ນັກຈິດຕະແພດຂອງລາວ ມອບຢາປິ່ນປົວພະຍາດ, ອຸປະກອນການແພດ ແລະ ເຄື່ອງໃຊ້ທີ່ຈຳເປັນໃຫ້ສຸກສາລາ ບ້ານນາມອນ

0
264

ໃນວັນທີ 11 ກຸມພາ 2020, ທີ່ສຸກສາລາບ້ານນາມອນ ເມືອງວັງວຽງ ແຂວງວຽງຈັນ, ໄດ້ມີພິທີມອບ-ຮັບ ຢາປິ່ນປົວພະຍາດຈິດ, ອຸປະກອນການແພດທີ່ຈຳເປັນ ແລະ ເຄື່ອງໃຊ້ຫ້ອງການຈຳນວນໜຶ່ງໃຫ້ສຸກສາລາ ບ້ານນາມອນ, ເມືອງວັງວຽງ, ແຂວງວຽງຈັນ.

ມອບໂດຍທ່ານ ຮອງສາດສະດາຈານ ດຣ ນາງ ຈັນທະລາວະດີ ຈຸລາມະນີ, ນັກຈິດຕະແພດຂອງລາວ, ຜູ້ທີ່ເຄີຍໄດ້ຮັບລາງວັນຊະນະເລີດຂອງ Dr Guislain ປະຈໍາປີ 2016 ໄດ້ນໍາເອົາຢາປິ່ນປົວພະຍາດຈິດ, ອຸປະກອນການແພດທີ່ຈຳເປັນ ແລະ ເຄື່ອງໃຊ້ຫ້ອງການຈໍານວນຫນຶ່ງ ລວມມູນຄ່າ 4.127.500 ກີບ ມອບໃຫ້ແກ່ສຸກສາລາບ້ານນາມອນ, ເມືອງວັງວຽງ, ແຂວງວຽງຈັນ.

ໃຫ້ກຽດຮັບໂດຍ ທ່ານ ດຣ ຢ່າເຮີ້, ແພດປິ່ນປົວຊ່ຽວຊານຂັ້ນ 1, ທັງເປັນຫົວຫນ້າສຸກສາລາບ້ານນາມອນ, ເມືອງວັງວຽງ, ແຂວງວຽງຈັນ ເປັນຜູ້ຮັບເຄື່ອງດັ່ງກ່າວ ເພື່ອນໍາໄປປະກອບເຂົ້າໃນວຽກງານການປິ່ນປົວພະຍາດໃຫ້ແກ່ປະຊາຊົນຜູ້ທີ່ທຸກຍາກໃນເຂດຫ່າງໄກສອກຫລີກ.

Medialaos