ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫຼງຂ່າວ ປະຈໍາວັນທີ 11 ເມສາ ປີ2020 ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ ໃຫ້ຮູ້ວ່າ:

ສະພາບການ COVID-19 ໃນທົ່ວໂລກມາຮອດເວລາ 6:00 ໂມງເຊົ້າຂອງວັນທີ 11 ເມສາ 2020, ທົ່ວໂລກມີລາຍງານກໍລະນີທັງໝົດ 210 (ປະເທດ/ເຂດ). (ລາຍງານປະເທດໃໝ່ YEMEN)

  • ກໍລະນີຢັ້ງຢືນຜູ້ຕິດເຊື້ອພະຍາດ COVID-19 ມີ 1,696,439 (ໃໝ່ 92,745).
  • ເສຍຊິວິດ 102,607 (ໃໝ່6,914) 
  • ປີ່ນປົວຫາຍດີ 375,960 ຄົນ
  • ມີບາງປະເທດຈຳນວນຄົນຕິດເຊື້ອມື້ດຽວມີເຖິງ 32,706 ຄົນ ແລະ ເສຍຊີວິດຫຼາຍກວ່າ 1,975 ຄົນຕໍ່ມື້
  • ອັດຕາຄວາມຮ້າຍແຮງເພີ້ມຂື້ນເປັນ 6,04 % (ມື້ວານນີ້ 5.97%)

ໃນປະເທດລາວ ສະພາບການ COVID-19 ມາຮອດປະຈຸບັນນີ້, ໃນວັນທີ 10 ເມສາ 2020 ໄດ້ເກັບຕົວຢ່າງມາກວດ ທັງໝົດ 62 ຄົນ, ໃນນັ້ນມີຜູ້ສຳຜັດໃກ້ຊິດກັບຜູ້ຕິດເຊື້ອ 21 ຄົນ, ກໍລະນີສົງໄສໃໝ່ມີ 40 ຄົນ, ແຮງງານລາວທີ່ກັບມາແຕ່ໄທ 01 ຄົນ. ໃນຈຳນວນ 62 ຄົນທີ່ມາກວດນັ້ນມີນະຄອນຫຼວງວຽງຈັນ 40 ຄົນ ແລະ ຕ່າງແຂວງ 22 ຄົນ (ຫຼວງພະບາງ 03 ຄົນ, ໄຊສົມບູນ 02 ຄົນ, ຄຳມ່ວນ 02 ຄົນ, ໄຊຍະບູລີ 03 ຄົນ, ບໍລິຄຳໄຊ 03 ຄົນ, ວຽງຈັນ 04 ຄົນ, ສະຫວັນນະເຂດ 02 ຄົນ ແລະສາລະວັນ 01 ຄົນ) ເຊິ່ງຜົນກວດທັງໝົດແມ່ນພົບເຊື້ອ 02 ກໍລະນີ, ເຊີ່ງທັັງ 02 ກໍລະນີແມ່ນຜູ້ສຳຜັດໃກ້ຊິດກັບ ກໍລະນີທີ່ 16 ລາຍລະອຽດຄື:

ກໍລະນີ ທີ່ 17: ເພດຍິງ ອາຍຸ 32 ປີ, ອາຊີບ: ຫວ່າງງານ, ໜ່ວຍ 01,  ຢູ່ຫ້ອງແຖວ ຂື້ນກັບບ້ານໜອງດ້ວງທົ່ງ, ເມືອງສີໂຄດຕະບອງ, ນະຄອນຫຼວງວຽງຈັນ (ຢູ່ຫ້ອງແຖວ ເບີ 7). ຜູ້ກ່ຽວສໍາຜັດໃກ້ຊິດກັບກໍລະນີທີ 16 (ເພດຍິງ ອາຍຸ 23 ປີ ຢູ່ຫ້ອງແຖວດຽວກັນ, ຫ້ອງແຖວເບີ 8)

  • ວັນທີ 4 ເມສາ  2020: ຜູ້ກ່ຽວໄດ້ກີນເຂົ້າຮ່ວມກັບ ກໍລະນີທີ 16 ຢູ່ຫ້ອງແຖວດຽວກັນ ຫ້ອງເບີ 8 (ກິນນຳກັນທັງໝົດ 4 ຄົນ : ຜູ້ກ່ຽວ, ເພດຊາຍ 02 ຄົນ ແລະ ກໍລະນີຢັ້ງຢືນ 16)
  • ວັນທີ 5-6 ເມສາ 2020: ເຂົາເຈົ້າຍັງໄດ້ມີການພົວພັນໄປມາຫາສູ່ກັນເປັນປົກກະຕິ.
  • ເລີ່ມຮູ້ສຶກຄີງຮ້ອນ, ໄອແຫ້ງ ແລະ ປວດຕົນໂຕ, ໄດ້ໄປຊື້ຢາຢູ່ຮ້ານຂາຍຢາມາກິນເອງ ແລະ ຍັງໄດ້ກິນເຂົ້າກັບເພື່ອນຢູ່ຫ້ອງແຖວດຽວກັນຈໍານວນ 04 ຄົນ.
  • 10 ເມສາ 2020: ພາຍຫຼັງທີ່ກໍລະນີທີ່ 16 ຖືກຢັ້ງຢືນວ່າຕິດເຊື້ອໃນວນທີ 09 ທີມງານແພດໄດ້ໂທຕິດຕໍ່ຫາຜູ້ກ່ຽວ ແລະ ສົ່ງລົດອໍາບູລັງ ໄປຮັບເອົາຜູ້ກ່ຽວມາກວດຫາເຊື້ອ ແລະ ເຂົ້ານອນຕິດຕາມ, ປິ່ນປົວຢູ່ໂຮງໝໍມິດຕະພາບ

ກໍລະນີທີ 18: ເພດຍິງ, ອາຍຸ 32 ປີ, ອາຊີບ: ຫວ່າງງານ (ເປັນໝູ່ໃກ້ຊິດໃຊ້ຊິວິດຮ່ວມກັນຢູ່ຫ້ອງດຽວກັນກັບກໍລະນີຢັ້ງຢືນຜູ້ທີ 17) ການເຄື່ອນໄຫວທັງໝົດ ແມ່ນຄືກັນ, ລົດອໍາບູລັງ ໄດ້ມາຮັບໄປໂຮງໝໍໃນເວລາດຽວກັນ.

ນັບແຕ່ເດືອນມັງກອນ ຮອດວັນທີ 10 ເມສາ 2020 ໄດ້ເກັບຕົວຢ່າງມາກວດທັງໝົດມີ 1,094 ຄົນ, ກວດພົບເຊື້ອທັງໝົດ 18 ຄົນ (ມື້ນີ້ພົບເຊື້ອເພີ່ມອີກ 02 ຄົນ) ແລະ ທັງໝົດ18 ຄົນແມ່ນນອນປິ່ນປົວ – ຕິດຕາມຢູ່ໂຮງໝໍ.

Medialaos MMD