ດ່ວນ…ແຈ້ງການໂຈະ ຫຼື ເລື່ອນຊົ່ວຄາວການຈັດງານຕ່າງໆ

0
315

ຫ້ອງການ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ອອກແຈ້ງການ ເລກທີ 107/ຫກ, ລົງວັນທີ 10/03/2020 ເຖິງບັນດາພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫຼວງວຽງຈັນ, ແຂວງໃນຂອບເຂດທົ່ວປະເທດ, ສະມາຄົມທຸລະກິດທ່ອງທ່ຽວລາວ ແລະ ສະມາຄົມທຸລະກິດທ່ອງທ່ຽວລາວ. ກ່ຽວກັບ ການໂຈະ ຫຼື ການເລື່ອນຊົ່ວຄາວ ການສົ່ງນັກທ່ອງທ່ຽວໄປບັນດາປະເທດໃນກຸ່ມສ່ຽງການຕິດເຊື້ອພະຍາດໄວຣັສ ໂຄວິດ -19 ( COVID -19 ) ແລະ ການນຳເຂົ້ານັກທ່ອງທ່ຽວຈາກປະເທດດັ່ງກ່າວ ແລະ ການໂຈະຊົ່ວຄາວ ການຈັດງານປະເພນີ, ງານດອງ ແລະ ງານລ້ຽງສ້າງສັນທີ່ມີຄົນຈຳນວນຫຼາຍເຂົ້າຮ່ວມ.

ເພື່ອແຈ້ງໄປຍັງບັນດາຫົວໜ່ວຍທຸລະກິດໃນຂະແໜງການທ່ອງທ່ຽວພາຍໃນແຂວງຂອງຕົນ ໃຫ້ເຂັ້ມງວດໃນການຈັດຕັ້ງປະຕິບັດ ແລະ ຜັນຂະຫຍາຍໜັງສືແຈ້ງການຂອງຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID -19 ສະບັບເລກທີ 005/ສພກ, ລົງວັນທີ 02/03/2020 ຢ່າງເຂັ້ມງວດ, ພ້ອມທັງຕິດຕາມກວດກາ ແລະ ຈັດຕັ້ງປະຕິບັດຕາມແຈ້ງການສະບັບນີ້ຢ່າງເຄັ່ງຄັດ ຈົນກວ່າສະພາບການຈະເຂົ້າສູ່ພາວະປົກກະຕິ.

Medailaos MMD