ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,
ຜູ້ປະຈໍາການຄະນະສະເພາະກິດ
ດຣ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ
ດຣ ຫວັງນະຄອນ ດິດຕະພົງ ຮອງຫົວໜ້າອຳນວຍການໂຮງໝໍ ມິດຕະພາບ

I. ສະພາບການ COVID-19 ໃນທົ່ວໂລກ
ມາຮອດເວລາ 8:30 ໂມງ ຂອງວັນທີ 4 ເມສາ 2020, ທົ່ວໂລກມີລາຍງານກໍລະນີ
ທັງໝົດ 205 ປະເທດ, ເພີ້ມຂື້ນອີກ 1 ປະເທດ ຄື ປະເທດ ຟັອກແລນໄລເລີນ ເຊິ່ງເປັນ ປະເທດຢູ່ໃນທະວີບ ອະເມລິກາລາຕິນ

ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 1,098,006 ກໍລະນີ
(ເພີ່ມຂື້ນ 82,941 ກໍລະນີ, ເສຍຊິວິດ 59,141 (ເພີ່ມຂື້ນ 5,973 ກໍລະນີ) ແລະ
ປີ່ນປົວຫາຍດີ 228,405 (ເພີ່ມຂື້ນ 16,388).

ບາງປະເທດມີຜູ້ຕິດເຊື້ອເພີ້ມຂື້ນໃນມື້ດຽວເຖິງ 3 ໝື່ນກວ່າຄົນ ແລະ ເສຍຊີວິດ ພັນກວ່າຄົນ ສະນັ້ນຍັງຖືວ່າມີຄວາມຮ້າຍແຮງ ອັດຕາການຕິດເຊື້ອ ແລະ ເສຍຊີວິດເພິ່ມຂື້ນແຕ່ລະມື້

II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 3 ເມສາ 2020 ຕາມດ່ານຊາຍແດນ ແລະ ສະໜາມບິນສາກົນ

  1. ວຽກງານຈຸດຜ່ານດ່ານ
    • ຈໍານວນຜູ້ເດີນທາງເຂົ້າມາທັງໝົດ: 3,809 ຄົນ
    • ຈໍານວນຜູ້ເດີນທາງຜ່ານສະໜາມບິນບໍ່ມີ (0 ຄົນ)
    • ຈໍານວນຜູ້ເດີນມທາງຜ່ານທາງດ່ານລາວ-ໄທທັງໝົດ 3,384 ຄົນ, ໃນຈຳນວນດັ່ງກ່າວບໍ່ມີຄົນເປັນໄຂ້.
  2. ການເຝົ້າລະວັງ ແລະ ວິເຄາະ
    • ໃນວັນທີ 3 ເມສາ 2020, ໄດ້ມີກໍລະນີສົງໃສ ແລະ ເກັບຕົວຢ່າງມາກວດ 53 ຄົນ ໄດ້ແກ່
    o ນະຄອນຫຼວງວຽງຈັນ 39 ຄົນ ໃນນັ້ນເປັນຄົນລາວ 38 ຄົນ ແລະ ເປັນຄົນຈີນ 1 ຄົນ.
    o ແຂວງບໍ່ແກ້ວ 6 ຄົນ.
    o ບໍລິຄຳໄຊ ແລະ ຄຳມ່ວນ ແຂວງລະ 3 ຄົນ
    o ແຂວງ ວຽຈັນ ແລະ ແຂວງສະຫວັນນະເຂດ ແຂວງລະ 1 ຄົນ
    ທັງໝົດໄດ້ເກັບຕົວຢ່າງ ແລະ ຜົນກວດເປັນລົບ ຖືວ່າມື້ນີ້ກໍຍັງບໍ່ມີກໍລະນີໃໝ່.

ເລີ່ມແຕ່ເດືອນມັງກອນ ຮອດວັນທີ 3 ເມສາ 2020 ໄດ້ເກັບຕົວຢ່າງມາກວດທັງໝົດ 573 ຄົນ, ກວດພົບເຊື້ອ 10 ຄົນ.

ປະຈຸບັນຈຳນວນກໍລະນີໃກ້ຊິດສຳພັດກັບຄົນເຈັບ ທີ່ກຳລັງຕິດຕາມມີ 216 ຄົນຄື
• ນະຄອນຫຼວງ 141 ຄົນ
• ຫຼວງພະບາງ 49 ຄົນ
• ອຸດົມໄຊ 24 ຄົນ
• ຄຳມ່ວນ 2 ຄົນ
ຕໍ່ກັບຜູ້ສຳຜັດໃກ້ຊິດດັ່ງກ່າວ ພວກເຮົາໄດ້ໃຫ້ເຂົາເຈົ້າກັກບໍລິເວນຕົນເອງຢູ່ເຮືອນຂອງເຂົາເຈົ້າ ແລະ ມີແພດເຮົາໄປຕິດຕາມອາການທຸກມື້ ຖ້າຫາກມີອາການ ຫຼື ກວດພົບວ່າເປັນບວກກໍຕ້ອງໄດ້ນຳມາ ປິ່ນປົວຢູ່ໂຮງໝໍຕາມຫຼັກການຂອງການປິ່ນປົວໂຄວິດ-19.

ຂໍ້ແນະນຳ
ໃນໄລຍະແຕ່ນີ້ເຖິງວັນທີ 19 ເມສາ 2020 ນີ້ ເຊິ່ງແມ່ນໄລຍະປະຕິບັດຄຳສັ່ງເລກທີ 06/ນຍ ມາດຕະການສຳຄັນໃນການຄວບຄຸມການລະບາດ ແມ່ນ

  1. ການປິດດ່ານບໍ່ໃຫ້ມີຜູ້ເດີນທາງຈາກເຂດທີ່ມີການລະບາດຂອງພະຍາດ ກັນບໍ່ໃຫ້ນຳເອົາ ພະຍາດເຂົ້າມາໃນໄລຍະ 14 ວັນນີ້
  2. ຈຳກັດບໍລິເວນຢູ່ເຮືອນຕົນເອງ ຫຼື ວ່າຢູ່ສູນທີ່ລັດສະໜອງໃຫ້ຂອງຜູ້ເດີນທາງເຂົ້າມາຈາກ ທີ່ມີການລະບາດໃຫ້ຄົບ 14 ວັນ ພ້ອມຕິດຕາມອາການບົ່ງມະຕິພະຍາດ ແລະ ປິ່ນປົວໃຫ້ດີ
  3. ການຕິດຕາມການຈຳກັດບໍລິເວນ ແລະ ອາການຂອງຜູ້ໃກ້ຊິດຈຳນວນ 216 ຄົນ ເພື່ອບົ່ງມະຕິ ພະຍາດ ແລະ ປິ່ນປົວໃຫ້ດີໄວ
  4. ເອົາໃຈໃສ່ປິ່ນປົວ 10 ຄົນທີ່ຕິດເຊື້ອພະຍາດໂຄວິດແລ້ວນີ້ໃຫ້ຫາຍດີໄວ
  5. ພະນັກງານ, ລັດຖະກອນ, ປະຊາຊົນບັນດາເຜົ່າຕ້ອງປະຕິບັດມາດຕະການ ຈຳກັດການອອກຈາກເຮືອນ, ການເດີນທາງຢ່າງເຄັ່ງຄັດຕາມຄຳສັ່ງເລກທີ 06

ສະນັ້ນ ຮຽກຮ້ອງໃຫ້ ທຸກພາກສ່ວນໃນສັງຄົມມີສ່ວນຮ່ວມຢ່າງເປັນເຈົ້າການດ້ວຍຄວາມ ຮັບຜິດຊອບສູງ ເປັນຕົ້້ນຕໍ່ເຈົ້າໜ້າທີ່ຢູ່ດ່ານຊາຍແດນ, ຜູ້ຖືກແນະນຳ ໃຫ້ຈຳກັດບໍລິເວນຕົນເອງ, ຄອບຄົວຂອງຜູ້ຖຶກແນະນຳຈຳກັດຕົນເອງ, ອຳນາດການປົກຄອງທ້ອງຖິ່ນ, ສະເພາະແພດໝໍ, ພະຍາບານຂອງພວກເຮົາກໍຈະໃຊ້ຄວາມພະຍາຍາມສູງ ເພື່ອປິ່ນປົວຄົນເຈັບຕາມຫຼັກວິທະຍາສາດ ເພື່ອໃຫ້ຫາຍດີໄວ.

ໂອກາດນີ້ກໍຂໍສະແດງຄວາມຂອບໃຈ ຮູ້ບຸນຄຸນຢ່າງສູງຕໍ່ປະເທດເພື່ອນມິດ, ຕໍ່ອົງການຈັດຕັ້ງສາກົນ, ອົງຈັດຕັ້ງທາງສັງຄົມ, ນັກທຸລະກິດທີ່ໄດ້ໃຫ້ການ ສະໜັບສະໜູນທາງດ້ານງົບປະມານ, ວັດຖຸ ອຸປະກອນຮັບໃຊ້ແກ່ວຽກງານ ປ້ອງກັນຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19

ພວກຂ້າພະເຈົ້າຈະນຳໃຊ້ໃຫ້ຖືກຕາມວັດຖຸປະສົງ ແລະ ໃຫ້ມີປະສິດທິຜົນສູງ

ຂໍຂອບໃຈ

Medialaos