ສຳເລັດກອງປະຊຸມໃຫຍ່ຄັ້ງIX ຜູ້ແທນແນວລາວສ້າງຊາດເມືອງໜອງແຮດ ແຂວງຊຽງຂວາງ

0
59

ໃນຕອນເຊົ້າຂອງວັນທີ 14 ກຸມພາ 2020ນີ້ ຢູ່ທີ່ສະໂມສອນເມືອງໜອງແຮດ ແຂວງຊຽງຂວາງ ແນວລາວສ້າງຊາດເມືອງໜອງແຮດໄດ້ຈັດກອງປະຊຸມໃຫຍ່ ຜູ້ແທນແນວລາວສ້າງຊາດເມືອງໜອງແຮດຄັ້ງທີ IX ຂື້ນຢ່າງເປັນທາງການ ພາຍໃຕ້ການເປັນປະທານຂອງທ່ານ ຍົງຈົວລໍ່ ປ່າເຢ້ໄຊຈໍ ຄະນະປະຈຳພັກເມືອງ ປະທານແນວລາວສ້າງຊາດເມືອງໜອງແຮດ ແຂວງຊຽງຂວາງ, ໂດຍເປັນກຽດເຂົ້າຮ່ວມຂອງທ່ານ ດຳດີ ນັນທະວົງ ກຳມະການພັກແຂວງ ປະທານແນວລາວສ້າງຊາດແຂວງຊຽງຂວາງ, ທ່ານ ຄຳແພງ ສີສົມພູ ຄະນະປະຈຳພັກເມືອງ, ມີປະທານ-ຮອງປະທານແນວລາວສ້າງຊາດບັນດາເມືອງໃນທົ່ວແຂວງ, ກຳມະການແນວລາວສ້າງຊາດເມືອງ, ຫົວໜ້າ – ຮອງຫົວໜ້າຫ້ອງການອ້ອມຂ້າງເມືອງ, ຜູ້ຕາງໜ້າຈາກອົງການຈັດຕັ້ງມະຫາຊົນຂັ້ນເມືອງ, ອາດິດປະທານ-ຮອງປະທານແນວລາວສ້າງຊາດເມືອງ, ຄະນະພັກກຸ່ມໃນທົ່ວເມືອງ, ເຖົ້າແກ່ແນວໂຮມ, ເຈົ້າກົກເຈົ້າເຫຼົ່າ, ຜູ້ຊົງຄຸນວຸດທິຕະຫຼອດຮອດພະນັກງານແນວລາວສ້າງຊາດແຂວງເຂົ້າຮ່ວມທັງໝົດ 58 ທ່ານ, ຍິງ 8 ທ່ານ.

ໃນພິທີ ທ່ານ ຢົງຈົວລໍ່ ປ່າເຢ້ໄຊຈໍ ປະທານແນວລາວສ້າງຊາດເມືອງຂື້໊ນກ່າວເປີດພີຢ່າງເປັນທາງການ. ຈາກນັ້ນ ທ່ານນາງ ອັອດ ພົມໄວວົງ ຮອງປະທານໄດ້ຜ່ານບົດລາຍງານການເມືອງທັງ 2 ພາກ ໃນການເຄື່ອນໄຫວວຽກງານຂອງຄະນະກຳມະການແນວລາວສ້າງຊາດເມືອງໄລຍະ 5 ປີຜ່ານມາ(2014-2019) ແລະທິດທາງໃນຕໍ່ໜ້າ (2020-2024),ໂດຍທ່ານຍົກໃຫ້ເຫັນໂດຍຫຍໍ້ບາງວຽກງານຄື : ໄດ້ສົມທົບກັບພາກສ່ວນກ່ຽວຂ້ອງຈັດງານສະເຫຼີມສະຫຼອງງານບຸນທີ່ສຳຄັນຂອງເຜົ່າເປັນຕົ້ນ ບຸນກິນຈຽງ, ບຸນເກຼີ ໃນທຸກໆປີ, ໄດ້ມີການເກັບກໍາຂໍ້ມູນສາສະໜາ ແລະ ໄດ້ສຶກສາອົບຮົມໃຫ້ເຂົາເຈົ້າປະຕິບັດຖືກຕ້ອງ ສອດຄ້ອງກັບດຳລັດ315/ລບ, ໄດ້ປຸກລະດົມປະຊາຊົນບັນດາເຜົ່າສ້າງສະມາຄົມງົວຊົນຂື້ນດ້ວຍຄວາມສະໝັກໃຈ ເພື່ອເປັນການສະເຫຼີມສະຫຼອງໃນງານບຸນສຳຄັນຕ່າງໆ ແລະ ໃນປັດຈຸບັນມີສະມາຊິກ230 ຄົນ, ໄດ້ເອົາໃຈໃສ່ຕິດຕາມກວດກາ ການຈັດຕັ້ງປະຕິບັດ ຂອງຄະນະກຳມະການແນວລາວສ້າງຊາດ ຂັ້ນເມືອງ-ບ້ານ ໃຫ້ມີການເຄື່ອນໄຫວຖືກຕ້ອງສອດຄ່ອງກັບພາລະບົດບາດ, ສິດ ແລະ ໜ້າທີ່ ແລະ ລະບຽບກົດໝາຍຂອງແນວລາວສ້າງຊາດວາງອອກ, ລົງເຜີຍແຜ່ຜົນສຳເລັດກອງປະຊຸມໃຫຍ່ຄັ້ງທີ x ຜູ້ແທນແນວລາວສ້າງຊາດທົ່ວປະເທດ, ຜົນສຳເລັດກອງປະຊຸມໃຫຍ່ຄັ້ງທີVII ແນວລາວສ້າງຊາດແຂວງ ແລະ ຜົນສຳເລັດກອງປະຊຸມໃຫຍ່ຄັ້ງທີVIII ຂອງແນວລາວສ້າງຊາດເມືອງໃຫ້ແກ່ບັນດາກຸ່ມໃນທົ່ວເມືອງຮັບຮູ້, ໄດ້ລົງເຜີຍແຜ່ ເອກະສານໃຫ້ບັນດາບ້ານເປົ້າໝາຍທີ່ຈະສ້າງເປັນຄອບຄົວ ແລະ ບ້ານສາມັກຄີປອງດອງໃນ9ກຸ່ມ, ຈຳນວນ 59ບ້ານ, ລົງປະເມີນສຳເລັດ, ປະເມີນບໍຜ່ານມີ 2ບ້ານ ແລະ ໄດ້ຈັດພິທີປະກາດຮັບຮອງບ້ານສາມັກຄີປອງດອງໄດ້ຈຳນວນ 46ບ້ານ,ມີ 2,282 ຄອບຄົວ, ບ້ານທີ່ຍັງບໍທັນຈັດພິທີປະກາດຮັບຮອງຍັງ11 ບ້ານ 723 ຄອບຄົວ. ພ້ອມນັ້ນພິທີໄດ້ຮັບຟັງ ການປະກອບຄໍາຄິດເຫັນ ກ່ຽວກັບວຽກງານຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງບ້ານໜອງແຮດເໜືອ, ໄດ້ຜ່ານມາດຖານເງື່ອນໄຂຜູ້ສະໝັກ-ລາຍຊື່ຜູ້ທີ່ຈະມາເປັນຄະນະກຳມະການແນວລາວສ້າງຊາດຊຸດໃໝ່. ກອງປະຊຸມຄັ້ງປະຖົມມະລຶກເປັນເອກະສັນກັນຮັບຮອງ ຕົກລົງແຕ່ງຕັ້ງເອົາທ່ານ ນາງ ຈົວຢ່າ ຢົ້ວປົວ ເປັນປະທານແນວລາວສ້າງຊາດເມືອງ, ທ່ານ ຢໍຫາ ເຍ່ຍລີ ແລະ ທ່ານ ນາງ ບີ້ຫາ ຈົ່ງຊົວ ເປັນຮອງປະທານ ແລະ ອີກ 28 ທ່ານ ເປັນຄະນະກຳມະການແນວລາວສ້າງຊາດເມືອງ.

ໃນຕອນທ້າຍຂອງພິທີຍັງໄດ້ຮັບຟັງການໂອ້ລົມ, ໃຫ້ຄຳຄິດເຫັນຂອງທ່ານ ດຳດີ ນັນທະວົງ ປະທານແນວລາວສ້າງຊາດແຂວງຊຽງຂວາງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍມາຍັງຜູ້ແທນກອງປະຊຸມທັງໝົດ, ຄະນະກຳມະການແນວລາວສ້າງຊາດຊຸດທີ່VIII ທີ່ໄດ້ພ້ອມກັນເຮັດສຳເລັດຕໍ່ກັບວຽກງານແນວລາວສ້າງຊາດໃນໄລຍະຜ່ານມາຈົນເຖີງປັດຈຸບັນ. ພ້ອມນັ້ນ ທ່ານຍັງໄດ້ຮຽກຮ້ອງ ແລະ ເນັ້ນໜັັກບາງບັນຫາຕື່ມອີກຄື ຄະນະກໍາມະການແນວລາວສ້າງຊາດຊຸດໃໝ່ນີ້ ຈົ່ງສືບຕໍ່ຊີ້ນຳ-ນໍາພາ, ເປັນຄັນທຸງການເຕົ້າໂຮມຄວາມສາມັກຄີປອງດອງປະຊາຊົນບັນດາເຜົ່າ, ຊັ້ນຄົນ, ສາສສະໜາ, ເພດ-ໄວ, ເປັນເຈົ້າການປຸກລະດົມປະຊາຊົນບັນດາເຜົ່າ ເຂົ້າການສ້າງສາພັດທະນາ ແລະ ສ້າງສາບ້ານເມືອງ, ຈົ່ງພ້ອມກັນນໍາເອົາເນື້ອໃນ ຈິດໃຈຂອງກອງປະຊຸມຄັ້ງນີ້ໄປເຜີຍແຜ່ຈັດຕັ້ງປະຕິບັດໃຫ້ເກີດດອກອອກຜົນ. ສືບຕໍ່ຊີ້ນຳ-ນຳພາການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ ຂອງແນວລາວສ້າງຊາດໃຫ້ເປັນຂະບວນການກວ້າງຂວ້າງ, ພ້ອມກັນສູ້ຊົນເຮັດໃຫ້ເມືອງໜອງແຮດກາຍເປັນເມືອງສາມັກຄີປອງດອງຂອງແນວລາວສ້າງຊາດໃນຕໍ່ໜ້າ. ກອງປະຊຸມຄັ້ງນີ້ໄດ້ດຳເນີນມາເປັນເວລາໜື່ງຕອນ ແລະປິດລົງດ້ວຍຜົນສຳເລັດອັນຈົບງາມ.

ພາບ-ຂ່າວ: ທ ເບ່ຕ່າ ໄຊປັນຍາ(ແນວລາວສ້າງຊາດແຂວງຊຽງຂວາງ)
ລົງຂ່າວ: ສົມພອນ ເທບທິລາດ
medialaos xiengkhouang