ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ,
ຜູ້ປະຈໍາການຄະນະສະເພາະກິດ

I. ສະພາບການ COVID-19 ໃນທົ່ວໂລກ
ມາຮອດເວລາ 6:00 ໂມງເຊົ້າ ຂອງວັນທີ 08 ເມສາ 2020, ທົ່ວໂລກມີລາຍງານກໍລະນີທັງໝົດ 209 (ປະເທດ/ເຂດ).

  • ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ມີ 1,424,341 (ໃໝ່ 82,076).
  • ເສຍຊິວິດ 81,896 (ໃໝ່ 7,242) ແລະ
  • ປີ່ນປົວຫາຍດີ 301,770 ຄົນ
  • ອັດຕາຄວາມຮ້າຍແຮງເພີ້ມຂື້ນເປັນ 5.74 % (ມື້ວານນີ້ 5.55 %)

II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 7 ເມສາ 2020 ຕາມດ່ານຊາຍແດນ ແລະ ສະໜາມບິນສາກົນ

  1. ວຽກງານຈຸດຜ່ານດ່ານ
    ຈໍານວນຜູ້ເດີນທາງເຂົ້າມາ ທັງໝົດມີ 1,666 ຄົນ
    • ຈໍານວນຜູ້ເດີນມທາງຜ່ານທາງດ່ານລາວ-ໄທ ທັງໝົດ 864 ຄົນ, ໃນນັ້ນ 490 ຄົນ ແມ່ນພະນັກງານຂັບລົດບັນທຸກຂົນສິນຄ້າ
    • ຜູ້ເດີນມທາງຜ່ານ ດ່ານລາວ-ຈີນ ທັງໝົດ 298 ຄົນ
    • ຜູ້ເດີນ ຜ່ານດ່ານລາວ-ຫວຽດ ທັງໝົດ 504 ຄົນ
    • ຜ່ານສະໜາມບິນ 00 ຄົນ
    • ໃນທຸກດ່ານແມ່ນໄດ້ກວດວັດ ອຸ່ນຫະພູມຮ່າງກາຍ ແລະ ບໍ່ມີຄົນເປັນໄຂ້
  2. ການເຝົ້າລະວັງ ແລະ ວິເຄາະ
  • ໃນວັນທີ 7 ເມສາ 2020, ໄດ້ ເກັບຕົວຢ່າງມາກວດ 36 ຄົນ:
    o ນະຄອນຫຼວງຽງຈັນ 28 ຄົນ
    o ແລະ ອີກ 8 ຄົນ ຈາກ 8 ແຂວງ:
     ແຂວງ ຈຳປາສັກ, ບໍ່ແກ້ວ, ໄຊສົມບູນ, ຫຼວງນໍ້າທາ, ໄຊຍະບູລີ, ສະຫວັນນະເຂດ, ຄຳມ່ວນ ແລະ ອຸດົມໄຊ ແມ່ນ ໄດ້ເກັບຕົວຢ່າງ ແຂວງລະ 01 ຄົນ
     ແຕ່ເດືອນມັງກອນ ຮອດ ວັນທີ 6 ເມສາ 2020 ໄດ້ເກັບຕົວຢ່າງມາກວດທັງໝົດ 781 ຄົນ, ກວດພົບເຊື້ອທັງໝົດ 15 ຄົນ (ເພີ້ມ 1 ຄົນ) ແລະ ທັງໝົດແມ່ນນອນປິ່ນປົວ – ຕິດຕາມ ຢູ່ໂຮງໝໍ.
     ກໍລະນີຕິດພະຍາດ 015: ເພດຍິງ, ອາຍຸ 20 ປີ, ສັນຊາດ: ລາວ, ອາຊີບ: ນັກສຶກສາ
    o ບ້ານຢູ່ປະຈຸບັນ: ບ້ານຈອມມະນີ, ໝ່ວຍ: 56, ເມືອງໄຊເສດຖາ, ນະຄອນຫລວງວຽງຈັນ (ຜູ້ກ່ຽວບໍ່ໄດ້ກັບບ້ານ ແຕ່ມື້ລົງຍົນມາ ແລ້ວເດີນທາງໄປຢູ່ເຮືອນສວນ ກັບກໍລະນີຢັ້ງຢືນ 012)
    ປະຫວັດການເດີນທາງ:
    o ວັນທີ 22 ມີນາ 2020 ເດີນທາງຈາກສະໜາມບິນ London Heathrow ດ້ວຍຖ້ຽວບິນ TG 917 ມາຮອດ ສະໜາມບິນສຸວັນນະພູມ ປະເທດໄທ ແລະ ເບີຕັ່ງເລກທີ 68C
    o ວັນທີ 23 ມີນາ 2020 ເດີນທາງຈາກສະໜາມບິນສຸວັນນະພູມ ປະເທດໄທ ມາ ສະໜາມບິນວັດໄຕ ດ້ວຍຖ້ຽວບິນ TG 574, ເລກຕັ່ງນັ່ງ 49A; ຜູ້ກ່ຽວ ໄດ້ນັ່ງມາຖ້ຽວບີນດຽວກັນກັບກໍລະນີຢັ້ງຢືນການຕິດເຊື້ອ COVID-19 ກໍລະນີທີ່ຢັ້ງຢືນ 011 ສັນຊາດ Papua New Guinea ແລະ ກໍລະນີຢັ້ງຢືນ 012.
    ທີ່ສະໜາມບິນສະໜາມບິນວັດໄຕ, ນ້າສາວຂອງກໍລະນີຢັ້ງຢືນ 012 ໄດ້ມາຮັບຢູ່ສະໜາມບິນວັດໄຕ ແລ້ວເດີນທາງໄປສວນ ເພື່ອຈຳກັດບໍລິເວນຕົນເອງ
    o ວັນທີ 24 ມີນາ 2020 – ວັນທີ 4 ເມສາ 2020 ໄດ້ຈໍາກັດ ບໍລິເວນ ຢູ່ເຮືອນສວນ ກັບ ກໍລະນີຢັ້ງຢືນ 012
    o ວັນທີ 05 ເມສາ 2020: ຜູ້ກ່ຽວເລີ່ມມີອາການເຈັບຄໍ ແລະ ຫາຍໃຈຍາກ, ຜູ້ກ່ຽວໄປກວດຢູ່ໂຮງໝໍມິດຕະພາບ ແລະ ໄດ້ເກັບຕົວຢ່າງ, ຜົນກວດແມ່ນບໍ່ພົບ COVID-19 ກໍ່ໄດ້ກັບຄືນໄປຢູ່ບ້ານສວນ ກັບ ນ້າສາວຂອງກໍລະນີທີ 012,
    o ວັນທີ 6 ເມສາ 2020 ຍັງມີອາການເຈັບແໜ້ນໜ້າເອິກ ແລະ ຫາຍໃຈຍາກ, ໄດ້ແທກອຸ່ນຫະພູມ 37 ອົງສາເຊ
    o ວັນທີ 07 ເມສາ 2020: ໄດ້ມາກວດຄືນ ພົບເຊື້ອ COVID-19 ຮັບເຂົ້ານອນຕິດຕາມອາການຢູ່ໂຮງໝໍມິດຕະພາບ,
    o ຜູ້ສຳຜັດໃກ້ຊິດກໍລະນີທີ່ 015 ນີ້ມີ 05 ຄົນ
     ຈໍານວນຜູ້ສໍາຜັດໃກ້ຊິດທັງໝົດທີ່ໄດ້ຕິດຕາມ ແຕ່ວັນທີ 23 ມີນາ – 7 ເມສາ 2020 ມີ ທັງໝົດ 262 ຄົນ, ໝົດກໍານົດຕິດຕາມທັງໝົດ 205 ຄົນ, ຍັງສືບຕໍ່ຕິດຕາມທັງໝົດ 52 ຄົນ ເຊື່ງມີລາຍລະອຽດມີດັ່ງລຸມນີ້:
     ນະຄອນຫຼວງວຽງຈັນ 38 ຄົນ.
     ແຂວງຫຼວງພະບາງ 02 ຄົນ.
     ແຂວງ ຄຳມ່ວນ 02 ຄົນ.
     ແຂວງໄຊສົມບູນ (ພູເບ້ຍມາຍນິງ) 10 ຄົນ.
  1. ຂໍ້ແນະນຳ
    ຄະນະສະເພາະກິດ ແມ່ນມີຄວາມເປັນຫ່ວງເປັນໄຍ ຕໍ່ສຸຂະພາບຂອງປະຊາຊົນເປັນທີ່ສຸດ, ການວາງມາດຕະການຫຼາຍໆຢ່າງແມ່ນເພື່ອ ຫຼຸດຜ່ອນ ແລະ ຢັບຢັ້ງ ການລະບາດແຜ່ລາມຂອງພະຍາດ, ແຕ່ວ່າໃນບາງເຂດ, ບາງພາກສ່ວນ ແລະ ບາງຄົນ ຍັງຖືເບົາ ບໍ່ເຫັນຄວາມສຳຄັນໃນການຈັດຕັ້ງປະຕິບັດໂດຍສະເພາະ ການຈຳກັດບໍລິເວນເມື່ອສຳພັດຫຼືເດີນທາງມາແຕ່ເຂດລະບາດ, ສະນັ້ນມັນເຮັດໃຫ້ສະພາບການລະບາດແມ່ນມີການຂະຂະຫຍາຍອອກ. ບົດຮຽນຖອດຖອນໄດ້ຈາກການຕິດເຊື້ອຂອງກໍລະນີທຳອິດມາເຖິງປະຈຸບັນແມ່ນ:
  • ບໍ່ມີການປະຕິບັດຕາມ ແຈ້ງການຂອງຄະນະສະເພາະກິດ ຂອງການຈັດຕັ້ງທີ່ກ່ຽວຂ້ອງ, ຂອງບຸກຄົນເຊັ່ນວ່າ ຫ້າມບໍ່ໃຫ້ໄປຕ່າງປະເທດ ແຕ່ກໍຍັງມີ ການເດີນທາງໄປຕ່າງປະເທດ ເຂດທີ່ມີການລະບາດ, ເມືອ່ກັບມາແລ້ວບໍ່ໄດ້ຈຳກັດບໍລິເວນຕົນເອງ ຫຼື ຈຳກັດແຕ່ບໍ່ເຂັ້ມງວດ
  • ຫ້າມບໍ່ໃຫ້ ຮັບນັກທ່ອງທ່ຽວທີ່ມາຈາກຕ່າງປະເທດ ແຕ່ກໍ່ຍັງມີ ທົວເຂົ້າມານຳທ່ຽວ.
  • ອີກນື່ງອາທິດທີ່ຈະມາເຖິງ ນີ້ ແມ່ນເປັນບຸນ ປີໃໝ່ລາວ ແມ່ນຢາກຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນແທ້, ໃຫ້ມີການຮັກສາໄລຍະຫ່າງ, ຫຼີກລ້ຽງງານຊຸມແຊວເປັນກຸ່ມ, ການປະກອບວຽກງານທາງສາດສະໜາກໍ່ຄວນປະຕິບັດ ແບບ ບໍ່ມີການລວມກຸ່ມໃຫ່ຍ.