ເມືອງອຸທຸມພອນ ສອບເສັງເອົານັກຮຽນເກັ່ງ

0
278

ຫ້ອງການສຶກສາທິການ-ກິລາເມືອງອຸທຸມພອນ ໄດ້ຄັດເລືອກສອບເສັງເອົານັກຮຽນເກັ່ງຊັ້ນ ປໍ 5,ມໍ4 ແລະ ມໍ7 ທົ່ວເມືອງຂື້ນໃນຕອນເຊົ້າຂອງວັນທີ 10 ກຸມພາ 2020 ທີ່ສະໂມສອນ ສຶກສາສາມັກຄີ,ໂດຍການເປັນປະທານຂອງ ທ່ານ ຄຳຈັນ ລຽນວົງສາ ຫົວໜ້າຫ້ອງການສຶກສາທິການ-ກິລາເມືອງ.

ໂອກາດເຂົ້າຮ່ວມເປັນປະທານການສອບເສັງນັກຮຽນທົ່ວເມືອງປີນີ້ ທ່ານ ຄຳຈັນ ລຽນວົງສາ ກໍ່ໄດ້ເວົ້າວ່າ: ການສອບເສັງເປົ້າໝາຍກໍ່ເພື່ອແນໃສ່ເພື່ອພັດທະນາການສຶກສາ,ພັດທະນາຄົນໃຫ້ເກັ່ງ ເຮັດໃຫ້ຄົນເຮົາມີຄຸນະພາບ ຮຽນດີ ຮຽນເກັ່ງ ການສອບເສັງຄັ້ງນີ້ກໍ່ແມ່ນເພື່ອທົດສອບຄວາມຮູ້ແຕ່ລະຄົນວ່າຄົນໃດສອບເສັງຜ່ານຂັ້ນເມືອງຈະໄດ້ໄປສອບເສັງຕໍ່ຢູ່ແຂວງ ແລະ ສູນກາງ ນອກຈາກນີ້ ທ່ານຍັງໄດ້ ເນັ້ນໃຫ້ນັກສອບແຕ່ລະຄົນຕ້ອງຕັ້ງໃຈສອບເສັງໃຫ້ໄດ້ຄະແນນດີມັນຈິ່ງຈະຜ່ານ ແຕ່ຖ້າຄົນໃດຄະແນນບໍ່ໄດ້ຕາມເປົ້າຖືວ່າບໍ່ຜ່ານຈາກການສອບເສັງ
ເຊິ່ງການສອບເສັງໃນຊັ້ນ ປໍ5 ມີນັກສອບເສັງທັງໝົດ 53 ຄົນ, ຍິງ 42 ຄົນ, ມີວິຊາສອບເສັງຄື:

ພາສາລາວ,ໂລກອ້ອມຕົວ ແລະ ວິຊາຄະນິດສາດຊັ້ນມໍ4 ມີນັກສອບເສັງທັງໝົດ 65 ຄົນ,ຍິງ 44 ຄົນ,ມີວິຊາສອບເສັງຄື: ພາສາລາວ, ຄະນິດສາດ, ເຄມີສາດ ແລະ ວິຊາຟີຊິກສາດສ່ວນວ່າຊັ້ນມໍ7 ມີນັກສອບເສັງທັງໝົດ 42 ຄົນ, ຍິງ 20 ຄົນ, ມີວິຊາສອບເສັງຄື: ພາສາລາວ,ຄະນິດສາດ,ເຄມີສາດ ແລະ ວິຊາຟີຊິກສາດ.

savannakhet medialaos