ແຂວງສະຫວັນນະເຂດ ຮ່ວມກັບ ຈັງຫວັດມຸກດາຫານ ຈັດກິດຈະກຳ ຄາລາວານລົດຖີບ

0
348

ແຂວງສະຫວັນນະເຂດ ຮ່ວມກັບ ຈັງຫວັດມຸກດາຫານ ຈັດກິດຈະກຳ ຄາລາວານລົດຖີບ ເພື່ອເປັນການສົ່ງເສີມ ການທ່ອງທ່ຽວຂອງ 2 ແຂວງ ສະຫວັນນະເຂດ – ມຸກດາຫານຂຶ້ນໃນຕອນເຊົ້າວັນທີ 23 ກຸມພາ 2020ນີ້ ໂດຍການເຂົ້າຮ່ວມ ຕ້ອນຮັບ ຄາລາວານລົດຖີບຈາກຝັ່ງມຸກດາຫານນຳໂດຍ ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ, ທ່ານ ນາງດາວວອນ ໄຊສຸລຽນ ຫົວໜ້າພະແນກ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ແຂວງ, ແລະ ຝ່າຍໄທນຳໂດຍ ທ່ານ ບຸນຊ່ວຍ ນ້ອຍສັນເທຍ ຮອງຜູ້ວ່າຣາຊະການ ຈັງຫວະມຸກດາຫານ, ທ່ານ ວໍລະວຸດ ພົງປະພາພັນ ຫົວໜ້າກົງສູນໃຫຍ່ ແຫ່ງຣາຊະອານາຈັກໄທ ປະຈຳແຂວງສະຫວັນນະເຂດ ມີ ເຈົ້າຄອງນະຄອນໄກສອນ ພົມວິຫານ, ຮອງຫົວໜ້າພະແນກ, ນັກປັ່ນລົດຖີບຈາກແຂວງສະຫວັນນະເຂດ ແລະ ແຂວງ ມຸກດາຫານ ເຂົ້າຮ່ວມ 500 ກວ່າຄົນ.

ທ່ານ ທ່ອນແກ້ວ ພຸດທະໄກຍະລາດ ຮອງເຈົ້າແຂວງສະຫວັນນະເຂດ ໄດ້ກ່າວຕ້ອນຮັບ ພ້ອມທັງເປີດຂະບວນການຄາລາວານລົດຖີບຢ່າງເປັນທາງການ: ກ່ອນອື່ນທ່ານໄດ້ສະແດງຄວາມຍິນດີຕ້ອນຮັບຄາລາວານລົດຖີບຈາກຝັ່ງມຸກດາຫານທີ່ມາຢ້ຽມຢາມແຂວງສະຫວັນນະເຂດ ກໍ່ຄືມາທ່ຽວຊົມພະທາດອີງຮັງ ທີ່ເປັນແຫຼ່ງທ່ອງທ່ຽວທາງປະຫວັດສາດ ຂອງແຂວງສະຫວັນະເຂດ ການຂີ່ລົດຖີບ ຂອງສອງຝັ່ງ ແມ່ນຈັດຂຶ້ນເປັນຄັ້ງທີ 8 ແລະ ຈະສືບຕໍ່ໃຫ້ມີອີກຄັ້ງຕໍ່ໆໄປ, ສຳລັບປີນີ້ງານຄາລາວານລົດຖີີບເພື່ອ ສົ່ງເສີມການທ່ອງທ່ຽວຂອງສອງແຂວງ ສະຫວັນນະເຂດ- ມຸກດາຫານ ແລ້ວ ຍັງຈັດຂຶ້ນໃນໂອກາດທີ່ສອງປະເທດ ລາວ-ໄທ ໄດ້ສ້າງສາຍພົວການທູດຮ່ວມກັນ ຄົບຮອບ 70 ປີ,

ໂອກາດດຍວກັນນີ້ ທ່ານ ຮອງເຈົ້າແຂວງ ກໍ່ໄດ້ເຊີນຊວນໃຫ້ຊາວມຸກດາຫານເຂົ້າມາທ່ຽວຊົມແຫຼ່ງທ່ອງທ່ຽວຂອງແຂວງສະຫວັນນະເຂດ ບໍ່ວ່າຈະເປັນແຫຼ່ງທ່ອງທ່ຽວທາງດ້ານປະຫວັດສາດວັດຖຸບູຮານ, ວັດທະນະທຳ ແລະ ເຊີນຊວນເຂົ້າມາທ່ຽວຊົມ ງານສະເໜ່ສະຫວັນ ທີ່ຈະໄດ້ຈັດຂຶ້ນໃນມໍ່ໆນີ້.

ການຂີ່ລົດຖີບຄັ້ງນີ້ແມ່ນເລີ່ມຈາກ ຂົວມິດຕະພາບລາວ-ໄທແຫ່ງທີ 2, ເດີນທາງເຖິງຈຸດພັກທີ 1 ກົງສູນໄທ ປະຈຳແຂວງສະຫວັນນະເຂດ, ແລ້ວຂີ່ເຂົ້າຊົມຕົວເມືອງເກົ່າ ຕາມຖະໜົນຄັນທະບູລີລ້ຽວຊ້າຍສີ່ແຍກໂຮງຮຽນປະຖົມສົມບູນ ທ່າແຮ່ ແລ້ວໄປເຊື່ອມຕໍ່ໃສ່ຖະໜົນສັນຕິພາບ ອອກໄປຕາມຖະໜົນເສັ້ນໃຫຍ່ທາງສະຫວັນ-ເຊໂນ ແລ້ວໄປສິ້ນສຸດເຂົ້າໄຫວພຣະທາດອີງຮັງ.

savannakhet medialaos