ຂ່ຳນັບ​ຮັບ​ຕ້ອນ​ ສະເຫຼີມສະຫຼອງ​ວັນສ້າງຕັ້ງພັກ ປປ ລາວ ຄົບຮອບ 65 ປີ

0
171

ຂະບວນ​ການ​ອອກແຮງ​ແຂ່ງຂັນ​ສ້າງ​ຜົນງານຂາໍ່ນັບ​ຮັບ​ຕ້ອນ​ການ​ສະເຫຼີມສະຫຼອງ​ວັນ​ປະຫວັດສາດ​ຂອງພັກ, ຂອງ​ຊາດ​ເຮົາ ປີ 2020 ໂດຍ​ສະເພາະ​ແມ່ນ​ວັນ​ສ້າງຕັ້ງ​ພັກ ປປ ລາວ ແມ່ນ​ໄດ້​ດຳເນີນ​ມາ​ຢ່າງ​ເປັນ​ຂະບວນ​ກວ້າງຂວາງ​ໃນ​ຂອບ​ເຂດ​ທົ່ວ​ປະເທດ ນັບ​ແຕ່​ຕົ້ນ​ປີ 2020 ໂດຍ​ສະເພາະ​ແມ່ນ​ນັບ​ແຕ່​ມີ​ມະຕິ​ຕົກລົງ ຂອງ​ກົມການເມືອງ​ສູນ​ກາງ​ພັກ ສະບັບ​ເລກ​ທີ  093/ກມສພ ເປັນຕົ້ນ​ມາ.

ແຕ່​ຍ້ອນ​ໄລຍະ​ນີ້ ມີ​ການ​ແຜ່​ລະບາດ​ຂອງ​ເຊື້ອ​ພະຍາດ ໂຄ​ວິດ-19 ໄດ້​ເຂົ້າ​ສູ່​ພາວະ​ການ​ລະບາດ​ທົ່ວ​ໂລກ​ຢ່າງ​ຮ້າຍ​ແຮງ  ດັ່ງນັ້ນ,  ເຖິງ​ວ່າ​ຢູ່​ປະເທດ​ເຮົາຍັງ​ບໍ່​ທັນ​ພົບ​ການ​ຕິດເຊື້ອ, ແຕ່​ກໍ​ມີ​ຄວາມ​ສ່ຽງ​ສູງ,  ເພື່ອ​ປ້ອງ​ກັນ​ຕົນ​ເອງ ຈຶ່ງບໍ່​ມີ​ການຈັດຕັ້ງ​ພິທີ​ໂຮມຊຸມ ນຸມ​ສະຫຼອງ​ວັນ​ດັ່ງກ່າວ​ຢູ່​ແຕ່ ​ລະ​ບ່ອນກໍ​ຄື​ກິດຈະກຳ​ທີ່​ພົວ ພັນ​ເຖິງ​ການ​ເຕົ້າໂຮມ​ມວນ​ຊົນ​ເປັນ​ຈຳນວນ​ຫຼາຍ  ໃນ​ສະຖານທີ່​ດຽວ​ກໍ​ຕາມ.

ແຕ່​ຂະບວນ​ການ​ສ້າງ​ຜົນງານ​ຂາໍ່ນັບ​ຮັບ​ຕ້ອນ​ວັນ​ສ້າງຕັ້ງ​ພັກ ປປ ລາວ ໄດ້​ຫັນ​ໄປ​ສູ່​ຮູບ​ການ​ອື່ນ ໂດຍ​ໄດ້​ເພີ່ມ​ທະວີ​ການ​ໂຄສະນາ, ປຸກລະດົມ ແລະ ຍູ້​ຂະບວນ​ການ​ຜ່ານ​ສື່​ມວນ​ຊົນ​ຕ່າງໆ​ຢ່າງ​ແຂງແຮງ ແລະ ຕໍ່​ເນື່ອງ​ເຊັ່ນ: ອອກ​ບົດ​ຄວາມ, ບົດ​ຂ່າວ, ສາລະ​ຄະດີ, ບົດ​ສຳພາດ, ບົດ​ເລົ່າ​ມູນເຊື້ອ, ບົດ​ວຽກ​ດີ​ຄົນ​ເດັ່ນ, ສຽງ​ເພງ​ປຸກລະດົມ​ຕ່າງໆ.  ນອກ​ນັ້ນຢູ່​ ບາງ​ສຳນັກ​ງານ​-​ອົງການ, ແຂວງ, ນະຄອນຫຼວງ, ເມືອງ ກໍ​ໄດ້​ຈັດ​ກອງ​ປະຊຸມ​ສຳມະ​ນາ ​ວິທະຍາສາດ ໃນ​ຫົວຂໍ້ຕ່າງໆ ​ກ່ຽວ​ກັບ​ການ​ນຳພາ​ຂອງພັກ; ມີ​ການ​ສືບຕໍ່​ສ້ອມແປງ​ປັບປຸງ​ ເສັ້ນທາງ,  ແຕ້ມ​ເສັ້ນຈະລາ ຈອນ, ປະດັບປະດາ​ຕິດ​ທຸງພັກ, ທຸງຊາດ ແລະ ທຸງ​ທິວ, ຕິດຄຳ​ ຂວັນ​ປຸກລະດົມ​ຕ່າງໆຢູ່ຕາມ​ ຕົວ​ເມືອງ, ສຳນັກງານ, ຫ້ອງ ການ, ບ້ານ​ເຮືອນ​ປະຊາຊົນຢ່າງ ສວຍ​ງາມ.

ພິເສດ​ໃນ​ວັນສຳ   ຄັນ​ດັ່ງກ່າວການ​ນຳ​ທັງສູນ​ກາງ ແລະ  ທ້ອງຖິ່ນຈະໄດ້​ມີ​ການ​ວາງ​ກະຕ່າ​ດອກ​ໄມ້  ແລະ  ວາງ​ພວງມາລາ​ຢູ່​ສະຖານທີ່​ສຳຄັນ​ຂອງ​ສູນ​ກາງ  ແລະ  ທ້ອງຖິ່ນ ເປັນຕົ້ນ​ຕໍ່ໜ້າ​ຮູບ​ປັ້ນ​ຂອງປະ ທານ ໄກສອນ ພົມວິຫານ ແລະ ຢູ່​ອະນຸສາວະລີນັກຮົບ​ນິລະ​ນາມ. ສະເພາະ​ວັນ​ທີ 22 ມີນາ 2020 ຈະ​ມີ​ລາຍການພິເສດຄື: ສະຫາຍ  ບຸນ​ຍັງ  ວໍລະຈິດ  ເລຂາ ທິການ​ໃຫຍ່ຄະນະບໍລິຫານ ​ງານ​ສູນ​ກາງ​ພັກປະທານ​ປະ ເທດ ຈະ​ໄດ້​ກ່າວ​ຄຳ​ປາ​ໄສ​ຜ່ານ​ ທາງ​ໂທລະພາບ, ວິທະຍຸ, ສື່​ສັງ ຄົມ​ອອນ​ລາຍ ແລະ ໜັງສືພິມ ແລະ ສື່​ອື່ນໆ​ຢ່າງ​ກວ້າງຂວາງ. ຂໍ​ໃຫ້​ທົ່ວ​ປວງ​ຊົນ​ລາວ​ທັງ​ຊາດ ຈົ່ງ​ຕິດຕາມ​ຟັງ​ຄຳ​ປາ​ໄສ​ຂອງ​ການ​ນຳ​ສູງ​ສຸດ​ປະເທດ​ເຮົາ ໃນ​ວັນ​ສຳຄັນ​ຜ່ານ​ສື່​ມວນ​ຊົນ​ໃນ ຄັ້ງນີ້​ພ້ອມ​ກັນ.

Medialaos MMD