ວັນ​ທີ 23 ເມ­ສາ 2020 ບໍ­ລິ­ສັດ ​ຫົວ​ເຫວີຍ ເຕັກ​ໂນ​ໂລ​ຊີ (ລາວ) ຈຳ­ກັດ​ຜູ້​ດຽວ ມອບ​ອຸ­ປະ­ກອນ​ວີ​ດີ​ໂອ​ການ​ປະ­ຊຸມ​ທາງ­ໄກ 1 ຊຸດ ໃຫ້​ກະ­ຊວງ​ໄປ­ສະ­ນີ ໂທລະ​ຄົມ­ມະ­ນາ­ຄົມ ແລະ ການ​ສື່­ສານ (ປທສ) ເພື່ອ​ສະ­ໜັບ­ສະ­ໜູນ​ການ​ຈັດ​ກອງ​ປະ­ຊຸມ​ທາງ­ໄກ​ທີ່​ສຳ­ຄັນ​ໃນ​ໄລ­ຍະ​ການ​ແຜ່​ລະ­ບາດ​ຂອງ​ພະ­ຍາດ COVID-19.

ທ່ານ ທັນ​ສະ­ໄໝ ກົມ​ມະ​ສິດ ລັດ­ຖະ­ມົນ­ຕີ​ກະ­ຊວງ ປທສ ກໍ​ໄດ້​ສະ­ແດງ​ຄວາມ​ຂອບ­ໃຈ​ຕໍ່​ບໍ­ລິ­ສັດ​ຫົວ​ເຫວີຍ​ໃນ​ການ​ປະ­ກອບ­ສ່ວນ​ຄັ້ງ​ນີ້ ພ້ອມ​ທັງ​ສະ­ແດງ​ໃຫ້​ເຫັນ​ວ່າ​ເຕັກ​ໂນ​ໂລ​ຊີ​ໄອ​ຊີ​ທີ ຈະ​ມີ​ຄວາມ​ສຳ­ຄັນ​ຂຶ້ນ​ເລື້ອຍໆ​ໃນ​ອະ­ນາ­ຄົດ ແລະ ຫວັງ​ວ່າ​ບໍ­ລິ­ສັດ​ຫົວ​ເຫວີຍ​ຈະ​ມີ​ສ່ວນ​ຮ່ວມ​ໃນ​ການ​ສ້າງ​ລາວ​ດິ​ຈິ​ຕອລ​ໃຫ້​ເຂັ້ມ­ແຂງ ແລະ ຫຼາຍ​ຂຶ້ນ​ເລື້ອຍໆ.

ບໍ­ລິ­ສັດ​ຫົວ​ເຫວີຍ ໃນ​ຖາ­ນະ​ທີ່​ເປັນ​ຜູ້​ສະ­ໜອງ​ໂຊ​ລູ​ຊັ່ນ ແລະ ອຸ­ປະ­ກອນ​ໄອ​ຊີ​ທີ​ຊັ້ນ​ແນວ​ໜ້າ​ຂອງ​ໂລກ ຍັງ​ໄດ້​ມີ​ສ່ວນ​ຮ່ວມ​ໃນ​ການ​ເຂົ້າ​ເຖິງ​ລະ­ບົບ​ວິ​ດີ​ໂອ​ການ​ປະ­ຊຸມ​ທາງ­ໄກ​ແບບ​ຄົບ​ວົງ​ຈອນ​ຂອງ​ລັດ­ຖະ­ບານ​ລາວ  ເປັນ­ຕົ້ນ ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ກະ­ຊວງ​ການ​ເງິນ ກະ­ຊວງ​ສາ­ທາ­ລະ­ນະ​ສຸກ ໂຮງ­ໝໍ​ມິດ­ຕະ­ພາບ 150 ຕຽງ ແລະ ກະ­ຊວງ​ການ​ຕ່າງ­ປະ­ເທດ ເພື່ອ​ປັບ­ປຸງ​ປະ​ສິດ­ທິ​ຜົນ​ໂດຍ​ລວມ​ຂອງ​ການ​ປ້ອງ​ກັນ ແລະ ຄວບ​ຄຸມ­ພະ​ຍາດ COVID-19 ທັງ​ປະ­ຢັດ​ເວ­ລາ​ໃນ​ການ​ຕໍ່­ສູ້​ກັບ​ພະ­ຍາດ​ດັ່ງ­ກ່າວ​ຂອງ​ລັດ­ຖະ­ບານ​ອີກ​ດ້ວຍ.

ໜສພ ວຽງຈັນໃໝ່.