ສະຫຼຸບການປະຕິບັດວຽກງານອະໄພຍະໂທດປະຈໍາປີ 2019

0
267

ວັນທີ 17 ກຸມພາ 2020 ນີ້ອົງການໄອຍະການ ປະຊາຊົນ ແຂວງຈໍາປາສັກ ຮ່ວມກັບ ຄະນະກໍາມະການອະໄພຍະໂທດ ລະດັບແຂວງ ຈັດກອງປະຊຸມສະຫຼຸບການຈັດຕັ້ງປະຕິບັດວຽກງານອະໄພ ຍະໂທດ ປະຈໍາປີ 2019 ໃຫ້ກຽດເປັນປະທານຂອງທ່ານ ແກ້ວລັດຕະນະ ສີຫາວົງ ກໍາມະການພັກແຂວງ ຫົວໜ້າອົງການ ໄອຍະການ ປະຊາຊົນ ແຂວງຈໍາປາສັກ, ມີຄະນະກໍາມະການອະໄພຍະໂທດລະດັບແຂວງ ເຂົ້າຮ່ວມ.
ທ່ານ ອ່ອນແກ້ວ ມະຫາພົນ ຫົວໜ້າຂະແໜງຕິດຕາມກວດກາຄ້າຍຄຸມຂັງ ແລະ ດັດສ້າງ ກອງເລຂາຄະນະກໍາມະການອະໄພຍະໂທດລະດັບແຂວງ ໃຫ້ຮູ້ວ່າ: ການເຄື່ອນໄຫວວຽກງານອະໄພຍະ ໂທດ ປະຈໍາປີ 2019 ຂອງຄະນະກໍາມະການອະໄພຍະໂທດລະດັບແຂວງແມ່ນໄດ້ຮັບການຈັດຕັ້ງປະຕິບັດ ຢ່າງມີຜົນສໍາເລັດ ເປັນຕົ້ນ: ຮັບປະກັນຄວາມຖືກຕ້ອງ, ສອດຄ່ອງກັບລັດຖະບັນຍັດຂອງປະທານປະເທດ ວ່າດ້ວຍການໃຫ້ອະໄພຍະໂທດ ແລະ ທ່ວງທັນຕາມກໍານົດເວລາທີ່ທາງຄະນະກໍາມະການອະໄພຍະໂທດ ລະດັບຊາດໄດ້ກໍານົດໃຫ້, ພ້ອມນີ້ກໍໄດ້ຍົກໃຫ້ເຫັນນັກໂທດທີ່ໄດ້ຮັບການອະໄພຍະໂທດ ຕົວຈິງຢູ່ແຂວງ ຈໍາປາສັກ ປະຈໍາປີ 2019 ທັງໝົດ 311 ຄົນ, ຍິງ 41 ຄົນ, ຕ່າງປະເທດ 3 ຄົນ, ນັກໂທດທີ່ໄດ້ຮັບ ການອະໄພຍະໂທດຫຼຸດຜ່ອນໂທດ ຈໍານວນ 243 ຄົນ, ຍິງ 28 ຄົນ, ຕ່າງປະເທດ 2 ຄົນ, ໃນນັ້ນນັກ ໂທດຂໍ້ຫາຢາເສບຕິດ 240 ຄົນ, ຍິງ 28 ຄົນ, ຕ່າງປະເທດ 2 ຄົນ, ຂໍ້ຫາທົ່ວໄປ 3 ຄົນ, ນັກໂທດໄດ້ ຮັບການອະໄພຍະໂທດປ່ອຍຕົວ ຈໍານວນ 68 ຄົນ, ຍິງ 13 ຄົນ, ຕ່າງປະເທດ 1 ຄົນ (ເປັນນັກໂທດ ຢາເສບຕິດທັງໝົດ).
ກອງປະຊຸມໄດ້ວາງທິດທາງວຽກງານຈຸດສຸມ ປີ 2020 ແລະ ປະກອບຄໍາຄິດຄໍາເຫັນທາງດ້ານວິຊາ ການ ເພື່ອແນໃສ່ເຮັດໃຫ້ວຽກງານດັ່ງກ່າວສືບຕໍ່ໄດ້ຮັບການຈັດຕັ້ງປະຕິບັດຢ່າງມີຜົນສໍາເລັດຕາມລະ ດັບຄາດໝາຍ.

ສື່ມວນຊົນແຂວງຈຳປາສັກ
medialaos

ຂ່າວ-ພາບ: ຈັນທະວີສັກ