ຫົວໜ້າກອງບັນຊາການ ປກສແຂວງສະຫວັນນະເຂດລົງເຄື່ອນໄຫວຊີ້ນຳແລະຢ້ຽມຢ້າມ ປກສ ເມືອງຊົນນະບູລີ ແລະເມືອງຈຳພອນ

0
130

ວັນທີ 11 ກຸມພາ 2020ນີ້,ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສແຂວງສະຫວັນນະເຂດພ້ອມຄະນະ,ໄດ້ລົງເຄື່ອນໄຫວ ຊີ້ນຳວຽກງານວິຊາສະເພາະຢູ່ທີ່, ປກສ ເມືອງຊົນນະບູລີ ແລະ ປກສ ເມືອງຈໍາພອນ ແຂວງສະຫວັນນະເຂດ,ມີຫົວໜ້າກອງບັນຊາການ ປກສ ເມືອງ,ຫົວໜ້າພະແນກ,ຮອງພະແນກ, ປກສ ກຸ່ມບ້ານທັງສອງເມືອງເຂົ້າຮ່ວມ.

ໃນນັ້ນ ຫົວໜ້າ ປກສ ທັງສອງເມືອງ, ໄດ້ຂຶ້ນລາຍງານສະພາບລວມໂດຍຫຍໍ້ ໃນໄລຍະທີ່ຜ່ານມາ, ຄະນະພັກ-ຄະນະບັນຊາກອງບັນຊາການປກສ ເມືອງດັ່ງກ່າວ ໄດ້ເອົາໃຈໃສ່ເຮັດໜ້າທີ່ເຄື່ອນໄຫວວຽກງານປ້ອງກັນຄວາມສະຫງົບເປັນຕົ້ນຕໍ, ໄດ້ເຄື່ອນໄຫວກວດກາລາດຕະເວັນເປັນປົກກະຕິ, ໄດ້ເອົາໃຈໃສ່ວຽກງານສຶກສາອົບຮົມການເມືອງ ນຳພາແນວຄິດ, ໃຫ້ແກ່ພະນັກງານນັກຮົບ, ທີ່ຢູ່ໃນຄວາມຮັບຜິດຊອບຂອງຕົນ, ເອົາໃຈໃສ່ປັບປຸງກໍ່ສ້າງພະນັກງານໃຫ້ມີຄຸນທາດການເມືອງ, ໜັກແໜ້ນ, ມີຄວາມເຂັ້ມແຂງທາງດ້ານການຈັດຕັ້ງ, ຍົກສູງຄວາມສາມາດໃນການນຳພາ-ບັນຊາເຮັດໃຫ້ນາຍ ແລະພົນຕຳຫຼວດກຳໄດ້ວິຊາສະເພາະ ແລະ ເຕັກນິກ, ມີຄວາມຊຳນິຊຳນານໄປພ້ອມໆກັບການລົງກໍ່ສ້າງຮາກຖານການເມືອງ, ຮູ້ກຳໄດ້ສະພາບການເຄື່ອນໄຫວຂອງສັດຕູ້, ກຸ່ມຄົນບໍ່ດີ, ທີ່ພະຍາຍາມໃຊ້ທຸກວິທີທາງ, ເພື່ອກໍ່ຄວາມບໍ່ສະຫງົບທາງດ້ານການເມືອງ, ສືບຕໍ່ແກ້ໄຂດຳເນີນຄະດີທີ່ຍັງຄົງຂ້າງ ແລະສ້າງແຜນລາຍຄະດີ, ສະເພາະເປົ້າໝາຍຢາເສບຕິດ, ຂີ້ລັກ, ງັດແງະອື້ນໆ,

ຈາກນັ້ນ, ຫົວໜ້າກອງບັນຊາການ ປກສ ແຂວງ ໄດ້ເນັ້ນໃຫ້ຄະນະພັກ,ຄະນະບັນຊາ ປກສ ເມືອງ ຈົ່ງສຶບຕໍ່ເອົາໃຈໃສ່ຊີ້ນຳໆພາສຶກສາອົບຮົມການເມືອງນຳພາແນວຄິດ,ໃຫ້ພະນັກງານ-ນັກຮົບເປັນປົກກະຕິ, ການຝຶກຝົນຫຼໍຫຼອມທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ, ພ້ອມເອົາໃຈໃສ່ປັບປຸງກໍ່ສ້າງກົມກອງໃຫ້ເຕີບໃຫຍ່ເຂັ້ມແຂງ, ກໍ່ສ້າງກຳລັງໃຫ້ມີຄວາມຮູ້ຄວາມສາມາດ ແລະ ຄວາມເຂັ້ມແຂງທາງດ້ານວຽກງານວິຊາສະເພາະ, ພ້ອມທັງເປັນເຈົ້້າການໃນການປ້ອງກັນເວນຍາມແລະສະກັດກັ້ນແກ້ໄຂປະກົດການຫຍໍ້ທໍ້ໃນສັງຄົມໃຫ້ຫລຸດລົງ.

savannakhet medialaos