ອົງການອະນາໄມໂລກ ປະກາດໂຄວິດ-19 ເປັນພະຍາດລະບາດທົ່ວໂລກ

0
388

ວັນທີ 12 ມີນາ 2020, ອົງການອະນາໄມໂລກ ປະກາດວ່າ: ເຊື້ອໄວຣັດໂຄວິດ-19 ໄດ້ເຂົ້າສູ່ພາວະການລະບາດທົ່ວໂລກ. ທ່ານໝໍ ທີໂດຣສ ອັດຮານອມ ກີບຣີເຢຊຸສ ຜູ້ອຳນວຍການ ອົງການອະນາໄມໂລກ ກ່າວວ່າ: ໃນໄລຍະ 2 ອາທິດຜ່ານມາ ຈຳນວນຜູ້ຕິດເຊື້ອພະຍາດດັ່ງກ່າວ ນອກຈາກປະເທດຈີນ ໄດ້ເພີ່ມຂື້ນເຖິງ 13 ເທົ່າ. ຂະນະທີ່ຈຳນວນປະເທດທີ່ໄດ້ຮັບຜົນກະທົບເພີ່ມຂື້ນເປັນ 3 ເທົ່າ.. ຄາດວ່າ ໃນມໍ່ໆນີ້ ຈະມີຜູ້ຕິດເຊື້ອ, ເສຍຊີວິດ ແລະ ປະເທດ ທີ່ໄດ້ຮັບຜົນກະທົບ ຈະເພີ່ມຂື້ນອີກ ແລະ ທາງອົງການ ອະນາໄມໂລກ ມີຄວາມກັງວົນ ຢ່າງໜັກ ກ່ຽວກັບ ການແຜ່ລະບາດ ແລະ ຄວາມຮຸນແຮງ ຂອງພະຍາດນີ້.

ພ້ອມກັນນັ້ນ ໄດ້ລະບຸວ່າ 90% ຂອງຜູ້ຕິດເຊື້ອໃນ ຈີນ, ສ.ເກົາຫລີ, ອີຣານ ແລະ ອິຕາລີ ຢູ່ທຸກປະເທດ ສາມາດປ່ຽນແນວທາງການແຜ່ລະບາດຂອງພະຍາດໄດ້ ຖ້າຫາກປະເທດຕ່າງໆ ເພີ່ມຄວາມພະຍາຍາມໃນການຕິດຕາມ ກວດຫາ, ປິ່ນປົວ, ແຍກຜູ້ຕິດເຊື້ອ ແລະ ລະດົມກຳລັງທີ່ມີຢູ່ເພື່ອຕໍ່ສູ້ກັບພະຍາດນີ້.

Medialaos MMD