13 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ

0
220

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫຼງຂ່າວປະຈໍາວັນທີ 25 ເມສາ ປີ 2020 ໂດຍ: ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ຜູ້ປະຈໍາການຄະນະສະເພາະກິດ ດັ່ງນີ້:

1. ສະພາບການເຝົ້າລະວັງ COVID-19 ຢູ່ ສປປ ລາວຮອດ 5 ໂມງແລງ ຂອງວັນທີ 24 ເມສາ 2020 ຕາມຈຸດຜ່ານດ່ານຕ່າງໆ ມີຈໍານວນຜູ້ເດີນທາງເຂົ້າມາມີທັງໝົດ 1,750 ຄົນ ຄື:

  • ຜູ້ທີ່ເດີນທາງຜ່ານດ່ານລາວ-ໄທ ທັງໝົດ 1,002 ຄົນ, ໃນນັ້ນມີແຮງງານລາວມາແຕ່ໄທ 36 ຄົນ(ຜ່ານດ່ານຊ່ອງເມັກແຂວງຈໍາປາສັກ ຈໍານວນ 17 ຄົນ ແລະ ຜ່ານດ່ານຂົວມິດຕະພາບ II ແຂວງສະຫວັນນະເຂດຈໍານວນ 19 ຄົນ), ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.
  • ຜູ້ທີ່ເດີນທາງຜ່ານດ່ານລາວ-ຈີນ ທັງໝົດ 203 ຄົນ,​ທັງໝົດ ແມ່ນຜູ້ຂັບລົດຂົນສົ່ງສິນຄ້າ.
  • ຜູ້ເດີນທາງຜ່ານດ່ານລາວ-ຫວຽດ ທັງໝົດ 545 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຜູ້ເດີນທາງຜ່ານດ່ານລາວ-ກຳປູເຈຍທັງໝົດ 00 ຄົນ
  • ຜູ້ເດີນທາງຜ່ານສະໜາມບິນທັງໝົດ 00 ຄົນ
  • ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້

2. ການເຝົ້າລະວັງ ແລະ ວິເຄາະໃນວັນທີ 24 ເມສາ 2020, ໄດ້ເກັບຕົວຢ່າງມາກວດທັງໝົດ 50 ຄົນ, ໃນນັ້ນຜູ້ມີອາການສົງໄສມາກວດຢູ່ໂຮງໝໍ 17 ຄົນ, ແຮງງານລາວທີ່ກັບມາຈາກ ປະເທດໄທ 26 ຄົນ(ແຮງງານທັງໝົດແມ່ນບໍ່ມີອາການ) ແລະ ມີຜູ້ຕິດເຊື້ອນອນຢູ່ໂຮງໝໍມິດຕະພາບ 07 ຄົນ, ໃນຈໍານວນຜູ້ມີອາການສົງໄສ 17 ຄົນ ແມ່ນຢູ່ນະຄອນຫຼວງວຽງຈັນ. ສ່ວນແຮງງານລາວມາຈາກປະເທດໄທ 26 ແມ່ນຢູ່ຕ່າງແຂວງລາຍລະອຽດດັ່ງລຸ່ມນີ້:

  • ສະຫວັນນະເຂດ 19 ຄົນ
  • ສາລະວັນ 05 ຄົນ
  • ຄຳມ່ວນ 01 ຄົນ
  • ຫຼວງພະບາງ 01 ຄົນ

ຜົນກວດທັງໝົດ 50 ຄົນ ບໍ່ພົບເຊື້ອ. ໝາຍຄວາມວ່າໃນວັນທີ 24 ເມສາ 2020 ແມ່ນບໍ່ມີກໍລະນີໃໝ່

Medialaos MMD