ທ່ານ ທອງ​ລຸນ ສີ​ສຸ​ລິດ ນາຍົກລັດຖະມົນຕີ ຢືນຢັນ ສປປ ລາວ ມີ​ຄວາມ​ພ້ອມ​ໃນ​ທຸກ​ດ້ານ ເພື່ອຮອງ​ຮັບການລະບາດຂອງ​ເຊື້ອ​ໄວຣັດ​ໂຄ​ວິດ-19 ທີ່​ອາດ​ຈະ​​ແຜ່​ລະບາດ ຢູ່​ ສປປ ລາວ ​ເປັນ​ຕົ້ນ ​ໄດ້​ມີ​ຄວາມ​ພ້ອມ​ທາງ ​ດ້ານ​ບຸກຄະລາ​ກອນ, ອຸປະກອນ​ທາງ​ການ​ແພດ, ສະຖານ​ທີ່​ຮອງ​ຮັບ​ຄົນ​ເຈັບ ​ໂດຍ​ໄດ້​ກຳນົດ​ເອົາໂຮງໝໍ​ມິດຕະພາບ 150 ຕຽງ ​ແລະ ​ໂຮງໝໍ​ສູນ​ກາງ 103 ​ເປັນ​ຫລັກ ​ເຊິ່ງ​ໂຮງໝໍ​ດັ່ງກ່າວ, ກໍ​ມີ​ຄວາມ​ພ້ອມ​ທາງ​ ດ້ານ​ອຸປະ​ກອນທີ່​ທັນ​ສະ​ໄໝ, ຫ້ອງ​ປີ່ນປົວ, ຫ້ອງ​ແຍກ​ດ່ຽວ ​ແລະ ​ອື່ນໆ.

ພ້ອມ​ນັ້ນ, ທ່ານ ທອງ​ລຸນ ສີ​ສຸ​ລິດ ຍັງ​ໄດ້​ຮຽກຮ້ອງ​ໃຫ້ຊາຊົນລາວບັນດາເຜົ່າ ​ໃຫ້ມີສະຕິລະມັດລະວັງ, ບໍ່​ປະໝາດ, ເປັນເຈົ້າຕົນເອງປ້ອງກັນ ຕໍ່ການແຜ່ລະບາດຂອງພະຍາດນີ້, ໂດຍການເອົາໃຈໃສ່ຕິດຕາມ ແລະ ປະຕິບັດຕາມວິທີການ, ມາດຕະການທີ່ລັດຖະບານວາງ​ອອກ ​ໃນແຕ່ລະໄລຍະຢ່າງ​ເຄັ່ງ​ຄັດ. ພ້ອມ​ທັງ, ບໍ່​ໃຫ້​ເດີນທາງ​ໄປ​ປະ​ເທດ​ທີ່​ມີ​ຄວາມ​ສ່ຽງ ​ແລະ ຊຸມ​ຊົນ​ແອ້​ອັດ.

Medialaos MMD