ໃນຕອນບ່າຍຂອງມື້ນີ້ ເຈົ້າໜ້າທີ່ຫ້ອງການກະຊວງ ຖວທ ໄດ້ໃຫ້ຄວາມກະຈ່າງແຈ້ງຕໍ່ກັບແຈ້ງການ, ສະບັບເລກທີ 107, ລົງວັນທີ 10 ມີນາ 2020 ທີ່ສັງຄົມ ໃຫ້ຄວາມສົນໃຈກ່ຽວກັບການໃຫ້ໂຈະ ຫຼື ເລື່ອນງານດອງ.

ຕໍ່ຄວາມສົນໃຈດັ່ງກ່າວນີ້ເຈົ້າໜ້າທີ່ຫ້ອງການກະຊວງ ຖວທ ໄດ້ຊີ້ແຈງຕໍ່ ຂປລ ວ່າ: ງານດອງກໍ່ແມ່ນການເຕົ້າໂຮມຄົນຈຳນວນຫຼວງຫຼາຍທີ່ໄດ້ກ່າວໄວ້ຢູ່ໃນແຈ້ງການຂອງຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ 19.

ການໂຈະ ຫຼື ເລື່ອນເວລາຈັດງານທີ່ລະບຸໃນແຈ້ງການນັ້ນ ແມ່ນເປັນວິທີທາງທີ່ດີທີ່ສຸດ ເພື່ອປ້ອງກັນ ແລະ ຫຼີກລ່ຽງບໍ່ໃຫ້ມີຄວາມສ່ຽງຕໍ່ການຕິດເຊື້ອ ແລະ ແຜ່ເຊື້ອຂອງພະຍາດໂຄວິດ 19 ນີ້.

Medialaos MMD