ໃນວັນທີ 02 ມີນາ 2020 ກົມໂຄສະນາ, ສູນກາງແນວລາວສ້າງຊາດ ໄດ້ຈັດກອງປະຊຸມ ຝຶກອົບຮົມ ຂຽນຂ່າວ – ຂຽນບົດ ໃຫ້ພະນັກງານ-ວິຊາການ ແນວລາວສາງຊາດແຂວງ ແລະ ນະຄອນຫຼວງ, ຢູ່ທີ່ທ່າລາດ, ແຂວງວຽງຈັນ.

ກອງປະຊຸມດັ່ງກ່າວ, ຜູ້ເຂົ້າຮ່ວມໄດ້ຮັບຟັງການບັນຍາຍໃຫ້ຄວາມຮູ້ຫຼາຍຫົວຂໍ້ ພ້ອມທັງໄດ້ແລກປ່ຽນບົດຮຽນ ແລະ ຄວາມຮູ້ເຊິ່ງກັນ ແລະ ກັນ. ໂດຍສະເພາະ ແມ່ນຫົວຂໍ້: ການໂຄສະນາຜ່ານສື່ອອນລາຍ. ໂດຍທ່ານ ສົມສະຫວາດ ພົງສາ, ຮອງຫົວໜ້າກົມສື່ມວນຊົນ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ. ເປັນຜູ້ບັນຍາຍໃຫ້ບົດຮຽນ ແລະ ແລກປ່ຽນຄວາມຮູ້ນຳບັນດາຜູ້ເຂົ້າຮ່ວມ.

ຫົວຂໍ້ດັ່ງກ່າວ, ແມ່ນໃຫ້ຄວາມຮູ້ກ່ຽວກັບສື່ສັງຄົມອອນລາຍ ໂດຍສະເພາະ ການໂຄສະນາຜ່ານສື່ອອນລາຍ, ເຄື່ອງມືນຳໃຊ້ໃນສື່ອອນລາຍ, ຂ່າວປອມ-ຂ່າວລື-ຂ່າວຫຼອກລວງ ແລະ ສະຖິຕິຂອງຜູ້ຊົມໃຊ້ສື່ສັງຄົມອອນລາຍ. ລວມເຖິງ ດ້ານດີ ແລະ ດ້ານບໍ່ດີ ຂອງການນຳໃຊ້ສື່ສັງຄົມອອນລາຍ.

ໃນຕອນທ້າຍ ທ່ານຍັງໄດ້ເນັ້ນໃຫ້ບັນດາຜູ້ເຂົ້າຮ່ວມກອງປະຊຸມ ຈົ່ງມີສະຕິໃນການຂຽນຂ່າວຜ່ານສື່ອອນລາຍ ແລະ ມີສະຕິໃນການຮັບຂໍ້ມູນຂ່າວສານຜ່ານສື່ສັງຄົມອອນລາຍ ອັນໃດຂ່າວປອມ-ຂ່າວລື ແລະ ຂ່າວຫຼອກລວງ ເພື່ອບໍ່ຕົກເປັນເຄື່ອງມືໃຫ້ກັບກຸ່ມຄົນບໍ່ດີ.

Medialaos MMD