໄໝທີ XIV, ຮ່າງລະບອບແບບແຜນວິທີເຮັດວຽກຂອງຄະນະບໍລິຫານງານພັກເມືອງ, ຄະນະປະຈຳພັກເມືອງສະໄໝທີ XIV. ສະເໜີ ແລະ ຮັບຮອງເອົາຮ່າງລາຍງານການເມືອງ, ແຜນພັດທະນາເສດຖະກິດ – ສັງຄົມ, ບົດສຳຫຼວດການນຳພາທີ່ໄດ້ປັບປຸງເພື່ອຮັບຮອງໃນກອງປະຊູມ.

ຈາກນັ້ນບັນດາສະຫາຍຜູ້ແທນກອງປະຊຸມຍັງໄດ້ຜັນປ່ຽນການປະກອບຄຳຄິດ,ຄຳເຫັນຢ່າງກົງໄປກົງມາ ບົນພື້ນຖານເພືອຄວາມເປັນເອກະພາບເຮັດໃຫ້ບັນດາຮ່າງດັ່ງກ່າວສົມບູນຂຶ້ນກ່າວເກົ່າ. ກອງປະຊຸມໄດ້ຜ່ານບົດຕີລາຄາກ່ຽວກັບທ່າແຂງ – ທ່າອ່ອນ ຂອງບັນດາສະຫາຍກຳມະການປະຈຳພັກເມືອງ, ກຳມະການພັກເມືອງຕາມລຳດັບ ແລະ ພ້ອມທັງຕຳນີຕີຊົມເຊີ່ງກັນ ແລະ ກັນຂອງບັນດາສະຫາຍໃນຄະນະບໍລິຫານງານພັກເມືອງ.
ກອງປະຊຸມດັ່ງກ່າວຈະໄດ້ດຳເນີນໄປເປັນເວລາ 2 ວັນ ແຕ່ວັນທີ 10-11 ກຸມພາ ຈື່ງຈະສຳເລັດລົງ.

medialaos phongsaly
ພາບ – ຂ່າວ: ແສງຄຳ ສາລີວັນ