ປູກຕົ້ນໄມ້ຊະນິດຕ່າງໆ ເພື່ອຊ່ວຍໃນການກັ່ນຕອງຂີ້ຝຸ່ນ ແລະ ເພີ່ມອາກາດໃຫ້ສົດຊື່ນ

0
93

ໃນໄລຍະນີ້ຫຼາຍຄົນອາດຈະກັງວົນ ກ່ຽວກັບບັນຫາຂີ້ຝຸ່ນ ຫຼື ຄວັນຈະບໍ່ຮູ້ວິທີປ້ອງກັນແນວໃດ ສິ່ງທີ່ດີທີ່ສຸດແມ່ນການໃສ່ໜ້າກາກອະນາໄມເວລາອອກຈາກເຮືອນ ຫຼື ຊື້ເຄື່ອງກັ່ນຕອງອາກາດຢູ່ໃນເຮືອນຂອງທ່ານ ເພື່ອຊ່ວຍໃນການກັ່ນຕອງຂີ້ຝຸ່ນ ບາງຄັ້ງອາດຈະລາຄາແພງ ຫຼື ທ່ານຄວນຊອກຫາສີ່ງທີ່ອ້ອມເຮືອນຂອງທ່ານໄດ້ນອກຈາກລາຄາບໍ່ແພງແລ້ວ ມັນຍັງສາມາດຊ່ວຍປະດັບເຮືອນຂອງທ່ານໃຫ້ຮົ່ມ ແລະ ເບິ່ງສວຍງາມກວ່າເກົ່າ.

1. ຕົ້ນວາດສະໜາ

ນອກຈາກຊື່ທີ່ມີຄວາມຫມາຍດີ ຍັງເປັນດອກປະດັບທີ່ສວຍງາມທີ່ມີລັກສະນະລຳຕົ້ນກົມ, ໃບຍາວ ເຊິ່ງຈະຊ່ວຍເຮັດໃຫ້ອາກາດສົດຊື່ນ ເໝາະແກ່ການວາງໃນຫ້ອງການເພື່ອເພີ່ມອາກາດສົດໃນບ່ອນເຮັດວຽກເຊັ່ນດຽວກັນ.

2. ຕົ້ນຜັກກູດ

ນອກຈາກຈະໃຊ້ໃນການຕົບແຕ່ງເຮືອນເພື່ອຄວາມສວຍງາມ ຍັງເປັນເຄື່ອງຊ່ວຍທີ່ສຳຄັນໃນການກັ່ນຕອງຂີ້ຝຸ່ນ ແລະ ເຮັດຄວາມສະອາດອາກາດໃນບໍລິເວນຫ້ອງໂດຍສະເພາະຕົ້ນເຟີນບອສຕັນແມ່ນຖືວ່າເປັນພືດທີ່ສາມາດດູດຊຶມອາການທີ່ບໍ່ສະອາດໄດ້.

3. ຕົ້ນລີ້ນມັງກອນ

ຕົ້ນລີ້ນມັງກອນ ເໝາະສົມແກ່ການປູກໃນຫ້ອງນອນ ເພາະວ່ານອກຈາກຈະຊ່ວຍໃນການກັ່ນຕອງອາກາດແລ້ວ ຕົ້ນລີ້ນມັງກອນຈະປ່ອຍອົກຊີໃນຕອນກາງຄືນ ແລະ ຈະປ່ອຍຄາບອນໄດອອກໄຊໃນເວລາກາງເວັນ.

4. ຕົ້ນເບນຈະມາດ

ໂດຍທົ່ວໄປ ຄົນມັກປູກຕົ້ນເບນຈະມາດເພື່ອຄວາມງາມ ເຊິ່ງດອກສວຍງາມແລ້ວ ຕົ້ນເບນຈະມາດຍັງມີຄວາມສາມາດຊ່ວຍໃນການເຮັດອາກາດສົດຊື່ນ ໂດຍການຄົ້ນຄວ້າສະແດງໃຫ້ເຫັນວ່າໃນ 24 ຊົ່ວໂມງ ຕົ້ນເບນຈະມາດສາມາດດູດຝຸ່ນໄດ້ຫຼາຍກວ່າ 90 ເປີເຊັນ.

5. ຫວ້ານຫາງແຂ້

ຫວ້ານຫາງແຂ້ມີຄຸນສົມບັດເປັນຢາ ການປູກຫວ້ານຫາງແຂ້ ກໍ່ສາມາດຊ່ວຍໃນການດູດຊຶມປະເພດ formaldehyde ເຊັ່ນດຽວກັນ ສ່ວນຫຼາຍແມ່ນພົບໃນການເຄືອບຕ່າງໆ ເຊັ່ນ: ຢາເລັບ, ທິນເນີ້ ແລະ ສີທາເຮືອນ.

6. ຕົ້ນພູດ່າງ

ຫຼາຍຄົນມັກປູກຢູ່ໃນເຮືອນເພາະວ່າມັນເປັນຕົ້ນໄມ້ຮັກສາງ່າຍ ບໍ່ຕ້ອງການແສງສະຫວ່າງ ແລະ ນໍ້າຫຼາຍສາມາດປູກໃນເຮືອນໄດ້ ນອກຈາກນີ້ຍັງເປັນຕົວຊ່ວຍທີ່ດີ ໃນການເຮັດໃຫ້ອາກາດສົດຊື່ນ ແລະ ຍັງສາມາດຊ່ວຍຫຼຸດຜ່ອນຝຸ່ນໄດ້ເຖິງ 90 ເປີເຊັນ.

7. ດອກກ້ວຍໄມ້

ນອກຈາກຈະເປັນຕົ້ນໄມ້ປະດັບໃຫ້ສວຍງາມດ້ວຍຫຼາກຫຼາຍສີສັນແລ້ວ ດອກກ້ວຍໄມ້ຍັງມີຄວາມສາມາດໃນການປ່ອຍອາຍອົກຊີເຈນ ແລະ ດູດຊຶມຄາບອນໄດອອກໄຊໃນຕອນກາງຄືນ.

8. ຕົ້ນປາມໄມ້ໄຜ່

ສ່ວນຫຼາຍປູກໃນແຈຫ້ອງ ຫຼື ແຈຂອງເຮືອນເພື່ອຄວາມສວຍງາມ ແຕ່ຍັງສາມາດຊ່ວຍເຮັດຄວາມສະອາດອາກາດໄດ້ເຊັ່ນກັນ.

ການປູກຕົ້ນໄມ້ນອກຈາກການຊ່ວຍເຮັດໃຫ້ເຮືອນຂອງທ່ານສົດຊື່ນ ແລະ ຮົ່ມແລ້ວ ການເລືອກຕົ້ນໄມ້ທີ່ສາມາດຊ່ວຍເຮັດໃຫ້ອາກາດບໍລິສຸດຈະຊ່ວຍເຮັດໃຫ້ເຮົາຫາຍໃຈໄດ້ສົດຊື່ນເຊັ່ນດຽວກັນ ບໍ່ພຽງແຕ່ຊ່ວຍເຮັດຄວາມອາກາດສົດຊື່ນ ແຕ່ຍັງຊ່ວຍໃຫ້ການຕົກແຕ່ງເຮືອນໃຫ້ເບິ່ງສວຍງາມ ແລະ ມີຊີວິດຊີວາເຊັ່ນກັນ.