ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,
ຜູ້ປະຈໍາການຄະນະສະເພາະກິດ

I. ສະພາບການ COVID-19 ໃນທົ່ວໂລກ
ມາຮອດເວລາ 24:00 ໂມງເຊົ້າ ຂອງວັນທີ 31 ມີນາ 2020, ທົ່ວໂລກມີລາຍງານກໍລະນີ
ທັງໝົດ 202 ປະເທດ. ເພີ້ມອີກ 1 ປະເທດ

ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 855,139 ກໍລະນີ
(ເພີ່ມຂື້ນ 70,401 ກໍລະນີ, ເສຍຊິວິດ 42,044 (ເພີ່ມຂື້ນ 4,271 ກໍລະນີ) ແລະ
ປີ່ນປົວຫາຍດີ 176,908 (ເພີ່ມຂື້ນ 11,824).

II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 31 ມີນາ 2020 ຕາມດ່ານຊາຍແດນ ແລະ ສະໜາມບິນສາກົນ

  1. ວຽກງານຈຸດຜ່ານດ່ານ
    • ຈໍານວນຜູ້ເດີນທາງເຂົ້າມາທັງໝົດ: 3,298 ຄົນ
    • ຈໍານວນຜູ້ເດີນທາງຜ່ານສະໜາມບິນບໍ່ມີ (0 ຄົນ)
    • ຈໍານວນຜູ້ເດີນມທາງຜ່ານທາງດ່ານລາວ-ໄທທັງໝົດ 2,864 ຄົນ, ພົບຄົນເປັນໄຂ້ 5 ຄົນ ຈາກແຂວງ ບໍ່ແກ້ວ, ທັງ 5 ຄົນນັ້ນໄດ້ຖືກນຳສົ່ງໄປຫ້ອງແຍກປ່ຽວໂຮງໝໍແຂວງ ບໍ່ແກ້ວ ແລະ ຈະເກັບຕົວຢ່າງສົ່ງມາສູນກາງ.
  2. ການເຝົ້າລະວັງ ແລະ ວິເຄາະ
    • ມາຮອດວັນທີ 31 ມີນາ 2020, ໄດ້ມີກໍລະນີສົງໃສເກັບຕົວຢ່າງມາກວດ 31 ຄົນ, ກວດພົບເຊື້ອ 1 ຄົນ, ຖືວ່າມາຮອດປະຈຸບັນພົບຜູ້ຕິດເຊື້ອ 10 ຄົນ.

. ຜູ້ທີ່ 10 ແມ່ນເພດຍິງ, ອາຍຸ 21 ປີ, ຢູ່ບ້ານໜອງສະໂນຄຳ, ເມືອງ ສີໂຄດຕະບອງ, ນະຄອນຫຼວງວຽງຈັນ, ວັນທີ 27 ເຖິງ 29 ຜູ້ກ່ຽວເລີ່ມມີອາການເຈັບຄໍ ແລະ ຈາມ, ເມື່ອຍ, ຫາຍໃຈຍາກ ຊື້ຢາກິນເອງ ຈົນຮອດ 30 ຮູ້ສຶກມີອາການໄຂ້ ແລະ ເຈັບຫົວ, ປວດກ້າມເນື້ອ, ວັນທີ 31 ຈຶ່ງໄປໂຮງໝໍມິດຕະພາບ ແລະ ເຖິງບົ່ງມະຕິ ວ່າເປັນໂຄວິດ ແລະ ເຂົ້ານອນໂຮງໝໍມິດຕະພາບ.

.ໄດ້ລົງເກັບກຳຂໍ້ມູນຮູ້ວ່າຜູ້ສຳພັດໃກ້ຊິດກັບລາວ 8 ຄົນ ແລະ ໄດ້ແນະນຳໃຫ້ຈຳກັດ ບໍລິເວນ ແລະ ເຝົ້າລະວັງຕິດຕາມອາການ

. ລາວເປັນຜູ້ສຳຜັດໃກ້ຊິດກັບຜູ້ຕິດເຊື້ອຄົນທີ 8 ເພດຊາຍທີ່ເປັນພະນັກງານ DHL (ທີ່ຢູ່ບ້ານ ດອນນົກຂຸ້ມ, ເມືອງ ສີສັດຕະນາກ ຄືດັ່ງທີ່ໄດ້ລາຍງານໄປແລ້ວ.

ປະຈຸບັນຈຳນວນກໍລະນີໃກ້ຊິດກັບ 10 ຄົນນີ້ ທີ່ຖືກຕິດຕາມທັງໝົດ 186 ຄົນໃນນັ້ນມີ ອຸດົມໄຊ 24 ຄົນ, ຫຼວງພະບາງ 44 ຄົນ ແລະ ນະຄອນຫຼວງ 118 ຄົນ ທັງໝົດແມ່ນໄດ້ຮັບການຕິດຕາມ ກວດ ແລະ ແທກອຸນຫະພູມເຊົ້າ ແລະ ແລງ ປະຈຸບັນພວກກ່ຽວບໍ່ມີອາການໄຂ້.

ມາຮອດວັນທີ 31 ໄດ້ເກັບຕົວຢ່າງມາກວດທັງໝົດ 437 ຄົນ, ກວດພົບເຊື້ອ 10 ຄົນ ໃນນີ້ມີແຮງງານລາວມາຈາກປະເທດໄທ 45 ຄົນ ຜົນການກວດທັງໝົດບໍ່ພົບເຊື້ອ

ຂໍ້ແນະນຳ
ເລີ່ມແຕ່ມື້ນີ້ເປັນຕົ້ນໄປຄຳສັ່ງເລກທີ 06 ມີຜົນສັກສັດໃຫ້ຈັດຕັ້ງປະຕິບັດ ຈຶ່ງຢາກຂໍແນະນຳຕໍ່ ພະນັກງານລັດຖະກອນ ຜູ້ທີ່ພັກວຽກ, ພັກການ ແລະ ປະຊາຊົນທົ່ວໄປທີ່ຈະຈຳກັດໂຕເອງຢູ່ເຮືອນ ດ້ວຍວິທີການທີ່ເໝາະສົມດັ່ງນີ້

  1. ໝັ່ນລ້າງມືໃຫ້ສະອາດທຸກຄັ້ງເມື່ອມີການສຳພັດກັບວັດຖຸສິ່ງຂອງຢູ່ພາຍໃນເຮືອນ,
    ລ້າງມືໃຫ້ ຖືກວິທີ 7 ຂັ້ນຕອນ.
  2. ເຮັດໃຫ້ອາກາດໃນເຮືອນລ່ວງດີ ເປີດປະຕູປ່ອງຢ້ຽມອອກເພື່ອລະບາຍອາກາດ.
  3. ໝັ່ນອະນາໄມ ຂ້າເຊື້ອ ໂດຍການທຳຄວາມສະອາດໂຕະຕັ່ງ ສິ່ງຂອງໃນເຮືອນ ໃຫ້ປະຈຳທຸກໆມື້.
  4. ປະຕິບັດມາລະຍາດໃນການໄປຈາມ, ໄອໃສ່ກົກແຂນ ຫຼື ໃຊ້ເຈັ້ຍອະນາໄມ ແລະ
    ຖີ້ມໃສ່ຖັງທີ່ມີຝາປິດ.
  5. ພັກຜ່ອນໃຫ້ພຽງພໍ, ອອກກຳລັງກາຍຢູ່ໃນເຮືອນໃຫ້ສະມ່ຳສະເໝີ ກິນອາຫານສະອາດສຸກດີ ແລະ ຢູ່ໃນຄວາມຮ້ອນ, ນອນໃຫ້ຫຼັບສະບາຍ.
  6. ປະຕິບັດການຕິດຕາມວັດແທກອຸນຫະພູມຂອງຕົນ ແລະ ຄົນພາຍໃນຄອບຄົວໃຫ້ເປັນ ປະຈຳໃນແຕ່ລະວັນ ເຊົ້າ-ແລງ ຖ້າມີໄຂ້ຕ້ອງໄປພົບແພດໝໍ ແລະ ໂທປຶກສາ 165, 166.
  7. ປະຕິບັດການປ້ອງກັນຄົນໃນຄອບຄົວໃຫ້ດີ
    . ອອກໄປຂ້ອງນອກຕ້ອງໃສ່ຜ້າອັດປາກ, ດັງ
    . ປະຕິບັດຫຼັກການອະນາໄມ ການໄອຈາມ ບໍ່ຖົ່ມນ້ຳລາຍ ຂີ້ກະເທີ່ຊະຊາຍ
    . ຖ້າຄົນໃນຄອບຄົວເປັນພະນັກງານແພດ ຈະຕ້ອງເຕືອນໃຫ້ລາວມີສະຕິໃນການ ປ້ອງກັນຕົນເອງຢ່າງເຄັ່ງຄັດ