ໃນຕອນເຊົ້າວັນທີ 8 ເມສາ ປີ 2020 ນີ້, ບໍລິສັດ ວຽງທອງ ການຢາຂາອອກ-ຂາເຂົ້າຈໍາກັດ,ບໍລິສັດໃສສະອາດ ການຢາ ຈໍາກັດ ແລະ ບໍລສັດ ດີແອັນເຄ ການຢາໄດ້ ນໍາເອົາເຄື່ອງອຸປະກອນຮັບໃຊ້ທາງການເເພດຈໍານວນໜື່ງເຊີ່ງລວມມູນຄ່າຈໍານວນເງິນທັງໝົດ: 232.000.000 ກີບ ( ສອງຮ້ອຍສາມສິບສອງລ້ານກີບ) ນໍາມາມອບໃຫ້ແກ່ ກົມເສນາຮັກກົມໃຫຍ່ພະລາທິການກອງທັບ ເພື່ອປະກອບສ່ວນນໍາໃຊ້ເຂົ້າໃນການປະຕິບັດວຽກງານພາຍໃນກົມກອງ ແລະ ເປັນສ່ວນໜື່ງປະກອບສ່ວນເຂົ້າໃນການປ້ອງກັນການແຜ່ລະບາດຂອງເຊື້ອພະຍາດຈຸລະໂລກສາຍພັນໃໝ່ໂຄວິດ 19 ໃຫ້ຜ່ານພົ້ນໄປດ້ວຍດີ,ໂອກາດດັ່ງກ່າວເຊີ່ງຕາງໜ້າໃຫ້ທັງ 3 ບໍລິສັດ ກ່າວມອບໂດຍ: ທ່ານ ສີຫາມະໂນ ບັນນະວົງ ຜູ້ບໍລິຫານງານສູງສຸດ ( CEO ) ແລະ ເປັນກຽດຕາງໜ້າໃຫ້ກົມເສນາຮັກກ່າວຮັບໂດຍ:ສະຫາຍພັນເອກ ດຣ ນາງ ວັນເພັງ ພວງສາວະດີ ຮອງຫົວໜ້າກົມເສນາຮັກກົມໃຫຍ່ພະລາທິການກອງທັບ ມອບ-ຮັບ ຢ່າງສົມກຽດ, ເຊີ່ງໃນພິທີມອບ-ຮັບ ດັ່ງກ່າວໂດຍມີພະນັກງານ,ວິຊາການທີ່ກ່ຽວ ຂ້ອງທັງສອງຟ່າຍເຂົ້າຮ່ວມ.
ໂອກາດນີ້, ສະຫາຍ ພັນເອກ ດຣ ນາງ ວັນເພັງ ພວງສາວະດີ ຮອງຫົວໜ້າກົມເສນາຮັກກົມໃຫຍ່ພະລາທິການກອງທັບໄດ້ຕາງໜ້າໃຫ້ຄະນະກົມເສນາຮັກກ່າວຄໍາສະເເດງຄວາມຍ້ອງຍໍຊົມເຊີຍຂອບໃຈມາຍັງ 3 ບໍລິສັດທີ່ໄດ້ມີນໍ້າໃຈອູ້ມຊູສະໜັບສະໜຸນຊ່ວຍເຫຼືອ ເຊີ່ງກັນ ແລະ ກັນຕະຫຼອດມາ,ເຫັນໄດ້ຄວາມໝາຍຄວາມສໍາຄັນຂອງວຽກງານເສນາ ແລະ ຂໍໃຫ້ຄໍາໝັ້ນສັນຍາຕໍ່ທັງ 3 ບໍລິສັດວ່າ,ຈະນໍາເອົາເຄື່ອງອຸປະກອນຮັບໃຊ້ທາງການແພດຈໍານວນດັ່ງກ່າວນີ້ ໄປປະກອບສ່ວນນໍາໃຊ້ເຂົ້າໃນວຽກງານໜ້າທີ່ວຽກງານວິຊາສະເພາະ ຢ່າງເລິກເຊີ່ງເຖີງຖອງ ແລະ ຈັດຕັ້ງປະຕິບັດມອບສົ່ງຕໍ່ໄປໃຫ້ໜ່ວຍງານວິຊາສະເພາະທາງດ້ານອຸປະກອນການແພດໃຫ້ເກີດປະໂຫຍດສູງສຸດ.

ວັນທີ 8/4/2020.
ຫ້ອງການເມືອງ ພະແນກໂຄສະນາ ນັກຂ່າວກົມໃຫຍ່ພະລາທິການ.
ຮອ ຄໍາປະສົງ ລາດຊະວົງ.
020 970 38 711.