ປະຈໍາວັນທີ 22 ເມສາ ປີ 2020

ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີ ກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ

ທ່ານ ຮສ ດຣ. ມາຍຟອງ ມາຍຊາຍ ຮອງອະທິການບໍດີ ມະຫາວິທະຍາໄລ ວິທະຍາສາດ ສຸຂະພາບ, ປະທານສະມາຄົມແພດພະຍາດຊື້ມເຊື້ອລາວ

ທ່ານ ດຣ ພອນປະດິດ ສັງໄຊຍະລາດ  ຫົວໜ້າສູນວິເຄາະ ແລະ ລະບາດວິທະຍາ ລາຍງານວ່າ:

ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 21 ເມສາ 2020

ວຽກງານຈຸດຜ່ານດ່ານ

      ຈໍານວນຜູ້ເດີນທາງເຂົ້າມາ ມີທັງໝົດ 1,424  ຄົນ

  • ຜູ້ເດີນທາງ ຜ່ານດ່ານລາວ-ໄທ ທັງໝົດ 877 ຄົນ, ໃນນັັ້ນ ມີແຮງງານລາວທີ່ກັບ

ມາແຕ່ໄທ 62 ຄົນຜ່ານ ເຊິ່ງຜ່ານດ່ານຂົວມິດຕະພາບ I ຈຳນວນ 44 ຄົນ ແລະ ຜ່ານດ່ານຊ່ອງເມັກ, ແຂວງຈຳປາສັກ ຈຳນວນ 18 ຄົນ, ເຫຼືອນັ້ນແມ່ນ ພະນັກງານຂັບລົດບັນທຸກຂົນສິນຄ້າ

  • ຜູ້ເດີນທາງ ຜ່ານດ່ານລາວ-ຈີນ ທັງໝົດ 172 ຄົນ,​ ທັງໝົດ ແມ່ນພະນັກງານຂັບລົດບັນທຸກຂົນສົ່ງສິນຄ້າ
  • ຜູ້ເດີນທາງ ຜ່ານດ່ານລາວ-ຫວຽດ ທັງໝົດ 374 ຄົນ, ທັງໝົດແມ່ນພະນັກງານຂັບລົດບັນທຸກຂົນສົ່ງສິນຄ້າ
  • ຜູ້ເດີນທາງ ຜ່ານສະໜາມບິນ 01 ຄົນເປັນນັກສຶກສາ (ເດີນທາງມາຈາກປະເທດສິງກະໂປ ໂດຍເຮືອບິນເໝົາລໍາຈາກບໍລິສັດ MJETS LIMITED)
  • ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້, ສຳລັບແຮງງານລາວ ຈໍານວນ 62 ຄົນ ທີ່ເຂົ້າມາລາວນັ້ນ ມີລາຍລະອຽດດັ່ງລຸ່ມນີ້:

– ແຮງງານ 44 ຄົນເຂົ້າມາຜ່ານດ່ານຂົວມິດຕະພາບ I ແມ່ນມີຖິ່ນຖານຢູ່ ຫຼວງພະບາງ 25 ຄົນ, ວຽງຈັນ 7 ຄົນ, ອຸດົມໄຊ 5 ຄົນ, ນະຄອນຫຼວງ 4 ຄົນ, ໄຊຍະບູລີ 2 ຄົນ ແລະ ຊຽງຂວາງ 1 ຄົນ.

– ແຮງງານ 18 ຄົນເຂົ້າມາຜ່ານດ່ານຊ່ອງເມັກ, ແຂວງຈຳປາສັກ ແມ່ນມີຖີ່ນຖານຢູ່ ແຂວງ ຈຳປາສັກ 15 ຄົນ ແລະ ສາລະວັນ 03 ຄົນ

  •  ທຸກຄົນແມ່ນໄດ້ນຳສົ່ງໄປຈຳກັດບໍລິເວນ ຢູ່ສູນຂອງແຂວງຈົນຄົບກໍານົດ 14 ວັນ.
  • ການເຝົ້າລະວັງ ແລະ ວິເຄາະ
  • ໃນວັນທີ 21 ເມສາ 2020, ໄດ້ເກັບຕົວຢ່າງມາກວດທັງໝົດ 83 ຄົນ, ໃນນັ້ນມີຜູ້ສຳຜັດໃກ້ຊິດກັບຜູ້ຕິດເຊື້ອ ທີ່ຕິດຕາມຄົບກຳນົດມາກວດຄືນ 21 ຄົນ, ກໍລະນີມີອາການສົງໄສ 11 ຄົນ ແລະ 51 ຄົນ ຈາກແຮງງານລາວທີ່ກັບມາແຕ່ໄທ ເຊິ່ງບໍ່ມີອາການສະແດງ.
  •  ໃນຈໍານວນ 83 ຄົນ ທີ່ມາກວດນັ້ນ ມີ ນະຄອນຫຼວງວຽງຈັນ 13 ຄົນ ແລະ ຕ່າງແຂວງ 70 ຄົນ ລາຍລະອຽດ ດັ່ງລຸ່ມນີ້:
  • ຫຼວງພະບາງ 25 ຄົນ
  • ໄຊສົມບູນ 22 ຕົວຢ່າງ (ກຸ່ມສຳຜັດໃກ້ຊິດທີ່ຕິດຕາມຄົບກຳນົດມາກວດຄືນ 21 ຄົນ)
  • ວຽງຈັນ 08 ຄົນ
  • ຈຳປາສັກ 06 ຄົນ
  • ອຸດົມໄຊ 05 ຄົນ
  • ໄຊຍະບູລີ 02 ຄົນ
  • ຊຽງຂວາງ 01 ຄົນ
  • ບໍລິຄຳໄຊ 01 ຄົນ
  • ຜົນກວດທັງໝົດ 83 ກໍລະນີ ບໍ່ພົບເຊື້ອ. ໝາຍຄວາມວ່າໃນວັນທີ 21 ເມສາ 2020ບໍ່ມີກໍລະນີໃໝ່.
  • ນັບແຕ່ເດືອນມັງກອນ ຮອດ ວັນທີ 21 ເມສາ 2020 ໄດ້ເກັບຕົວຢ່າງມາກວດທັງໝົດ ມີ 1,461 ຄົນ, ກວດພົບເຊື້ອທັງໝົດ 19 ຄົນ (10 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).
  • ຈໍານວນຜູ້ສໍາຜັດໃກ້ຊິດກັບຜູ້ຕິດເຊື້ອທັງໝົດ ທີ່ໄດ້ຕິດຕາມ ແຕ່ວັນທີ 09 ມີນາ – 21 ເມສາ 2020 ມີ ທັງໝົດ 313 ຄົນ,  ໝົດກໍານົດຕິດຕາມ ທັງໝົດ 308 ຄົນ, ຍັງສືບຕໍ່ຕິດຕາມທັງໝົດ 05 ຄົນ ເຊິ່ງຕິດຕາມຢູ່ ນະຄອນຫຼວງວຽງຈັນ, ທັງໝົດແມ່ນຕິດຕາມຢູ່ໂຮງໝໍ 103 ​ໂດຍສະເຫຼ່ຍ ຍັງອີກ 03 ມື້ ຈຶ່ງຄົບກຳນົດຕິດຕາມ 14 ວັນ, ຖືວ່າຜູ້ສໍາພັດໃກ້ຊິດກັບຄົນເຈັບ ທັງໝົດແມ່ນຢູ່ນະຄອນຫຼວງວຽງຈັນ.  
  • ການຕິດຕາມ ຢູ່ສະຖານທີ່ຈຳກັດບໍລິເວນຂອງແຂວງ ແລະ ຜູ້ຈຳກັດບໍລິເວນ ຢູ່ເຮືອນ ສຳລັບຜູ້ເດີນທາງມາຈາກຕ່າງປະເທດ
  • ມາຮອດວັນທີ 21 ເມສາ 2020 ທົ່ວປະເທດ ຍັງມີ ສູນຈໍາກັດບໍລິເວນ ທັງໝົດ 397 ສູນ, ມີຜູ້ຈຳກັດບໍລິເວນຢູ່ສູນ 1,748 ຄົນ, ຈໍາກັດບໍລິເວນຢູ່ເຮືອນ 1,954 ຄົນ, ເກັບຕົວຢ່າງມາກວດວິເຄາະຫາເຊື້ອ ມີທັງໝົດ 173 ຄົນ. ທັງໝົດບໍ່ພົບເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ຢູ່ໂຮງໝໍແຂວງຫຼວງພະບາງ ມີ 03 ຄົນ ເຫັນວ່າມີອາການຄົງຕົວ ຂັ້ນເບົາບາງ, ມື້ວານນີ້ໄດ້ເກັບຕົວຢ່າງ 02 ຄົນມາກວດອີກຄັ້ງ, ເຫັນວ່າບໍ່ພົບເຊື້ອຕິດຕໍ່ກັນ 02 ຄັ້ງ. ດັ່ງນັ້ນ ທັງ 02 ຄົນຈະໄດ້ອອກໂຮງໝໍໃນມື້ນີ້ ແລະ ໄປຕິດຕາມຕົນເອງຢູ່ເຮືອນ 14 ວັນ. ຍັງເຫຼືອ 01 ຄົນ ແມ່ນສືບຕໍ່ຕິດປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.
  • ຢູ່ໂຮງໝໍມິດຕະພາບ ມີ 14 ຄົນ ທັງໝົດເຫັນວ່າ ມີອາການເບົາບາງ ແລະ ຍັງຕິດຕາມປິ່ນປົວຕາມອາການ ແລະ ກວດຫາເຊື້ອເພື່ອຢັ້ງຢືນ.
  • ປະຈຸບັນຍັງເຫຼືອມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍທັງໝົດ 15 ຄົນ.
  • ຖືວ່າເປັນຂ່າວດີ ສໍາລັບຜົນສໍາເລັດໃນການປິ່ນປົວ ມີຜູ້ອອກໂຮງໝໍເພີ່ມອີກ 02​ ຄົນຢູ່ແຂວງຫຼວງພະບາງ ຍັງເຫຼືອພຽງ 15 ຄົນທີ່ຈະສືບຕໍ່ຕິດຕາມປິ່ນປົວ. ແລະ ສະພາບການຕິດເຊື້ອຢູ່ປະເທດຂອງເຮົາ ໄດ້ເວັ້ນໄລຍະຫ່າງມາໄດ້ 10 ວັນແລ້ວ ແຕ່ພວກເຮົາ ຈະບໍ່ໄດ້ລົດລະມາດຕະການເຝົ້າລະວັງ ຕິດຕາມຄົ້ນຫາ ຜູ້ສົງໄສທີ່ຈະຕິດເຊື້ອ ໂດຍສະເພາະຜູ້ທີ່ຍັງຈຳກັດບໍລິເວນຕົນເອງຢູ່ສູນ ແລະ ຢູ່ເຮືອນ ລວມທັງຜູ້ເດີນທາງຜ່ານຊາຍແດນເຂົ້າມາໃໝ່ ເພື່ອມາກວດວິເຄາະ ຢັ້ງຢືນພະຍາດໃຫ້ໄດ້ໄວ ແລະ ປິ່ນປົວຢ່າງທັນການ. ພວກເຮົາໄດ້ຂະຫຍາຍເປົ້າໝາຍການເກັບຕົວຢ່າງມາວິເຄາະໃຫ້ກວ້າງອອກຕື່ມ ໂດຍສະເພາະຜູ້ເດີນທາງເຂົ້າມາຈາກຕ່າງປະເທດ ແມ່ນຈະໄດ້ເກັບຕົວຢ່າງມາວິເຄາະ ແລະ ຈຳກັດບໍລິເວນຈົນຄົບ 14 ວັນ ເຖິງວ່າຈະມີອາການ ຫຼື ບໍ່ມີອາການກໍ່ຕາມ ແລະ ຜູ້ທີ່ເຈັບເປັນມີອາການໄຂ້, ມີອາການທາງລະບົບຫາຍໃຈ ທີ່ມາກວດສຸຂະພາບຢູ່ໂຮງໝໍ ກໍ່ຈະໄດ້ເກັບຕົວຢ່າງມາວິເຄາະຫາເຊື້ອພະຍາດ.
  • ພວກເຮົາໄດ້ສືກສາສະພາບການລະບາດຂອງປະເທດໃກ້ຄຽງ ແລະ ສະພາບການລະບາດຢູ່ໃນທົ່ວໂລກ ເຫັນວ່າ:

ມາຮອດເວລາ 6:00 ໂມງເຊົ້າ ຂອງວັນທີ 22 ເມສາ 2020, ທົ່ວໂລກມີການລາຍງານການລະບາດ ທັງໝົດ 210 (ປະເທດ/ເຂດ).

– ມີກໍລະນີຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 2,552,688 (72,185 ໃໝ່)

–  ເສຍຊິວິດ 177,264 (6,867 ໃໝ່)

–  ປີ່ນປົວຫາຍດີ 688,430 (43,153 ໃໝ່).  ຜູ້ປິ່ນປົວຫາຍດີປະຈໍາວັນກວມເອົາ 60 % ຂອງຈໍານວນຜູ້ຕິດເຊື້ອໃໝ່ປະຈໍາວັນ.

–  ມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 23,823 ຄົນ ແລະ ເສຍຊີວິດ 2,690 ຄົນ ຕໍ່ມື້.

– ອັດຕາຄວາມຮ້າຍແຮງຂອງມື້ນີ້ແມ່ນເພິ່ມຂຶ້ນ 6.94 % (ມື້ວານນີ້ 6.87 %).

  • ສະເພາະກຸ່ມປະເທດອາຊຽນ ຍັງມີບາງປະເທດທີ່ມີອັດຕາການຕິດເຊື້ອ ແລະ ເສຍຊີວິດສູງຢູ່ ມີບາງປະເທດຕິດເຊື້ອໃໝ່ ໃນວັນທີ 21 ເມສາ 2020 ນີ້ ເຖິງ 1,111 ຄົນ ແລະ ເສຍຊີວິດໃນມື້ດຽວເຖິງ 26 ຄົນ.
  • ສະເພາະ ສປປ ລາວ ກໍ່ຍັງເຫັນວ່າ 10 ມື້ທີ່ບໍ່ມີຜູ້ຕິດເຊື້ອໃໝ່. ໃນຈໍານວນຜູ້ຕິດເຊື້ອ 19 ຄົນ ກໍ່ໄດ້ອອກໂຮງໝໍແລ້ວ 4 ຄົນ ຍັງເຫຼືອ 15 ຄົນທີ່ຈະໄດ້ສືບຕໍ່ຕິດຕາມປິ່ນປົວຕາມອາການຢ່າງໃກ້ຊິດ. ສະພາບການລະບາດຄົງທີ່ຄືແນວນີ້ ກໍ່ຍ້ອນວ່າ ປະຊາຊົນບັນດາເຜົ່າ ໄດ້ເປັນເຈົ້າການ ຮ່ວມໄມ້ຮ່ວມມື ໃນການຈັດຕັ້ງປະຕິບັດ ຄໍາສັ່ງ 06/ນຍ, ຍ້ອນມີການຊີ້ນໍາຈາກຄະນະພັກ, ອໍານາດການປົກຄອງທຸກຂັ້ນ, ມີການສະໜັບສະໜູນຊ່ວຍເຫຼືອຈາກ ອົງການຈັດຕັ້ງສາກົນ, ປະເທດເພື່ອນມິດ ແລະ ອົງການຈັດຕັ້ງທາງສັງຄົມທຸກພາກສ່ວນ, ຂໍສະແດງຄວາມຍ້ອງຍໍຊົມເຊີມມານະໂອກາດນີ້ດ້ວຍ.
  • ສະນັ້ນ, ເພື່ອສືບຕໍ່ໃຫ້ສະພາບການລະບາດຂອງພະຍາດ COVID-19 ຜ່ອນຄາຍລົງໄປເລື້ອຍໆ ເຮັດໃຫ້ພວກເຮົາສາມາດກັບມາດຳລົງຊີວິດຕາມປົກກະຕິໄດ້. ໃນຕໍ່ໜ້ານີ້ ຈຶ່ງຮຽກຮ້ອງໃຫ້ພໍ່ແມ່ປະຊາຊົນບັນດາເຜົ່າ, ອົງການຈັດຕັ້ງທຸກພາກສ່ວນ ຈົ່ງສືບຕໍ່ຮ່ວມໄມ້ຮ່ວມມື ເປັນເຈົ້າການ ຈັດຕັ້ງປະຕິບັດຄຳສັ່ງ ເລກທີ 06/ນຍ ແລະ ບັນດາຂໍ້ແນະນຳຕ່າງໆຢ່າງເຂັ້ມງວດ. ໂດຍສະເພາະ ແມ່ນການຈໍາກັດຕົນເອງຢູ່ເຮືອນ, ການປະຕິບັດໄລຍະຫ່າງ, ຫຼີກເວັ້ນການຊຸມແຊວ, ໝັ່ນລ້າງມືເວລາຈັບບາຍສິ່ງຂອງ ຫຼື ໃຊ້ເຈວລ້າງມື ແລະ ໃສ່ຜ້າອັດປາກດັງເວລາອອກໄປຂ້າງນອກ.
  • ບັນດາທ່ານໄດ້ຮັບຮູ້ຂໍ້ມູນຂ່າວສານສະພາບການລະບາດຂອງພະຍາດ COVID-19  ຢູ່ປະເທດເຮົາແລ້ວ.
  • ພັກ ແລະ ລັດຖະບານໄດ້ເປັນຫ່ວງເປັນໄຍ ຕໍ່ການຄວບຄຸມ ແລະ ການແກ້ໄຂການລະບາດຢູ່ປະເທດຂອງພວກເຮົາ ໄດ້ວາງມາດຕະການ ແລະ ຂໍ້ແນະນຳຕ່າງໆ ອອກ ຊຶ່ງກໍ່ຊາບດີວ່າມີຜົນກະທົບຕໍ່ການດຳລົງຊີວິດປະຈໍາວັນຂອງພໍ່ແມ່ປະຊາຊົນ ກໍ່ຄືກະທົບຕໍ່ການດໍາເນີນທຸລະກິດ ແຕ່ກໍ່ຂໍໃຫ້ຮຽກຮ້ອງບັນດາທ່ານໃຫ້ມີຄວາມອົດທົບ ພ້ອມກັນຜ່ານຜ່າວິກິດນີ້, ຂໍໃຫ້ບັນດາທ່ານຈົ່ງພ້ອມກັນປ້ອງກັນຕົນເອງ, ປ້ອງກັນຄອບຄົວ ແລະ ຜູ້ທີ່ຮັກແພງໃກ້ຊິດກັບບັນດາທ່ານຈາກການຕິດເຊື້ອພະຍາດ COVID-19. ຖືວ່າແມ່ນພັນທະ ແລະ ຄວາມຮັບຜິດຊອບຂອງບັນດາທ່ານ ແລະ ເປັນການປະກອບສ່ວນອັນສຳຄັນໃຫ້ແກ່ປະເທດຊາດ.
  • ຖ້າວ່າບັນດາທ່ານ ຫຼື ຄົນໃນຄອບຄົວຂອງທ່ານມີອາການຄ້າຍຄືໄຂ້ຫວັດ ຫຼື ອາການອື່ນໆຜິດປົກກະຕິ ຂໍໃຫ້ມາກວດນໍາແພດໝໍຢູ່ໂຮງໝໍ ບໍ່ໃຫ້ຢ້ານວ່າຈະມາຕິດເຊື້ອ ໂຄວິດ 19 ຢູ່ໂຮງໝໍ ເພາະວ່າ ແຕ່ລະໂຮງໝໍມີການຈັດສັນລະບົບ ຄັດແຍກຜູ້ສົງໃສເປັນພະຍາດ ໂຄວິດ 19 ແລະ ຜູ້ເຈັບເປັນທົ່ວໄປອອກຈາກກັນເປັນເຂດໜຶ່ງສະເພາະ.