ຕາມການໃຫ້ສຳພາດຂອງທ່ານ ອ່ອນລຳພັນ ບົວສີແກ້ວ ເລຂາຄະນະບໍລິຫານງານພັກເມືອງ ເຈົ້າເມືອງໄຊບູລີ ໄດ້ໃຫ້ສຳພາດຕໍ່ຜູ້ສື່ຂ່າວສະຖານີວິທະຍຸກະຈາຍສຽງແຂວງຂອງພວກເຮົາ ໃນຄັ້ງວັນທີ 11 ມີນາ 2020 ນີ້ ກ່ຽວກັບການລົງເຄື່ອນໄຫວເຜີຍແຜ່ມະຕິກອງປະຊຸມໃຫຍ່ຄັ້ງທີ 7 ຂອງອົງຄະນະພັກເມືອງໄຊລີ ເຊິ່ງທາງຄະນະບໍລິຫານງານພັກເມືອງໄດ້ຈັດກອງປະຊຸມແບ່ງຄວາມຮັບຜິດຊອບໃຫ້ແຕ່ລະສະຫາຍໃນຄະນະປະຈຳພັກເມືອງ ແລະ ກຳມະການພັກເມືອງ ໃນຄັ້ງວັນທີ 10 ກຸມພາ ທີ່ຜ່ານມາ. ຈາກນັ້ນກໍ່ໄດ້ມີການຈັດຕັ້ງປະຕິບັດລົງເຜີຍຕົວຈິງໃຫ້ກັບປະຊາຊົນໃນທົ່ວໄດ້ທັງໝົດ 10 ກຸ່ມບ້ານ ໃນຈຳນວນ 54 ບ້ານທົ່ວເມືອງໄຊບູລີ ຮອດວັນທີ 28 ກຸມພາ 2020 ການລົງເຜີຍແຜ່ມະຕິກອງປະຊຸມໃຫຍ່ຄັ້ງທີ 7 ຂອງອົງຄະນະພັກເມືອງໄຊລູລີແມ່ນໄດ້ສຳເລັດ 100%. ທ່ານ ອ່ອນລຳພັນ ບົວສີແກ້ວ ຍັງໃຫ້ຮູ້ຕື່ມອີກວ່າ ປັດຈຸບັນທາງຄະນະນຳຂອງເມືອງແມ່ນເລັ່ງໃສ່ການສ້າງບ້ານພັດທະນາຕາມດຳລັດ 348 ໂດຍສະເພາະແມ່ນບັນດາບ້ານເປົ້າໝາຍທີ່ມີທ່າແຮງທາງດ້ານເສດຖະກິດ,ຊຸກຍູ້ການຜະລິດໃຫ້ກາຍເປັນສິນຄ້າໃຫ້ຫຼາຍຂຶ້ນ ໃນປີຜ່ານມາທົ່ວເມືອງໄຊບູລີ ສາມາດປະກາດບ້ານພັດທະນາໄດ້ທັງໝົດ 33 ບ້ານ ແລະ ຈະສ້າງຕືື່ມໃນປີ 2020 ຈໍານວນ 10 ບ້ານ.ຄາດວ່າປີ 2024 ຈະໃຫ້ສຳເລັດ 100% ໃນຈຳນວນ 54 ໃນທົ່ວເມືອງ.
ສຳລັບການພັດທະນາດ້ານພື້ນຖານໂຄງລ່າງ ທາງເມືອງແມ່ນໄດ້ເນັ້ນໃສ່ການສ້າງທາງດິນແດງໃຫ້ທຽວໄດ້ສະດວກສະບາຍ ປັດຈຸບັນການຟື້ນຟູເສັ້ນທາງແມ່ນສຳເລັດໄດ້ຫຼາຍເສັ້ນແລ້ວ ໃນນັ້ນກໍ່ແມ່ນການສ້າງຂົວຈຸດທີ່ມີຄວາມສ່ຽງໃນການຖືກນ້ຳຖ້ວມ ເຊິ່ງໄດ້ນຳພາປະຊາຊົນສ້າງໂດຍການໃຊ້ທຶນປະຊາຊົນ ແລະ ເມືອງປະກອບສ່ວນຈຳນວນໜຶ່ງ ແລະ ໄດ້ສຳເລັດໄປນຳແລ້ວ. ນອກຈາກນັ້ນກໍ່ແມ່ນການສ້າງແຫຼ່ງທ່ອງທ່ຽວຢູ່ບ້ານໜອງເຮືອທອງ,ການສ້າງຫໍຄອຍ,ສ້າງຫໍວາງສະແດງຈຸດທີ່ຄົ້ນພົບວັດຖຸບູຮານ ແລະ ມີແຜນປັບປຸງແຫຼ່ງທ່ອງທ່ຽວແກ້ງກະເບົາຕື່ມອີກ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ຫຼາຍຂຶ້ນ.

savannakhet medialaos