ໃນວັນທີ 10 ກຸມພາ 2020 ນີ້ ທ່ານ ພັອ ສົມໝາຍ ພົມມະຈັນ ຫົວໜ້າກອງບັນຊາການ ປກສ ແຂວງສະຫວັນນະເຂດ ພ້ອມຄະນະຢ້ຽມຢາມພົບປະໂອ້ລົມ ຄະນະພັກ ຄະນະບັນຊາ ສະມາຊິກພັກ ແລະ ກຳລັງ ຂອງກອງບັນຊາການ ປກສ ເມືອງອາດສະພອນ ແຂວງສະຫວັນນະເຂດ.

ທ່ານ ພັທ ໝອນຄຳ ກິ່ນທະວົງສັກ ຫົວໜ້າກອງບັນຊາການ ປກສ ເມືອງອາດສະພອນ ກໍ່ໄດ້ລາຍການສະພາບກການຈັດຕັ້ງປະຕິບັດວຽກງານໃນ 1 ປີຜ່ານມາ, ກອງບັນຊາການ ປກສ ເມືອງອາດສະພອນ ປະກອບມີ ຫົວໜ້າກອງບັນຊາການຜູ້ຊີ້ນຳລວມ 01 ທ່ານ, ຮອງກອງບັນຊາການ 04 ທ່ານ, ມີ 01 ຮາກຖານພັກ, ມີ 03 ໜ່ວຍພັກຂື້ນກັບ, ມີສະມາຊິກພັກທັງໝົດ 92 ສະຫາຍ, ຍິງ 03 ສະສຫາຍ, ສຳຮອງ 04 ສະຫາຍ, ຜົນງານທີ່ຍາດມາໄດ້ໃນໄລຍະ 01 ປີຜ່ານມາ: ມີຄະດີເກີດຂື້ນທັງໝົດ 18 ເລື່ອງ 66 ລາຍ, ຜູ້ຖືກຫາ 51 ຄົນ, ຍິງ 02 ຄົນ; ຜົນເສຍຫາຍ ເງິນກີບ 120 ລ້ານກີບ ແລະ ເງິນບາດ 1 ລ້ານ 3 ແສນກວ່າກີບ, ໂທລະສັບ 03 ໜ່ວຍ,ລົດຈັກ 05 ຄັນ, ສາມາດເກັບກູ້ຄືນໄດ້ ລົດຈັກ 03 ຄັນ, ເງິນກີບ 34 ລ້ານກີບ ແລະເງິນບາດ 17.000 ບາດ, ມີຄະດີສົ່ງໃຫ້ແຂວງ ດຳເນີນຄະດີມີ 04 ລາຍ, ຜູ້ຖືກຫາ 04 ຄົນ, ສົ່ງສູນດັດສ້າງຫຼັກ 35 ມີ 05 ລາຍ, ຜູ້ຖືກຫາ 06 ຄົນ, ສົ່ງສຳນວນໃຫ້ໄອຍະການເຂດ 04 ແກ້ໄຂມີ 07 ລາຍ, ຜູ້ຖືກຫາ 10 ຄົນ ແລະ ແກ້ໄຂຂັ້ນກອງບັນຊາການມີ 29 ລາຍ ຜູ້ຖືກຫາ 28 ຄົນ, ຍິງ 02 ຄົນ; ສາມາດມ້າງຄະດີຢາເສບຕິດ 14 ລາຍ, ຜູ້ຖືກຫາ 18 ຄົນ, ຍຶດຂອງກາງໄດ້ທັງໝົດ (ຢາບ້າ) 575 ເມັດ, ໂທລະສັບ 01 ໜ່ວຍ; ລົງເຜີຍແຜ່ເອກະສານຜົນຮ້າຍຂອງຢາເສບຕິດ ແລະກົດລະບຽບການສັນຈອນຕາມທ້ອງຖະໜົນຫຼວງໄດ້ 04 ຄັ້ງ, ມີຈຳນວນພົນເຂົ້າຮ່ວມທັງໝົດ 1.434 ຄົນ, ຍິງ 734 ຄົນ.

ຈາກນັ້ນ ທ່ານ ພັອ ສົມໝາຍ ພົມມະຈັນ ກໍ່ໄດ້ໃຫ້ກຽດໂອ້ລົມ ເຊິ່ງທ່ານແນະນຳໂຕເອງ ຫຼັງຈາກທີ່ໄດ້ຮັບໜ້າທີ່ໃໝ່ ໃນກອງບັນຊາການແຂວງສະຫວັນນະເຂດ, ພ້ອມທັງກ່າວຍ້ອງຍໍຊົມເຊີຍຜົນງານການຊີ້ນຳໆພາ ຂອງຄະນະພັກຄະນະບັນຊາ ກອງບັນຊາການ ປກສ ເມືອງທີ່ສະແດງອອກໃນບົດລາຍງານ, ຄຽງຄູ່ກັບຜົນງານດັ່ງກ່າວ ຍັງມີຈຸດອ່ອນ ແລະ ຂໍ້ຄົງຄ້າງທີ່ບັນດາສະຫາຍຈະຕ້ອງໄດ້ຊ່ວຍກັນແກ້ໄຂໂດຍສະເພາະການຈັດຕັ້ງປະຕິບັດວຽກງານແບບບໍ່ມີຄວາມໂປ່ງໃສ ເຊິ່ງເປັນບັນຫາທີ່ເກີດຂື້ນຫຼາຍ ຢູ່ໃນທົ່ວກົມກອງ ສະນັ້ນເຮົາຖືເອົາການສ່ອງແສງຈາກກົມກອງ ແລະ ປະຊາຊົນເປັນບັນຫາສຳຄັນ.

ພາບ ແລະ ຂ່າວ: ສົມຈິດ ແກ້ວສີຖາທິລາດ
savannakhet medialaos