ຂ່າວດ່ວນ.ລາວ ພົບອີກ 1 ກໍລະນີ ຜູ້ຕິດເຊື້ອ. 12.04.2020

0
249

ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີ ກະຊວງສາທາລະນະສຸກ,
ຜູ້ປະຈໍາການ ຄະນະສະເພາະກິດ
ທ່ານ ພົນຈັດຕະວາ ສຸວັນນີ ສີສຸພາບມີໄຊ, ຮອງຫົວໜ້າກົມໃຫຍ່ການເມືອງ ປກສ

I. ສະພາບການ COVID-19 ໃນທົ່ວໂລກ
ມາຮອດເວລາ 6:00 ໂມງເຊົ້າ ຂອງວັນທີ 12 ເມສາ 2020, ທົ່ວໂລກມີລາຍງານກໍລະນີທັງໝົດ 210 (ປະເທດ/ເຂດ).
• ກໍລະນີຢັ້ງຢືນ ຜູ້ຕິດເຊື້ອພະຍາດ COVID-19 ມີ 1,776,935 (ໃໝ່ 78,054)
• ເສຍຊິວິດ 108,737 (ໃໝ່ 6,050)
• ປີ່ນປົວຫາຍດີ 402,010 ຄົນ
• ມີບາງປະເທດ ຈຳນວນຄົນຕິດເຊື້ອມື້ດຽວ ມີເຖິງ 28,381 ຄົນ ແລະ ເສຍຊີວິດຫຼາຍກວ່າ 1,808 ຄົນ ຕໍ່ມື້
• ອັດຕາຄວາມຮ້າຍແຮງເພີ້ມຂື້ນເປັນ 6.11% (ມື້ວານນີ້ 6.04%)
II. ການເຝົ້າລະວັງ COVID-19 ປະຈຳດ່ານ ໃນ ສປປ ລາວ ຮອດ 5 ໂມງແລງ ຂອງວັນທີ 11 ເມສາ 2020 ຕາມດ່ານຊາຍແດນ ແລະ ສະໜາມບິນສາກົນ

  1. ວຽກງານຈຸດຜ່ານດ່ານ
    ຈໍານວນຜູ້ເດີນທາງເຂົ້າມາ ມີທັງໝົດ 1,678 ຄົນ
    • ຜູ້ເດີນທາງ ຜ່ານ ດ່ານລາວ-ໄທ ທັງໝົດ 842 ຄົນ, ໃນນັ້ນ ມີແຮງງານລາວ ທີ່ກັບ
    ມາແຕ່ໄທ 28 ຄົນ ເຫຼືອນັ້ນແມ່ນ ຄົນຂັບລົດບັນທຸກຂົນສິນຄ້າ
    • ຜູ້ເດີນທາງ ຜ່ານ ດ່ານລາວ-ຈີນ ທັງໝົດ 290 ຄົນ, ທັງໝົດ ແມ່ນພະນັກງານຂັບລົດບັນທຸກຂົນສິນຄ້າ
    • ຜູ້ເດີນທາງ ຜ່ານ ດ່ານລາວ-ຫວຽດ ທັງໝົດ 546 ຄົນ, ທັງໝົດແມ່ນພະນັກງານຂັບລົດບັນທຸກຂົນສິນຄ້າ
    • ຜູ້ເດີນທາງ ຜ່ານ ສະໜາມບິນ 00 ຄົນ
    • ໃນທຸກດ່ານ ແມ່ນໄດ້ກວດວັດ ອຸນຫະພູມຮ່າງກາຍ ແລະ ບໍ່ມີຄົນເປັນໄຂ້
  2. ການເຝົ້າລະວັງ ແລະ ວິເຄາະ
    • ໃນວັນທີ 11 ເມສາ 2020, ໄດ້ ເກັບຕົວຢ່າງມາກວດທັງໝົດ 46 ຄົນ, ໃນນັ້ນ ມີຜູ້ສຳຜັດໃກ້ຊິດ ກັບຜູ້ຕິດເຊື້ອ 18 ຄົນ, ກໍລະນີມີອາການສົງໄສ 28 ຄົນ, ແຮງງານລາວ ທີ່ກັບມາແຕ່ໄທ 00 ຄົນ.
  • ໃນຈຳນວນ 46 ຄົນທີ່ມາກວດນັ້ນ ມີ ນະຄອນຫຼວງວຽງຈັນ 32 ຄົນ ແລະ ຕ່າງແຂວງ 14 ຄົນ (ໄຊສົມບູນ 01 ຄົນ, ຄໍາມ່ວນ 02 ຄົນ, ໄຊຍະບູລີ 02 ຄົນ, ບໍລິຄໍາໄຊ 04 ຄົນ, ຊຽງຂວາງ 03 ຄົນ, ສະຫວັນນະເຂດ 02 ຄົນ) ເຊິ່ງຜົນກວດທັງໝົດ ແມ່ນພົບເຊື້ອ 01 ກໍລະນີ ເຊິ່ງແມ່ນຜູ້ສຳຜັດໃກ້ຊິດກັບ ກໍລະນີທີ 16.
    ປະຫວັດການເຄື່ອນໄຫວ:
    ກໍລະນີທີ 19: ເພດຊາຍ ອາຍຸ 21 ປີ, ອາຊີບ: ນັກສຶກສາ, ບ້ານ ໂພນປ່າເປົ້າ, ເມືອງສີສັດຕະນາກ, ນະຄອນຫຼວງວຽງຈັນ
  • ຜູ້ກ່ຽວ ໄດ້ພັກຢູ່ຫ້ອງດຽວກັນກັບ ຜູ້ຕິດເຊື້ອກໍລະນີທີ 16 ຕັ້ງແຕ່ວັນທີ 27 ມີນາ 2020 ຫາ 08 ເມສາ 2020
  • ໃນຊ່ວງວັນທີ 29 ມີນາ ແລະ ວັນທີ 04 ເມສາ ໄດ້ມີການຊຸມແຊວກັນ ເປັນໄລຍະ ກັບໝູ່ ຜູ້ຕິດເຊຶື້ອກໍລະນີທີ 16, 17, 18 ທີ່ຢູ່ຫ້ອງແຖວດຽວກັນ
  • ວັນທີ 08 ເມສາ 2020 ຜູ້ກ່ຽວໄດ້ກັບຄືນຫ້ອງແຖວຂອງຕົນ ທີ່ຂຶ້ນກັບ ບ້ານ ໂພນປ່າເປົ້າ, ເມືອງສີສັດຕະນາກ, ນະຄອນຫຼວງວຽງຈັນ
  • ທີມງານໄດ້ຕິດຕໍ່ຫາຜູ້ກ່ຽວ ແລະ ແນະນຳໃຫ້ໄປກວດຢູ່ໂຮງໝໍ ມາຮອດວັນທີ 11 ເມສາ ຜູ້ກ່ຽວຈຶ່ງໄດ້ມາກວດ ແລະ ພົບວ່າຕິດເຊື້ອ COVID-19 ແລະ ໄດ້ຮັບການເຂົ້ານອນ ປິ່ນປົວຢູ່ໂຮງໝໍມິດຕະພາບ.

• ສັງລວມຜູ້ສໍາຜັດໃກ້ຊິດ ກັບກໍລະນີີທີ 19 ແມ່ນກຸ່ມຄົນດຽວກັນກັບ ກໍລະນີ16, 17, 18 ລວມມີ 13 ຄົນ. ປະຈຸບັນ ໄດ້ເຂົ້ານອນຕິດຕາມຢູ່ ໂຮງໝໍ 103

• ນັບແຕ່ເດືອນມັງກອນ ຮອດ ວັນທີ 11 ເມສາ 2020 ໄດ້ເກັບຕົວຢ່າງມາກວດ ທັງໝົດ ມີ 1,140 ຄົນ, ກວດພົບເຊື້ອທັງໝົດ 19 ຄົນ (ມື້ນີ້ມີລາຍງານເພີ່ມອີກ 01 ຄົນ) ແລະ ທັງໝົດ 19 ຄົນ ແມ່ນນອນປິ່ນປົວ – ຕິດຕາມ ຢູ່ໂຮງໝໍ.
• ຈໍານວນຜູ້ສໍາຜັດໃກ້ຊິດທັງໝົດ ທີ່ໄດ້ຕິດຕາມ ແຕ່ວັນທີ 23 ມີນາ – 11 ເມສາ 2020 ມີ ທັງໝົດ 429 ຄົນ, ໝົດກໍານົດຕິດຕາມ ທັງໝົດ 346 ຄົນ, ຍັງສືບຕໍ່ຕິດຕາມທັງໝົດ 83 ຄົນ ເຊິ່ງມີລາຍລະອຽດ ດັ່ງລຸມນີ້:

  • ນະຄອນຫຼວງວຽງຈັນ 41 ຄົນ
  • ແຂວງ ໄຊສົມບູນ 37 ຄົນ
  • ແຂວງ ຫຼວງພະບາງ 02 ຄົນ
  • ແຂວງ ຄຳມ່ວນ 02 ຄົນ
  • ແຂວງ ວຽງຈັນ 01 ຄົນ
    • ພະນັກງານພູເບ້ຍ ທີ່ຢູ່ໃນແຄ້ມ ມີທັງໝົດ 1,700 ຄົນ, ໃນນັ້ນ ຈຳນວນຜູ້ທີ່ສຳຜັດໃກ້ຊິດກັບ ຜູ້ຕິດເຊື້ອ 2 ກໍລະນີ ຢູ່ພູເບ້ຍ ມີທັງໝົດ 61 ຄົນ
  • ຜູ້ສຳຜັດໃກ້ຊິດ ກັບ ກໍລະນີທີ 11 ມີ 34 ຄົນ
  • ຜູ້ສຳຜັດໃກ້ຊິດ ກັບ ກໍລະນີທີ 13 ມີ 27 ຄົນ (ຢູ່ພູເບ້ຍ 18 ຄົນ, ນະຄອນຫຼວງ 08 ຄົນ, ແຂວງວຽງຈັນ 01 ຄົນ)
    • ສຳລັບ ການຕິດຕາມ ສະຖານທີ່ຈຳກັດບໍລິເວນ ແລະ ຜູ້ຈຳກັດບໍລິເວນ ຢູ່ເຮືອນ ໃນທົ່ວປະເທດ
  • ສະຖານທີ່ຈຳກັດບໍລິເວນ ໃນຂອບເຂດທົ່ວປະເທດ ມີ 2,142 ແຫ່ງ
  • ຈຳນວນຄົນທີ່ຕິດຕາມ ຢູ່ສູນຈຳກັດບໍລິເວນ ມີ 68,534 ຄົນ
  • ຈຳນວນທີ່ຈຳກັດບໍລິເວນ ຢູ່ເຮືອນຂອງຕົນເອງ ມີ 44,870 ຄົນ
  • ສະເພາະ ໃນວັນທີ 11 ເມສາ 2020 ບໍ່ພົບຄົນທີ່ມີອາການສົງໄສ
    • ການຈັດແບ່ງກຸ່ມຜູ້ຕິດເຊື້ອຈຳນວນ 19 ຄົນ, ໃນນັ້ນ ມີເພດຍິງ 10 ຄົນ:
  • ອາຍຸຕໍ່າສຸດ 19 ປີ, ອາຍຸສູງສຸດ 55 ປີ, ອາຍຸສະເຫຼ່ຍ 32 ປີ
  • ກຸ່ມອາຍຸ ສ່ວນໃຫຍ່ ແມ່ນຢູ່ລະຫວ່າງ 15-35 ປີ ມີ 12 ຄົນ (63.15%)
  1. ຂໍ້ແນະນຳ
    ຄະນະສະເພາະກິດ ແມ່ນມີຄວາມເປັນຫ່ວງເປັນໄຍ ຕໍ່ສຸຂະພາບຂອງປະຊາຊົນ ເປັນທີ່ສຸດ, ການວາງມາດຕະການຫຼາຍໆຢ່າງ ແມ່ນເພື່ອຫຼຸດຜ່ອນ ແລະ ຢັບຢັ້ງ ການລະບາດແຜ່ລາມຂອງພະຍາດ, ແຕ່ວ່າໃນບາງເຂດ, ບາງພາກສ່ວນ ແລະ ບາງຄົນ ຍັງຖືເບົາ ບໍ່ເຫັນຄວາມສຳຄັນ ໃນການຈັດຕັ້ງປະຕິບັດ ໂດຍສະເພາະ ການຈຳກັດບໍລິເວນ ເມື່ອເປັນຜູ້ສຳ
    ຜັດໃກ້ຊິດຜູ້ຕິດເຊື້ອ ຫຼື ເດີນທາງມາແຕ່ເຂດລະບາດ. ສະນັ້ນ ມັນເຮັດໃຫ້ສະພາບການລະບາດ ແມ່ນມີການຂະຫຍາຍອອກ. ບົດຮຽນຖອດຖອນໄດ້ ຈາກການຕິດເຊື້ອ ຂອງກໍລະນີທຳອິດ ມາເຖິງປະຈຸບັນແມ່ນ:
    • ຜູ້ທີ່ໄດ້ສໍາຜັດໃກ້ຊິດກັບຜູ້ຕິດເຊື້ອ ໄດ້ແນະນໍາໃຫ້ຈໍາກັດບໍລິເວນຕົນເອງ ຕິດຕາມອາການ ແລະ ລາຍງານຕໍ່ແພດ, ປະຈຸບັນ ເຮົາໄດ້ ຈັດສັນສະຖານທີ່ ໃຫ້ມາຈຳກັດບໍລິເວນ ຢູ່ກັບໂຮງໝໍເລີຍ ແລະ ຍັງຈຳນວນໜຶ່ງ ມີຄອບຄົວຊ່ວຍຕິດຕາມ ຢ່າງໃກ້ຊິດຢູ່ເຮືອນຂອງຕົນເອງ.
    • ຜູ້ທີ່ຖືກສົງໄສ ໃຫ້ຈຳກັດບໍລິເວນຕົນເອງຢູ່ເຮືອນ, ຍັງຖືເບົາບໍ່ປະຕິບັດຕາມຄໍາແນະນໍາຢ່າງເຄັ່ງຄັດ ເຊັ່ນວ່າ: ຍັງອອກໄປພົບປະຊຸມແຊວກັບໝູ່ເພື່ອນ ແລະ ໃຊ້ຊິວິດເປັນປົກກະຕິ ຈຶ່ງມີການແຜ່ເຊື້ອໃສ່ຄົນອື່ນ.
    • ອີກນື່ງອາທິດ ທີ່ຈະມາເຖິງນີ້ ແມ່ນເປັນບຸນປີໃໝ່ລາວ ແມ່ນຢາກຮຽກຮ້ອງໃຫ້ທຸກໆຄົນ ເອົາໃຈໃສ່ຮ່ວມມືທີ່ສຸດ ໃນການຈັດຕັ້ງປະຕິບັດ ຄຳສັ່ງ ເລກທີ 06/ ນຍ ທີ່ໄດ້ເນັ້ນໜັກ, ຈຳກັດການເດີນທາງ, ຈຳກັດການອອກເຮືອນ ຖ້າບໍ່ມີຄວາມຈຳເປັນແທ້, ໃຫ້ມີການຮັກສາໄລຍະຫ່າງ, ຫຼີກລ້ຽງ ງານຊຸມແຊວເປັນກຸ່ມ, ການປະກອບວຽກງານ ທາງສາດສະໜາກໍ່ຄວນປະຕິບັດ ແບບ ບໍ່ມີການລວມກຸ່ມໃຫຍ່.