ເຄີຍຂຽນບົດໃນຫົວຂໍ້ ″ຍາມວິກິດວິໄນຕ້ອງເຄັ່ງຄັດ″ ອອກໃນອອນລາຍນີ້ລະ; ຄັນຈື່ບໍ່ຜິດແມ່ນວັນທີ 30 ມີນາ 2020 ເນື້ອໃນເນັ້ນໜັກເລື້ອງການກັກກັນຕົນເອງ 14 ວັນຂອງຜູ້ທີ່ເດີນທາງມາຈາກຕ່າງປະເທດ… ຜູ້ທີ່ມີກໍລະນີສົງໃສໄດ້ໄກ້ຊິດກັບຜູ້ຕີດເຊື້ອ… ຜູ້ລະເມີດນີ້ສ່ຽງຕໍ່ການແຜ່ເຊື້ອສູ່ຄົນອື່ີນ ເຊີ່ງຕາມກົດໝາຍແລ້ວແມ່ນຜິດ; ເຊີ່ງກົດໝາຍອາຍາມາດຕາ 199 ວ່າດ້ວຍການແຜ່ພະຍາດຮ້າຍແຮງ ໂດຍມີໂທດສູງສຸດເຖີງຕັດອີດສະຫຼະພາບແຕ່ 7 ປີ ຫາ 15 ປີ ແລະ ຈະຖືກປັບ ໃໝແຕ່ 50 ຫາ 70 ລ້ານກີບ.

        ຫາກເພື່ອນຜູ້ອ່ານຕິດຕາມຂ່າວສານ-ບ້ານເມືອງ ໂດຍສະເພາະຕາມໜ້າເຟດສບຸກຈະເຫັັນຂ່າວມີຄົນລັກໜີອອກຈາກສະຖານກັກກັນຢ່າງບໍ່ເກງກົວ ບໍ່ເສຍດາຍຊີວິດອີນຊີຂອງຕົນເອງ ແລະ ຄົນອື່ນ ຫາກວ່າຕົນເອງມີເຊື້ອ… ປະກົດການແຕກຄອກນິ້ມີຖີ່ຂື້ນ ເຊີ່ງມໍ່ໆມານີ້ເປັນເລື່ອງໃຫຍ່ ເພາະຜູ້ລັກໜີແມ່ນພະນັກງານຈາກບໍລິສັດພູເບ້ຍມາຍນີ້ງ ຈຳກັດ ບ່ອນທີ່ມີຜູ້ຕິດເຊື້ອ Covid-19 ມີຜູ້ຕັ້ງບັນຫາວ່າຄົນພວກນີ້ແປກ ອາດເສບຂ່າວບໍ່ພຽງພໍ ຮັບຂໍ້ມູນລວງດຽວ ຈີ່ງເຮັດແນວນັ້ນ… ຫຼືວ່າປະໝາດຄິດວ່າມັນເປັນເລື້ອງທຳມະດາ… ຄວາມປະໝາດນີ້ລະມັນອັນຕະລາຍ; ເຖົ້າແກ່ບູຮານກໍ່ຄືບັນພະບູລຸດຂອງເຮົາເຄີຍສັ່ງສອນໄວ້ວ່າ: ″ຄວາມປະໝາດຄືບໍ່ເກີດແຫ່ງຄວາມຕາຍ″… ອີກຂ່າວນື່ງແມ່ນເລື່ອງນັກສືກສາລາວຢູ່ ສສ ຫວຽດນາມ ກໍ່ແຕກຄອກພາກັນລັກມາບ້ານແບບການຈັດຕັ້ງບໍ່ຮູ້… ອັນນີ້ກໍ່ອັນຕະລາຍ ເຖີງວ່ານັກສຶກສາເຫຼົ່່ານັ້ນບໍ່ມີຜູ້ຕິດເຊື້ອກໍ່ຕາມ… ເລື້ອງນີ້ ສະຖາບັນຄອບຄົວຕ້ອງເປັນຫຼັກເນີ້… ນຳເອົາລູກຫຼານເຂົ້າກັກກັນ 14 ວັນສາ; ຕິດຕາມອາການຕາມແພດໝໍເພີ່ນແນະນຳເນີ້… ຄັນແມ່ນມີຜູ້ຕິດເຊື້ອລະແມ່ນເປັນເລື່ອງໃຫຍ່ເນີ້;.. ນັກສຶກສາພວກນີ້ກໍ່ແປກຄືກັນ… ຢ້ານວ່າຮັບຂໍ້ມູນດ້ານດຽວ… ເວລາພະຍາດນີ້ລະບາດຢູ່ ສປ ຈີນ ນັກສືກສາເຂົາປະຕິບັດຕາມລະບຽບຂອງໂຮງຮຽນ ສຸດທ້າຍເຂົາປອດໄພໝົດທຸກຄົນ… ແລ້ວເຫດໃດ? ຈິ່ງພາກັນແຕກຕື່ນລັກໂຕນມາ.

        ປະກົດການແຕກຄອກແມ່ນອັນຕະລາຍ ສະນັ້ນຂໍຮຽກຮ້ອງໃຫ້ພວກເຮົາມີສະຕິບໍ່ແຕກຕື່ນ… ຈົ່ງໃສ່ໃຈຄໍ່າສັ່ງສອນຂອງບັນພະບູລຸດເຮົາທີ່ວ່າ: ″ຄວາມປະໝາດຄືບໍ່ເກີດແຫ່ງຄວາມຕາຍ″

ໂດຍ: ທິດດີ.