ຖະແຫລງຂ່າວປະຈຳວັນທີ 04/04/2020

0
164

ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,ຜູ້ປະຈໍາການຄະນະສະເພາະກິດກ່າວໃນພິທີຖະແຫລງຂ່າວໃນມື້ນີ້ວ່າມາຮອດເວລາ 8:30 ໂມງ ຂອງວັນທີ 4 ເມສາ 2020, ທົ່ວໂລກມີລາຍງານກໍລະນີທັງໝົດ 205 ປະເທດ, ເພີ້ມຂື້ນອີກ 1 ປະເທດ ຄື ປະເທດ ຟັອກແລນໄລເລີນ ເຊິ່ງເປັນ ປະເທດຢູ່ໃນທະວີບ ອະເມລິກາລາຕິນກໍລະນີຢັ້ງຢືນຜູ້ຕິດເຊື້ອພະຍາດ COVID-19 ແລ້ວ 1,098,006 ກໍລະນີ(ເພີ່ມຂື້ນ 82,941 ກໍລະນີ, ເສຍຊິວິດ 59,141 (ເພີ່ມຂື້ນ 5,973 ກໍລະນີ) ແລະປີ່ນປົວຫາຍດີ 228,405 (ເພີ່ມຂື້ນ 16,388).ບາງປະເທດມີຜູ້ຕິດເຊື້ອເພີ້ມຂື້ນໃນມື້ດຽວເຖິງ 3 ໝື່ນກວ່າຄົນ ແລະ ເສຍຊີວິດ ພັນກວ່າຄົນ ສະນັ້ນຍັງຖືວ່າມີຄວາມຮ້າຍແຮງ ອັດຕາການຕິດເຊື້ອ ແລະ ເສຍຊີວິດເພິ່ມຂື້ນແຕ່ລະມື

ສ່ວນການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 3 ເມສາ 2020 ຕາມດ່ານຊາຍແດນ ແລະ ສະໜາມບິນສາກົນ

  • ວຽກງານຈຸດຜ່ານດ່ານ
  • ຈໍານວນຜູ້ເດີນທາງເຂົ້າມາທັງໝົດ:  3,809 ຄົນ
  • ຈໍານວນຜູ້ເດີນທາງຜ່ານສະໜາມບິນບໍ່ມີ (0 ຄົນ)
  • ຈໍານວນຜູ້ເດີນມທາງຜ່ານທາງດ່ານລາວ-ໄທທັງໝົດ 3,384 ຄົນ, ໃນຈຳນວນດັ່ງກ່າວບໍ່ມີຄົນເປັນໄຂ້.
  • ການເຝົ້າລະວັງ ແລະ ວິເຄາະ
  • ໃນວັນທີ 3 ເມສາ 2020, ໄດ້ມີກໍລະນີສົງໃສ ແລະ ເກັບຕົວຢ່າງມາກວດ 53 ຄົນ ໄດ້ແກ່
    • ນະຄອນຫຼວງວຽງຈັນ 39 ຄົນ ໃນນັ້ນເປັນຄົນລາວ 38 ຄົນ ແລະ ເປັນຄົນຈີນ 1 ຄົນ.
    • ແຂວງບໍ່ແກ້ວ 6 ຄົນ.
    • ບໍລິຄຳໄຊ ແລະ ຄຳມ່ວນ ແຂວງລະ 3 ຄົນ
    • ແຂວງ ວຽຈັນ ແລະ ແຂວງສະຫວັນນະເຂດ ແຂວງລະ 1 ຄົນ

ທັງໝົດໄດ້ເກັບຕົວຢ່າງ ແລະ ຜົນກວດເປັນລົບ ຖືວ່າມື້ນີ້ກໍຍັງບໍ່ມີກໍລະນີໃໝ່.ເລີ່ມແຕ່ເດືອນມັງກອນ ຮອດວັນທີ 3 ເມສາ 2020 ໄດ້ເກັບຕົວຢ່າງມາກວດທັງໝົດ 573 ຄົນ, ກວດພົບເຊື້ອ 10 ຄົນ.ປະຈຸບັນຈຳນວນກໍລະນີໃກ້ຊິດສຳພັດກັບຄົນເຈັບ ທີ່ກຳລັງຕິດຕາມມີ 216 ຄົນຄື

  • ນະຄອນຫຼວງ 141 ຄົນ
  • ຫຼວງພະບາງ 49 ຄົນ
  • ອຸດົມໄຊ 24 ຄົນ
  • ຄຳມ່ວນ 2 ຄົນ

ຕໍ່ກັບຜູ້ສຳຜັດໃກ້ຊິດດັ່ງກ່າວ ພວກເຮົາໄດ້ໃຫ້ເຂົາເຈົ້າກັກບໍລິເວນຕົນເອງຢູ່ເຮືອນຂອງເຂົາເຈົ້າ ແລະ ມີແພດເຮົາໄປຕິດຕາມອາການທຸກມື້ ຖ້າຫາກມີອາການ ຫຼື ກວດພົບວ່າເປັນບວກກໍຕ້ອງໄດ້ນຳມາ ປິ່ນປົວຢູ່ໂຮງໝໍຕາມຫຼັກການຂອງການປິ່ນປົວໂຄວິດ-19.