ຍັງບໍ່ມີຜູ້ຕິດເຊື້ອເພີ່ມ ຕ້ອງສືບຕໍ່ເຝົ້າລະວັງຢ່າງໃກ້ຊິດ

0
96

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫຼງຂ່າວປະຈໍາວັນທີ 30 ເມສາ ປີ2020 ໂດຍ: ທ່ານ ດຣ ຣັດຕະນະໄຊ ເພັດສຸວັນ, ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ.

ສະພາບການເຝົ້າລະວັງ COVID-19 ຢູ່ ສປປ ລາວຮອດ 5 ໂມງແລງ ຂອງວັນທີ 29 ເມສາ 2020 ຕາມຈຸດຜ່ານດ່ານຕ່າງໆ ມີຈໍານວນຜູ້ເດີນທາງເຂົ້າມາມີທັງໝົດ 1,797 ຄົນ ຄື:

  • ຈຸດຜ່ານດ່ານລາວ-ໄທ ທັງໝົດ 971 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຈີນ ທັງໝົດ 186 ຄົນ,​ທັງໝົດ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຫວຽດ ທັງໝົດ 640 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 00 ຄົນ
  • ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້

ການເຝົ້າລະວັງ ແລະ ວິເຄາະ: ມາຮອດວັນທີ 29 ເມສາ 2020, ໄດ້ເກັບຕົວຢ່າງມາກວດທັງໝົດ 10 ຄົນ, ໃນນັ້ນຜູ້ມີອາການສົງໄສມາກວດຢູ່ໂຮງໝໍ 08 ຄົນ (ຢູ່ນະຄອນຫຼວງວຽງຈັນ 06 ຄົນ, ແຂວງຈຳປາສັກ 01 ຄົນ ແລະ ແຂວງບໍລິຄຳໄຊ 01 ຄົນ), ເກັບຕົວຢ່າງຜູ້ຕິດເຊື້ອມາກວດຄືນ 02 ຄົນ ແລະ ແຮງງານລາວທີ່ກັບມາຈາກປະເທດໄທ 00 ຄົນ. ຜົນກວດທັງໝົດ10 ຄົນ ບໍ່ພົບເຊື້ອ.

ສຳລັບການປິ່ນປົ່ວຜູ້ຕິດເຊື້ອທີ່ນອນຕິດຕາມ-ປິ່ນປົວຢູ່ໂຮງໝໍ 11 ຄົນ ແມ່ນມີອາການເບົາບາງ, ຍັງຕິດຕາມເພື່ອກວດວິເຄາະຢັ້ງຢືນໃນແຕ່ລະມື້ ຖ້າບໍ່ມີການພົບເຊື້ອ ຈຶ່ງໃຫ້ອອກໂຮງໝໍ.

Medialaos MMD