ໃນຕອນເຊົ້າຂອງວັນທີ 24 ກຸມພາ 2020ນີ້ ຢູ່ທີ່ສະໂມສອນຂອງເມືອງ. ໂດຍການໃຫ້ກຽດເຂົ້າຮ່ວມຂອງ ສະຫາຍ ປອ ບຸນຖອງ ດີວິໄຊ ກຳມະການສູນກາງພັກ ເລຂາຄະນະບໍລິຫານງານພັກແຂວງ #ເຈົ້າແຂວງໆຈຳປາສັກ, ມີ ສະຫາຍ ສົມສະໜິດ ບຸດຕິວົງ ຮອງເລຂາພັກແຂວງ ຜູ້ຊີ້ນໍາວຽກງານຮອບດ້ານເມືອງປາກຊ່ອງ,ສະຫາຍ ນິພອນ ວຽງປະເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ,​ມີບັນດາຄະນະບໍລິຫານງານພັກແຂວງ, ຄະນະບໍລິຫານງານພັກເມືອງ, 8 ເມືອງ, 1 ນະຄອນ, ພະແນກການກົມກອງອ້ອມຂ້າງແຂວງ,ພະນັກງານປະຕິວັດອາວຸໂສບໍານານ,ຜູ້ຊົງຄຸນວຸດທິ ແລະຜູ້ແທນສົມບູນທີ່ຕາງໜ້າຈາກຮາກຖານພັກທົ່ວເມືອງເຂົ້າຮ່ວມ 195 ສະຫາຍ,​ຍິງ​ 14 ສະຫາຍ.​

ໃນກອງປະຊຸມໃຫຍ່ ສະຫາຍ ວິຈິດ ແກ້ວບົວພາ ເລຂາພັກເມືອງ​ເຈົ້າເມືອງປາກຊ່ອງ ໄດ້ກ່າວໄຂກອງປະຊຸມຢ່າງເປັນທາງການ ໂດຍກ່າວວ່າ: ການດຳເນີນກອງປະຊຸມໃຫຍ່ ຄັ້ງທີ VIII ຂອງຜູ້ແທນອົງຄະນະພັກເມືອງຄັ້ງນີ້ ແມ່ນມີຄວາມໝາຍ,ຄວາມສຳຄັນຫຼາຍ ເພາະໄດ້ຈັດຕັ້ງປະຕິບັດຕາມກົດລະບຽບຂອງພັກກໍຄືຫຼັກການ ແລະ ທິດນຳໃນການກໍ່ສ້າງພັກໃຫ້ມີຄວາມເຕີບໃຫຍ່ພ້ອມທັງມີຄວາມປອດໃສ,ເຂັ້ມແຂງ,ໜັກແໜ້ນ. ຜູ້ແທນກອງປະຊຸມໃຫຍ່ຈະໄດ້ພ້ອມກັນຄົ້ນຄວ້າຮັບຮອງເອົາເອກະສານສຳຄັນທີ່ເປັນຍຸດທະສາດຂອງຄະນະບໍລິຫານງານພັກເມືອງສະໄໝທີ VIII, ເລືອກເອົາຄະນະບໍລິຫານງານພັກເມືອງຊຸດໃໝ່ ເພື່ອເປັນແກນນຳຂອງອົງຄະນະພັກທີ່ຈະນຳພາຜັນຂະຫຍາຍມະຕິຂອງພັກ ແລະ ປະຕິບັດແຜນພັດທະນາເສດຖະກິດ-ສັງຄົມຕະຫຼອດສະໄໝທີ VIII (ແຕ່ປີ 2020-2024) ໃຫ້ປະກົດຜົນເປັນຈິງ.

ສະຫາຍ​ ວິຈິດ ແກ້ວບົວພາ ເລຂາພັກເມືອງ ປາກຊ່ອງ ຍັງໄດ້ຜ່ານບົດລາຍງານການເມືອງທັງສອງພາກຍົກໃຫ້ເຫັນຜົນງານອັນພົ້ນເດັ່ນໃນການນໍາພາໄລຍະ 5 ປີຜ່ານມາແຕ່ປີ 2015-2019 ໂດຍຍົກໃຫ້ເຫັນທົ່ວເມືອງມີຄວາມສະຫງົບເປັນລະບຽບຮຽບຮ້ອຍ,ມີສະຖຽນລະພາບທາງດ້ານການເມືອງທີ່ໜັກແໜ້ນຮັບປະກັນຄວາມສະຫງົບໂດຍພື້ນຖານ,ດ້ານເສດຖະກິດ-ສັງຄົມ ສືບຕໍ່ຂະຫຍາຍຕົວຢ່າງຕໍ່ເນື່ອງສາມາດບັນລຸຄາດໜາຍທີ່ວາງໄວ້ ຄະ ນະ ພັກໄດ້ ຢຶດ ໝັ້ນ ການ ພັດ ທ ະ ນາ ເສດ ຖະ ກິດເປັ ນ ໃຈ ກາງ ຕິດ ພັນກັບ ການ ພັດ ທະ ນາ ສັງຄົມ ແລະ ການ ປົກ ປັກ ຮັກ ສາ ສິ່ງ ແວດ ລ້ອມ ໄປ ຕາມ ທິດ ພັດ ທະ ນາ ແບບ ຍືນ ຍົງ, ເອົາ ໃຈ ໃສ່ ຂຸດ ຄົ້ນ ທຸກ ທ່າ ແຮງ ຄວາມ ອາດ ສາ ມາດ ບົ່ມ ຊ້ອນ, ລະ ດົມ ທຸກ ພາກ ສ່ວນ ເສດ ຖະ ກິດ, ດຶງ ດູດນັກ ລົງ ທຶນ ຈາກພາຍ ໃນ ແລະ ຕ່າງ ປະ ເທດ ເຂົ້າ ມາ ຈັດ ຕັ້ງ ປະ ຕິ ບັດ ບັນ ດາ ແຜນ ງານ, ໂຄງ ການ ຈຸດ ສຸມ ຂອງ ເມືອງ, ໄດ້ ຖື ເອົາ ວຽກ ງານ ພັດທະນາ ຊົນນະບົດ ແລະ ແກ້ ໄຂ ຄວາມ ທຸກ ຍາກ ຂອງ ປະຊາຊົນ ເປັນ ວຽກ ຈຸດ ສຸມ ໃນ ການ ພັດທະນາ, ໂດຍ ເນັ້ນ ໃສ່ຂະ ຫຍາຍທຸ ລະ ກິດ ຂະ ໜາດ ນ້ອຍ, ຂະ ໜາດ ກາງ, ຊຸກ ຍູ້ສົ່ງ ເສີມ ຂະ ບວນການ ຜະລິດ ກະ ສິ ກຳ ເປັນ ສິນ ຄ້າ ໃນ ຮູບ ແບບ ເປັນ ກຸ່ມ, ເປັນ ຟາມ ແລະ ແບບ ຄອບ ຄົວ ຕິດ ພັນ ກັບ ການ ປຸງ ແຕ່ງ ແລະ ການ ຕະ ຫລາດ ອັນ ໄດ້ ເຮັດ ໃຫ້ຊີວິດ ການ ເປັນ ຢູ່ ຂອງ ປະຊາຊົນ ໄດ້ ຮັບ ການ ຍົກ ລະດັບ ດີ ຂຶ້ນ, ເສດຖະກິດຂອງເມືອງ ຂະຫຍາຍຕົວຢ່າງ ຕໍ່ ເນື່ອງ, ລວມຍອດຜະລິດຕະພັນພາຍໃນປະຕິບັດ ໃດ້ 9.332,58 ຕື້ ກີບ, ອັດ ຕາ ການ ຂະ ຫຍາຍຕົວສະ ເລ່ຍ 7,30%ຕໍ່ ປີ, ທຽບ ໃສ່ ແຜ ນລື່ນ ແຜນ 30%, ປີ 2019 ປະຕິບັດ ໄດ້ 2.088,75 ຕື້ ກີບ, ອັດ ຕາ ການ ຂະ ຫາຍ ຕົວ 7,55%, ສະເລ່ຍຕໍ່ຫົວຄົນບັນລຸ 24.085.096 ກີບ ຫລື ເທົ່າກັບ 2.804 ໂດລາສະຫາລັດຕໍ່ຄົນຕໍ່ປີ, ທຽບ ໃສ່ ປີ 2014 ເພີ້ ມຂື້ນ 77% ( ໃນປີ 2014 ປະຕິບັດ ໄດ້ 1.026 ຕື້ ກີບ), ໂຄງປະກອບເສດຖະກິດຫັນປ່ຽນຕາມທ່າ ແຮງ ບົ່ມ ຊ້ອນໃນນັ້ນ: ຂົງເຂດກະສິກໍາ ຂະຫຍາຍຕົວສະ ເລ່ຍ 7,69%, ກວມ 84,21%, ອຸດສະຫະກໍາ ຂະຫຍາຍຕົວສະ ເລ່ຍ 4,51%, ກວມ 7,07% ແລະ ບໍລິການ ຂະຫຍາຍຕົວສະ ເລ່ຍ 4,14%, ກວມ 8,73% .

ລວມຍອດ ມູນ ຄ່າ ຈາກ ຜະລິດ ຕະພັນກະສິກຳບັນລຸ ໄດ້ 7.858,70 ຕື້ກີບ, ຂະຫຍາຍຕົວ 7,69%, ກວມ 84,21% ຂອງ ລວມຍອດພະລິດຕະພັນພາຍໃນເມືອງ, ທຽບ ໃສ່ ມະຕິ ກອງ ປະຊຸມ ໃຫຍ່ ຄັ້ງ ທີ VII ລື່ນ 16,29%, ອຸດສະຫະກໍາບັນລຸ ໄດ້ 659,46 ຕື້ກີບ, ຂະຫຍາຍຕົວ 4,51%, ກວມ 7,07%, ທຽບ ໃສ່ ມະຕິ ກອງ ປະຊຸມ ໃຫຍ່ ຄັ້ງ ທີ VII ລື່ນ 2,3 ເທື່ອ, ບໍລິການບັນລຸ ໄດ້ 814 ຕື້ກີບ, ຂະຫຍາຍຕົວ 4,14% ກວມ 8,73 %, ທຽບ ໃສ່ ມະຕິ ກອງ ປະຊຸມ ໃຫຍ່ ຄັ້ງ ທີ VII ລື່ນ 2,6 ເທື່ອ. ດັ່ງນັ່ນຈິ່ງເຮັດໃຫ້ ຊີວິດ ການ ເປັນ ຢູ່ ຂອງ ປະຊາຊົນ ບັນດາ ເຜົ່າ ໄດ້ຮັບການ ແກ້ ໄຂນັບ ມື້ ດີ ຂື້ນ ເປັນ ກ້າວໆ.

ໃນກອງປະຊຸມຄັ້ງນີ້ ສະຫາຍ ພິມພອນ ພັນດານຸວົງ ຄະນະປະຈໍາພັກເມືອງ ຮອງເຈົ້າເມືອງປາກຊ່ອງ ຍັງໄດ້ຜ່ານບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຜ່ານມາ ແລະ ທິດທາງແຜນການ ພັດທະນາເສດຖະກິດ-ສັງຄົມ 5 ປີຕໍ່ໜ້າ 2020-2024 ອີກດ້ວຍ.
ກອງປະຊຸມໃຫຍ່ອົງຄະນະພັກເມືອງ ປາກຊ່ອງຍັງໄດ້ມີການປະກອບຄໍາຄິດຄໍາເຫັນຫົວຂໍ້ຕ່າງໆເຊັ່ນ: ການຊຸກຍູ້ສົ່ງເສີມການຜະລິດກະສິກໍາເປັນສິນຄ້າ ຕິດພັນກັບການຄຸ້ມຄອງຊັບພະຍາກອນປາໄມ້,ຫົວໜ່ວຍທຸລະກິດ ແບະຄອບຄົວຕົວແບບການຜະລິດກະເຟ,ຊາ,ການລ້ຽງໝູ,ການບໍລິການທ່ອງທ່ຽວ ແລະອື່ນໆ

ທັງນີ້ກໍເພື່ອແນໃສ່ເຮັດໃຫ້ການດໍາເນີນກອງປະຊຸມໃຫຍ່ຜູ້ແທນອົງຄະນະພັກເມືອງປາກຊ່ອງຄັ້ງທີ VIII ນີ້ ມີເນື້ອໃນອຸດົມສົມບູນ,ກ້ວາງຂວາງເລິກົເຊິ່ງ. ກອງປະຊຸມໃຫ່ຍຜູ້ແທນອົງຄະນະພັກເມືອງປາກຊ່ອງຈະໄດ້ດຳເນີນໄປເປັນເວລາ 2 ວັນຈິ່ງຈະສຳເລັດ.

ສື່ມວນຊົນແຂວງຈຳປາສັກ
medialaos
ເກດສະໜາ ແກ້ວສຸວັນນະແສງ