ປະກາດການຈັດຕັ້ງຫຼາຍຕຳແໜ່ງທີ່ຂື້ນກັບກອງບັນຊາການຂອງທະຫານແຂວງຈຳປາສັກ

0
457

ໃນຕອນບ່າຍວັນທີ 27 ກຸມພາ 2020 ນີ້ກອງບັນຊາການທະຫານແຂວງຈຳປາສັກ ໄດ້ຈັດພິທີປະກາດການຈັດຕັ້ງຫົວໜ້າ,ຮອງຫົວໜ້າຫ້ອງ, ຫົວໜ້າພະແນກ, ຮອງຫົວໜ້າພະແນກ ທີ່ຂື້ນກັບກອງບັນຊາການທະຫານແຂວງຈຳປາສັກ ໂດຍໃຫ້ກຽດເຂົ້າຮ່ວມຂອງທ່ານ ປອ ບຸນຖອງ ດີວິໄຊ ກຳມະການສູນກາງພັກ, ເລຂາພັກແຂວງ, #ເຈົ້າແຂວງ ຈຳປາສັກ, ທ່ານພົນຈັດຕະວາ ສຸໄກ ພິມມະສານ ເລຂາອົງຄະນະພັກ, ຫົວໜ້າການທະຫານ ກອງບັນຊາການການທະຫານແຂວງ, ມີຄະນະພັກແຂວງ, ເມືອງ, ຄະນະພັກ, ຄະນະບັນຊາການ, ຫົວໜ້າພະແນກ, ຮອງພະແນກການ, ຫ້ອງການນາຍທະຫານເຂົ້າຮ່ວມ.

ໃນພິທີໄດ້ຜ່ານມະຕິຕົກລົງຂອງຄະນະປະຈຳພັກແຂວງຈຳປາສັກ ວ່າດ້ວຍການແຕ່ງຕັ້ງ, ຍົກຍ້າຍຫົວໜ້າຫ້ອງການ, ຮອງຫ້ອງການ ຄະນະກຳມະການ ປກຊ – ປກສ ເຊັ່ນ:

  1. ແຕ່ງຕັ້ງສະຫາຍ ພັນໂທ ພູວຽງ ບຸດດາລາ ຫົວໜ້າຫ້ອງການ ປກຊ-ປກສ ເປັນຮັກສາການຫົວໜ້າຫ້ອງການກໍ່ສ້າງຮາກຖານການເມືອງ ແຂວງຈຳປາສັກ
  2. ສະຫາຍ ພັນໂທ ຄຳປັນ ວົງສາລີ ຫົວໜ້າພະແນກສັງລວມຫ້ອງການ ປກຊ-ປກສ ເປັນຮັກສາການຮອງຫົວໜ້າກໍ່ສ້າງຮາກຖານການເມືອງແຂວງຈຳປາສັກ
  3. ສະຫາຍ ພັນຕີ ບຸນທະນອງ ຈັນຂຽວ ຮອງຫ້ອງການກໍ່ສ້າງຮາກຖານການເມືອງ ຖອນມາປະຈຳການຢູ່ຫ້ອງການເມືອງທະຫານແຂວງ
  4. ສະຫາຍ ພັນໂທ ບົວໄຂ ພົມພັນ ຫົວໜ້າການທະຫານ ໂຮງຮຽນການທະຫານທ້ອງຖິ່ນ ເປັນຮັກສາການຫົວໜ້າຫ້ອງການຄະນະກຳມະການ ປກຊ-ປກສ
    ໃຫ້ຜ່ານຄຳສັ່ງຍົກຍ້າຍແຕ່ງຕັ້ງຂອງຫົວໜ້າການທະຫານ ກອງບັນຊາການທະຫານແຂວງຫຼາຍຕຳແໜ່ງເຊັ່ນ: ແຕ່ງຕັ້ງ
  1. ສະຫາຍ ພັນຕີ ຄຳໃບ ຈັນທະວິໄລ ເປັນຮອງຫົວໜ້າພະແນກ ວິທະຍາສາດ,ປະຫວັດສາດການທະຫານ
  2. ສະຫາຍ ພັນຕີ ຊ່ອງທິບ ກະເສີມສຸກ ເຮັດໜ້າທີ່ເປັນຫົວໜ້າຮັບຕ້ອນຫ້ອງການກອງບັນຊາການທະຫານແຂວງ
  3. ສະຫາຍ ພັນໂທ ສີເມືອງແກ້ວມະນີວອນ ເຮັດໜ້ທີ່ຮັກສາການຫົວໜ້າພະແນກໂຄສະນາ ຫ້ອງການເມືອງທະຫານແຂວງ
  4. ສະຫາຍ ພັນຕີ ສຸກສະຫວັນໄຊນະສົມບູນ ຮັກສາການຫົວໜ້າ ພະແນກໄອຍະການຫ້ອງການເມືອງທະຫານແຂວງ
  5. ສະຫາຍ ພັນໂທ ດຳລັດ ໄຊຍະລາດ ເຮັດໜ້າທີ່ເປັນຮັກສາການຫົວໜ້າພະແນກປ້ອງກັນພາຍໃນຫ້ອງການເມືອງທະຫານແຂວງ
  6. ສະຫາຍ ພັນຕີ ສົມວິໄລ ຄຳທະລາເຮັດໜ້າທີ່ຮັກສາການຮອງພະແນກປ້ອງກັນພາຍໃນຫ້ອງການເມືອງທະຫານແຂວງ
  7. ສະຫາຍ ພັນໂທ ວັນໄຊ ຈຽງຄຳ ເປັນສຶກສາການຮອງຫົວໜ້າຫ້ອງການກອງບັນຊາການທະຫານແຂວງ
  8. ສະຫາຍ ພັນໂທ ກອງແກ້ວ ວຽງໄຊຍະສອນ ຮັກສາການຮອງຫົວໜ໊າຫ້ອງການເມືອງທະຫານແຂວງ
    ໂອກາດນີ້ ທ່ານ ປອ ບຸນຖອງ ດີວິໄຊ ເລຂາພັກແຂວງ, ເຈົ້າແຂວງຈຳປາສັກ ຍັງໄດ້ໂອ້ລົມຕໍ່ນາຍທະຫານທີ່ໄດ້ຮັບການແຕ່ງຕັ້ງ ສັບຊ້ອນໜ້າທີ່ໃໝ່ ໂດຍເນັ້ນໃຫ້ເຂົ້າໃຈ ຕໍ່ທິດນຳພາຂອງພັກ ເພື່ອປັບປຸງລະບົບການຈັດຕັ້ງໃຫ້ໜັກແໜ້ນເຂັ້ມແຂງ,ສຶບຕໍ່ເພິ່ມທະວີໜ້າທີ່ດ້ວຍຄວາມຮັບຜິດຊອບສູງ ນຳພາ-ບັນຊາຮັກສາເຂດນໍ້າແດນດິນໄວ້ໄດ້ຢ່າງໝັ້ນຄົງຕະຫຼອດໄປ.

ສື່ມວນຊົນແຂວງຈຳປາສັກ
medialaos
ເກດສະໜາ ແກ້ວສຸວັນນະແສງ