ປີ 2019 ມີຄຳຕັດສິນຂອງສານ 37.342 ເລື່ອງ

0
388

ກອງ​ປະ­ຊຸມວຽກ​ງານ​ຍຸ­ຕິ​ທຳ​ທົ່ວ​ປະ­ເທດ ປະ­ຈຳ​ປີ 2019 ໄດ້​ຈັດ​ຂຶ້ນ​ເມື່ອ ວັນ​ທີ 26 ມີ­ນາ​ນີ້​ ທີ່​ກະ­ຊວງ​ດັ່ງ­ກ່າວ ໂດຍ​ການ​ເປັນ​ປະ­ທານ ຂອງ ທ່ານ ໄຊ​ສີ ສັນ­ຕິ​ວົງ ລັດ­ຖະ­ມົນ­ຕີ ກະ​ຊວງ​ຍຸ­ຕິ​ທຳ, ມີ​ຮອງ​ລັດ­ຖະ­ມົນ­ຕີ ຊຶ່ງ​ມີ​ພະ­ນັກ­ງານ​ການ​ນຳ, ກະ­ຊວງ, ແຂວງ, ນະ­ຄອນ­ຫຼວງວຽງ​ຈັນ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ກອງ​ປະ­ຊຸມ ໄດ້​ສະ­ຫຼຸບ​ຕີ​ລາ­ຄາ​ການ​ນຳ­ພາ ແລະ ຈັດ​ຕັ້ງ​ປະ­ຕິ­ບັດ​ໜ້າ­ທີ່​ການ­ເມືອງ​ຂອງ​ຂະແໜງ​ຍຸ­ຕິ​ທຳ ປະ­ຈຳ​ປີ 2019 ທີ່​ຜ່ານ​ມາ ແລະ ວາງ​ທິດ​ທາງ​ແຜນ­ການ​ໜ້າ­ທີ່​ວຽກ​ງານ​ຈຸດ​ສຸມ​ສຳ­ລັບ​ປີ 2020 ໂດຍ​ຈະ​ລົງ​ເລິກ​ໃສ່​ບາງ​ວຽກ​ເປັນຕົ້ນ: ວຽກ​ງານ​ສົ່ງ­ເສີມ​ລະ­ບົບ​ຍຸ­ຕິ​ທຳ, ວຽກ​ງານ​ຈັດ​ຕັ້ງ​ປະ­ຕິ ­ບັດ​ຄຳ​ຕັດ­ສິນ​ຂອງ​ສານ ແລະ ວຽກ​ງານ​ທະ­ບຽນ​ສານ, ກອງ​ປະ­ຊຸມ​ຈະ​ໄດ້​ດຳ­ເນີນ​ເປັນ​ເວລາ 3 ວັນ​ຈຶ່ງ​ຈະ​ສຳ­ເລັດ ຊຶ່ງ​ຈະ​ໄດ້​ຮັບ​ຟັງ​ການ​ປະ­ກອບ​ຄຳ​ຄິດ​ຄຳ​ເຫັນ​ຂອງ​ທ້ອງ­ຖິ່ນ  ແລະ ບັນດາ​ກົມ​ຈຳ­ນວນ​ໜຶ່ງ​ເ​ພື່​ອ​ເປັນ​ການ​ສະ­ຫຼຸບ​ຖອດ​ຖອນ​ບົດ ­ຮຽນ ຊຶ່ງ​ກັນ ແລະ​ ກັນ.

ກອງ​ປະ­ຊຸມ​ຍັງ​ໄດ້​ສະ­ຫຼຸບ​ການ­ຈັດ­ຕັ້ງ​ປະ​ຕິ​ບັ​ດວຽກ​ງານ​ກົດ­ໝາຍ ແລະ ຍຸ­ຕິ​ທຳ ປະ­ຈຳ​ປີ 2019 ແລະ ທິດ​ທາງ​ແຜນ ການ​ຈຸດ​ສຸມ​ວຽກ​ງານ​ກົດ­ໝາຍ ປະ­ຈຳ​ປີ 2020 ສະ­ເໜີ​ໂດຍ ທ່ານ ເສີມ​ສຸກ ສິມ​ພະ​ວົງ ຮອງ​ລັດ­ຖະ­ມົນ­ຕີ​ກະ­ຊວງ​ຍຸ­ຕິ​ທຳ ຊຶ່ງ​ໄດ້​ຍົກ​ໃຫ້​ເຫັນ​ວ່າ: ວຽກ​ງານ​ຈັດ​ຕັ້ງ​ປະ­ຕິ­ບັດ​ຄຳ​ຕັດ­ສິນ​ຂອງ​ສານ​ຜ່ານ​ມາອົງ­ການ​ຈັດ​ຕັ້ງ​ປະ­ຕິ​ບັດ​ຄໍາ​ຕັດ­ສິນ​ຂອງ​ສານ​ແຕ່​ລະ​ຂັ້ນ ໄດ້​ເອົາ­ໃຈ­ໃສ່​ຍົກ​ສູງ​ຄວາມ​ຮັບ​ຜິດ​ຊອບ​ນໍາ​ເອົາ​ຄໍາ​ຕັດ­ສິນ​ຂອງສານ​ທີ່​ໃຊ້​ໄດ້​ຢ່າງ​ເດັດ ຂາດ ມາ​ຈັດ​ຕັ້ງ​ປະ­ຕິ­ບັດ​ຕາມ​ຂັ້ນ​ຕອນ​ຂອງ​ກົດ­ໝາຍ ຊຶ່ງ​ໃນ​ປີ­ຜ່ານ­ມາ ຈໍາ​ນວນ​ຄໍາ​ຕັດສິນ​ຂອງ ສານ​ໃນ​ທົ່ວ​ປະ­ເທດ ມີ​ທັງ​ໝົດ​ຈໍາ​ນວນ  37. 342 ເລື່ອງ, ໃນ​ນີ້ ເປັນ​ຄໍາ​ຕັດ​ສິນ ທີ່​ຄ້າງ​ມາ​ແຕ່​ປີ 2018 ຈໍາ​ນວນ 27.472 ເລື່ອງ ແລະ ຄະ­ດີ​ເຂົ້າ​ໃໝ່​ໃນ​ປີ 2019 ຈໍາ​ນວນ 9.870 ເລື່ອງ.

ສາ­ມາດ​ຈັດ​ຕັ້ງ​ປະ­ຕິ​ບັດ​ສໍາ​ເລັດ ຈໍາ​ນວນ 2.387 ເລື່ອງ ເທົ່າ​ກັບ 6,39% ຂອງ​ຈໍາ​ນວນ​ຄໍາ​ຕັດ­ ສິນ​ຂອງ​ສານ​ທັງ​ໝົດ ແລະ ເທົ່າ​ກັບ 24,18% ຂອງ​ຈໍາ​ນວນ ຄໍາ​ຕັດ­ສິນ​ຂອງ​ສານ​ທີ່​ເຂົ້າ​ໃໝ່ ສົ່ງ​ໃຫ້​ອົງ­ການ​ໄອ​ຍະ​ການ​ປະ­ຊາ ­ຊົນ​ຕາມ​ຄໍາ​ສັ່ງ​ທວງ​ສໍາ​ນວນ​ຄະ­ດີ ຈໍາ​ນວນ 174 ເລື່ອງ, ສົ່ງ​ອົງ­ການ​ປະ­ຕິ­ບັດ​ອື່ນ ຈໍາ​ນວນ 515 ເລື່ອງ. ປັດ­ຈຸ­ບັນ, ຈໍາ​ນວນ​ຄໍາ​ຕັດ­ສິນ​ຂອງ​ສານ​ທົ່ວ​ປະ ເທດ​ທີ່​ຍັງ​ຄ້າງ ແລະ ພວມ​ຈັດ​ຕັ້ງ​ປະ­ຕິ­ບັດ ມີ​ທັງ​ໝົດ​ຈໍາ​ນວນ 34.266 ເລື່ອງ ໃນ​ນີ້, ເປັນ​ຄະ­ດີ​ແພ່ງ ຈໍາ​ນວນ 8.234 ເລື່ອງ ແລະ ຄະ­ດີ​ອາ­ຍາ ຈໍາ​ນວນ 26.032 ເລື່ອງ ໃນ​ນັ້ນ​ວຽກ​ງານ​ສົ່ງ­ເສີມ​ລະ­ບົບ​ຍຸ­ຕິ​ທຳໄດ້​ເອົາ­ໃຈ­ໃສ່​ຍູ້​ແຮງ​ຂະ­ບວນ​ການ​ວຽກ​ງານ​ຍຸ​ຕິ​ທໍາ​ຮາກ​ຖານ ຕິດ​ພັນ​ກັບ​ວຽກ​ງານ 3  ສ້າງ ຂອງ​​ຂະແໜງ​ຍຸ​ຕິ​ທໍາໃນ​ຂອບ​ເຂດ​ທົ່ວ​ປະ­ເທດ ຊຶ່ງ​ສາ­ມາດ​ໂຄ ­ສະ­ນາ​ເຜີຍ­ແຜ່​ກົດ­ໝາຍ​ໄດ້ 8.382 ຄັ້ງ; ສ້າງ​ຄອບ­ຄົວ ແລະ ບ້ານ​ເ​ເບ​ບ​ຢ່າງ​ປະ­ຕິ­ບັດ​ກົດ­​ໝາຍ​ໄດ້ 969.827 ຄອບ­ຄົວ, 6,955 ບ້ານ, ມີ​ຄະ­ນະ​ແກ້​ໄຂ​ຂໍ້​ຂັດ​ແຍ່ງ​ຂັ້ນ​ບ້ານ 8.347 ຄະ ­ນະ, ໄດ້​ຮັບ​ຂໍ້​ຂັດ​ແຍ່ງ​ທັງ​ຫມົດ 3.518 ຂໍ້​ຂັດ​ແຍ່ງ, ແກ້​ໄຂ​ສໍາ​ເລັດ 2.971 ຂໍ້​ຂັດ​ແຍ່ງ, ສົ່ງ​ໃຫ້​ພາກ­ສ່ວນ​ອື່ນ 218 ຂໍ້​ຂັດ​ແຍ່ງ, ພວມ​ດໍາ​ເນີນ​ການ​ແກ້​ໄຂ 329 ຂໍ້​ຂັດ​ແຍ່ງ; ການ​ຮຽນ​-​ການ​ສອນ​ກົດໝາຍ​ຊັ້ນ​ຕົ້ນ ໄດ້​ເປີດ​ຮຽນ​ຢູ່ 136 ເມືອງ, ມີ 1.509 ບ້ານ, 1 17 ຈຸດ​ຮຽນ ແລະ ມີ​ຜູ້​ເຂົ້າ​ຮ່ວມ​ທັງ​ໝົດ 5.383 ຄົນ, ຍິງ 1.115 ຄົນ, ໄດ້​ສ້າງ­ຕັ້ງ ຄະ­ນະ​ແກ້​ໄຂ​ຂໍ້​ຂັດ​ແຍ່ງ​ເດັກ​ຂັ້ນ​ບ້ານ​ໄດ້ 399 ບ້ານ, ລົງ​ໂຄ­ສະ­ນາ​ກົດ­​ໝາຍ​ກ່ຽວ​ກັບ​ວຽກ​ງານ​ເດັກ​ຢູ່​ຕາມ​ກຸ້ມ​ບ້ານ, ບ້ານ, ໂຮງຮຽນ ແລະ ສະ­ຖານ­ທີ່​ຕ່າງໆ​ໄດ້ 2.970 ຄັ້ງ ແລະ ມີ​ເດັກ​ທີ່​ກະ​ທໍາ​ຜິດ ໃນ​ຂອບ​ເຂດ​ທົ່ວ​ປະເທດ ຈໍາ​ນວນ 256 ເລື່ອງ ໄດ້​ຮັບ​ການ​ແກ້​ໄຂ ຈໍາ​ນວນ 181 ເລື່ອງ.

Medialaos MMD