ເພື່ອເປັນການສະຫລຸບຜົນການແຂ່ງກິລາ – ສິລະປະຂອງນັກກິລາ ເມືອງປາກຊັນ ທີ່ເຂົ້າຮ່ວມງານມະຫາກໍາແຂ່ງຂັນກິລາ-ສິລະປະທົ່ວແຂວງຄັ້ງທີ 4 ທີ່ເມືອງຄຳເກີດເປັນເຈົ້າພາບໃນເດືອນຜ່ານມາ ໃນຕອນບ່າຍວັນທີ 25 ກຸມພາ 2020 ຢູ່ສະໂມສອນປົກຄອງເມືອງປາຊັນ ໄດ້ຈັດພິທີສະຫຼຸບຜົນການແຂ່ງຂັນກິລາ-ສິລະປະຂອງນັກກິລາເມືອງປາກຊັນ ໂດຍການໃຫ້ກຽດເຂົ້າຮ່ວມຂອງທ່ານ ໄມຈອມ ວັນນະສານຄຳ ເຈົ້າເມືອງປາກຊັນ, ມີບັນດາຄະນະນຳ, ຄູຝຶກ, ນັກກິລາ, ແຂກຖືກເຊີນ ແລະ ຜູ້ໃຫ້ການອຸປະຖຳ ເຂົ້າຮ່ວມ.

ໃນພິທີ ໄດ້ຮັບຟັງການລາຍງານສະຫຼຸບຜົນຂອງການແຂ່ງຂັນກິລາ ຢູ່ເມືອງຄຳເກີດ ຈາກ ທ່ານ ຄຳແວ່ນ ປັນຍານຸວົງ ຫົວໜ້າຫ້ອງການສຶກສາທິການ ແລະ ກິລາເມືອງປາກຊັນ ເຊິ່ງເມືອງປາກຊັນ ໄດ້ສົ່ງນັກກິລາເຂົ້າຮ່ວມແຂ່ງຂັນທັງໝົດ 147 ຄົນ, ຍິງ 34 ຄົນ ມີ 6 ປະເພດກິລາ ແລະ ສິລະປະ 2 ລາການ ຄື : ປະເພດກິລາບານເຕະ, ບານສົ່ງ, ກະຕໍ້, ເປຕັງ, ໝາກເສິກ ແລະ ກິລາແລ່ນ-ລານ, ປະເພດສິລະປະ: ດົນຕີພື້ນເມືອງລາວ ແລະ ລາຍການ ຟ້ອນລວມໝູ່. ຜ່ານການແຂ່ງຂັນຂອງນັກກິລາເມືອງປາກຊັນ ສາມາດສ້າງຜົນງານຍາດມາໄດ້ 8 ຫຼຽນຄຳ, 7 ຫຼຽນເງິນ ແລະ 3 ຫຼຽນທອງແດງ ລວມທັງໝົດ 18 ຫຼຽນ ໄດ້ອັນດັບທີ 1 ຂອງແຂວງ, ການແຂ່ງຂັນສິລະປະ ເມືອງປາກຊັນຍັງສາມາດຍາດໄດ້ທີ 1 ໃນປະເພດດົນຕີພື້ນເມືອງລາວ ເປັນເຈົ້າຫຼຽນຄຳໃນການແຂ່ງຂັນ-ສິລະປະກິລານັກຮຽນມັດທະຍົມສຶກສາຄັ້ງນີ້.

Medialaos bolikhamxay