ໃນວັນທີ 7 ເມສາ 2020 ທ່ານ ຄຳພັນ ສິດທິດຳພາ ເຈົ້າແຂວງໆວຽງຈັນ, ພ້ອມດ້ວຍຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດໂຄວິດ19 ຂອງແຂວງ ໄດ້ນຳເອົາຜ້າອັດປາກຈຳນວນ 4 ແກັດ ທີ່ໄດ້ຮັບການຊ່ວຍເຫຼືອຈາກບັນດາພາກສ່ວນຕ່າງໆ ໄປມອບຕໍ່ໃຫ້ໂຮງໝໍແຂວງວຽງຈັນ ພ້ອມກັບເງິນສົດ 10 ລ້ານກີບ ເພື່ອຕ້ານພະຍາດໂຄວິດ19.

ຫຼັງຈາກນັ້ນ ທ່ານ ເຈົ້າແຂວງ, ພ້ອມດ້ວຍຄະນະສະເພາະກິດເພື່ອປ້ອງກັນ, ຄວບຄຸມ ແລະ ຕອບໂຕ້ການລະບາດຂອງພະຍາດໂຄວິດ19 ຂອງແຂວງ ໄດ້ໄປຢ້ຽມຊົມສະຖານທີ່ຮອງຮັບປິ່ນປົວຄົນຕິດເຊື້ອພະຍາດໂຄວິດ19 ຂອງແຂວງວຽງຈັນທີ່ໄດ້ກະກຽມໄວ້ເພື່ອຮອງຮັບໃນການປິ່ນປົວຜູ້ຕິດເຊື້ອພະຍາດໂຄວິດ19 ໄດຢ່າງທັນການ.

ພາບ-ຂ່າວ: ບຸນມາ ແກ້ວບຸດດາ
Medialaos