ຖະແຫຼງການຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ປະຈໍາວັນທີ 30 ມີນາ 2020

0
312

ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,
ຜູ້ປະຈໍາການຄະນະສະເພາະກິດ

I. ສະພາບການ COVID-19 ໃນທົ່ວໂລກ
ມາຮອດເວລາ 24:00 ໂມງເຊົ້າ ຂອງວັນທີ 29 ມີນາ 2020, ທົ່ວໂລກມີລາຍງານກໍລະນີ
ທັງໝົດ 201 ປະເທດ.

ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 662,643 ກໍລະນີ
(ເພີ່ມຂື້ນ 68,933 ກໍລະນີ, ເສຍຊິວິດ 30,845 (ເພີ່ມຂື້ນ 3,627 ກໍລະນີ) ແລະ
ປີ່ນປົວຫາຍດີ 141,945 (ເພີ່ມຂື້ນ 8,940).

II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 29 ມີນາ 2020 ຕາມດ່ານຊາຍແດນ ແລະ ສະໜາມບິນສາກົນ

  1. ວຽກງານຈຸດຜ່ານດ່ານ
    • ຈໍານວນຜູ້ເດີນທາງເຂົ້າມາທັງໝົດ: 3,112 ຄົນ
    • ຈໍານວນຜູ້ເດີນທາງຜ່ານສະໜາມບິນທັງໝົດ 42 ຄົນ
    • ຈໍານວນຜູ້ເດີນມທາງຜ່ານທາງດ່ານລາວ-ໄທທັງໝົດ 2,141 ຄົນ, ມີຄົນເປັນໄຂ້ 4 ຄົນ ທັງໝົດແມ່ນຢູ່ແຂວງຈຳປາສັກ, ໄດ້ຮັບການຕິດຕາມຢູ່ໂຮງໝໍເມືອງໂພນທອງ ແລະ ຈະເກັບຕົວຢ່າງສົ່ງມາແຂວງ.
  2. ການເຝົ້າລະວັງ ແລະ ວິເຄາະ
    ວັນທີ 29 ມີນາ 2020, ມີກໍລະນີສົງໃສ 64 ກໍລະນີ ທີ່ຕິດຕາມຢູ່ໂຮງໝໍໃນແຕ່ລະແຂວງຄື
    • ນະຄອນຫຼວງວຽງຈັນ 49 ກໍລະນີ
    • ແຂວງຫຼວງພະບາງ 11 ກໍລະນີ
    • ແຂວງສາລາວັນ 2 ກໍລະນີ
    • ແຂວງໄຊຍະບູລີ ແລະ ຜົ້ງສາລີ ແຂວງລະ 1 ກໍລະນີ

ຜົນກວດວະເຄາະ 63 ກໍລະນີເປັນລົບ ມີ 1 ກໍລະນີຕິດເຊື້ອ.
ເປັນເພດຍິງ ອາຍຸ 22 ປີ, ບ້ານ ໂພນພະເນົາ, ເມືອງ ໄຊເສດຖາ, ປະຈຸບັນໄດ້ເອົາເຂົ້ານອນປຶ່ນປົວຢູ່ ໂຮງໝໍມິດຕະພາບດ້ວຍອາການເບົາບາງ, ມີໄຂ້, ໄອ, ນ້ຳມູກ, ຍ່າງໄປມາ ແລະ ຊ່ວຍເຫຼືອຕົນເອງໄດ້.
ຜູ້ກ່ຽວມີປະຫວັດການເດີນທາງມາແຕ່ປະເທດໄທ.

ມາຮອດປະຈຸບັນນີ້ໄດ້ກວດວິເຄາະກໍລະນີສົງໃສທັງໝົດມີ 364 ກໍລະນີ, ມີກໍລະນີຢັ້ງຢືນຕິດເຊື້ອລວມທັງໝົດມີ 9 ຄົນ.

  1. ການປິ່ນປົວ
    ອາການຂອງຄົນເຈັບທີ່ນອນປິ່ນປົວຕິດຕາມ ທີ່ໂຮງໝໍ ທັງໝົດ 09 ຄົນ: 06 ຄົນ ນອນປິ່ນປົວຢູ່ໂຮງໝໍມິດຕະພາບ ແລະ 03 ຄົນ ຢູ່ໂຮງໝໍຫຼວງພະບາງ, ທັງໝົດແມ່ນມີອາການຊົງຕົວຂັ້ນເບົາບາງ ແລະ ໄດ້ຮັບການປິ່ນປົວຢ່າງເອົາໃຈໃສ່ຈາກແພດໝໍຕາມຫຼັກວິຊາການ.

III. ຂໍ້ແນະນໍາ

  1. ລັດຖະບານ ກໍ່ຄື ຄະນະສະເພາະກິດ
    ແມ່ນມີຄວາມເປັນຫ່ວງເປັນໄຍທີ່ສຸດໃນການ ກັນ, ຄວບຄຸມ, ໂຕ້ຕອບ ແລະ ແກ້ໄຂ ກ່ຽວກັບພະຍາດນີ້, ໄດ້ມີການຕິດຕາມສະພາບການຢ່າງໃກ້ຊິດ, ປະເມີນສະຖານະການ ຢ່າງສະໝໍ່ສະເໝີ ເພື່ອວາງມາດຕະການໃຫ້ເໝາະສົມ ແລະ ເຂົ້າກັບສະພາບການ ຢ່າງທັນເວລາ ເພື່ອ ຫຼຸດຜ່ອນ ການເຈັບເປັນ ຂອງ ປະຊາຊົນ ແລະ ຈຳກັດການແຜ່ລະບາດຂອງພະຍາດໃນຄັ້ງນີ້ ໃຫ້ ຢູ່ໃນວົງແຄບ.

ລັດຖະບານໄດ້ຍົກລະດັບມາດຕະການໂຕ້ຕອບຂື້ນສູ່ລະດັບສູງ, ມີຄຳສັ່ງຂອງທ່ານ ນາຍົກລັດ ຖະຕີເລກທີ 06/ນຍ ລົງວັນທີ 9 ເດືອນ 3, 2020

ຍັງໄດ້ແນະນຳໃຫ້ພາກສ່ວນຕ່າງໆ ຜັນຂະຫຍາຍຄຳສັ່ງສະບັບນີ້ອອກເປັນອັນລະອຽດ ເພື່ອສະດວກ, ເຂົ້າໃຈງ່າຍ ໃນການຈັດຕັ້ງປະຕິບັດ

ຮຽກຮ້ອງໃຫ້ມີການຊີ້ນຳຕິດຕາມກວດກາການຈັດຕັ້ງປະຕິບັດໃຫ້ມີປະສິດຕິຜົນ
ເປັນໂອກາດທີ່ຈະໄດ້ສ້າງຄວາມເຂັ້ມແຂງໃຫ້ແກ່ສາທາລະນະສຸກຊຸມຊົນ ເປັນຕົ້ນ ຄະນະກຳມະການຮັກສາສຸຂະພາບຂັ້ນບ້ານ, ໂຮງໝໍນ້ອຍ, ແພດບ້ານ, ອາສາສະມັກບ້ານ ແລະ ຊຸມຊົນ ໄດ້ເຮັດໜ້າທີ່ສາທາລະນະສຸກທົ່ວປວງຊົນ ໂດຍສະເພາະແມ່ນການຮັກສາສຸຂະພາບ ຂັ້ນຕົ້ນ.

Medialaos