ກອງປະຊຸມປະເມີນໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນຂອງໜ່ວຍພັກໂຮງຮຽນການເມືອງ-ການປົກຄອງແຂວງຄຳມ່ວນ ຈັດຂຶ້ນໃນວັນທີ 25 ກຸມພາ 2020 ໂດຍການເປັນປະທານຂອງສະຫາຍນາງ ອານົງໄຊ ສັງທອງເພັດ ເລຂາໜ່ວຍພັກໂຮງຮຽນການເມືອງ-ການປົກຄອງແຂວງ, ມີບັນດາສະຫາຍໃນຄະນະໜ່ວຍພັກ, ສະມາຊິກພັກພາຍໃນໜ່ວຍເຂົ້າຮ່ວມ.

ສະຫາຍນາງ ວຽງດາວັນ ເພັງສະຫວັນ ຄະນະໜ່ວນພັກ ໄດ້ຜ່ານບົດສະຫຼຸບປະເມີນການກໍ່ສ້າງໜ່ວຍພັກປອດໃສ, ເຂັ້ມແຂງ ແລະ ໜັກແໜ້ນ ປະຈຳປີ 2019 ເຊິ່ງໄດ້ຕີລາຄາດ້ານດີ, ດ້ານອ່ອນ ແລະ ຂໍ້ຄົງຄ້າງຂອງໜ່ວຍພັກໃນແຕ່ລະດ້ານ ເປັນຕົ້ນແມ່ນດ້ານການຊີ້ນຳ-ນຳພາການເມືອງ, ດ້ານແນວຄິດ, ດ້ານການຈັດຕັ້ງ, ແບບແຜນວິທີນຳພາ ແລະ ດ້ານການປະຕິບັດໜ້າທີ່ການເມືອງ. ພ້ອມທັງວາງຄາດໝາຍສູ້ຊົນໃນປີ 2020 ໂດຍສະເພາະການປະຕິບັດດ້ານການສ້າງສະມາຊິກປອດໃສ, ເຂັ້ນແຂງ, ໜັກແໜ້ນໃຫ້ໄດ້ 97% ຂຶ້ນໄປ ແລະ ສ້າງໜ່ວຍພັກປອດໃສ ໃຫ້ໄດ້ 9,7 ຄະແນນ, ຕັ້ງໜ້າປະຕິບັດແນວທາງນະໂຍບາຍຂອງພັກ, ມະຕິ, ຄຳສັ່ງ, ຂໍ້ກຳນົດ, ລະບຽບຂອງພັກ, ກົດໝາຍຂອງລັດໃຫ້ເຂັ້ມງວດ ປະຕິບັດໃຫ້ໄດ້ 1,9 ຄະແນນ, ສືບຕໍ່ເພີ່ມທະວີວຽກງານສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານ ໃຫ້ໄດ້ 1,5 ຄະແນນ, ຍົກສູງຄວາມຮັບຜິດຊອບຂອງຄະນະໜ່ວຍພັກທາງດ້ານການເມືອງ, ຄຸນສົມບັດສິນທຳປະຕິວັດ ໃຫ້ໄດ້ 1,5 ຄະແນນ,

ຕັ້ງໜ້າປະສານສົມທົບກັບພາກສ່ວນທີ່ກ່ຽວຂ້ອງ, ເຮັດໜ້າທີ່ເປັນເສນາທິການ, ສ້າງເງື່ອນໄຂອຳນວຍຄວາມສະດວກໃຫ້ແກ່ການເຄື່ອນໄຫວວຽກງານຂອງຄະນະພັກ ໃຫ້ໄດ້ 1,9 ຄະແນນ ແລະ ຈັດຕັ້ງໂຄສະນາເຜີຍແຜ່, ເຊື່ອມຊຶມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ບັນດານິຕິກຳຕ່າງໆໃຫ້ສະມາຊິກພັກ, ພະນັກງານລັດຖະກອນໃນຂອບເຂດຄວາມຮັບຜິດຊອບຂອງຕົນໂດຍສະເພາະດ້ານວຽກງານວິຊາສະເພາະ ແລະ ວຽກງານອົງການຈັດຕັ້ງມະຫາຊົນ ໃຫ້ໄດ້ 2,9 ຄະແນນ. ນອກນີ້ບັນດາສະຫາຍສະມາຊິກພັກພາຍໃນໜ່ວຍຍັງໄດ້ປະກອບຄຳຄິດເຫັນຕໍ່ຮ່າງບົດສະຫຼຸບ ເພື່ອເຮັດໃຫ້ມີເນື້ອໃນຄົບຖ້ວນ ແລະ ສົມບູນຂຶ້ນຕື່ມ ພ້ອມທັງຜ່ານໃບສຳຫຼວດຂອງຄະນະພັກ, ສະມາຊິກພັກພາຍໃນໜ່ວຍ ແລະ ທາບທາມຄວາມເຊື່ອໝັ້ນໄວ້ວາງໃຈຂອງໜ່ວຍພັກ, ຄະນະພັກ ແລະ ບຸກຄົນສະມາຊິກພັກຕື່ມອີກ.

Medialaos