ຖະແຫຼງຂ່າວ
ຂອງຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ COVID-19 ປະຈໍາວັນທີ03ພຶດສະພາ ປີ2020

ໂດຍ: ທ່ານ ຮສ ດຣ. ພູທອນ ເມືອງປາກຮອງລັດຖະມົນຕີກະຊວງສາທາລະນະສຸກ,
ຜູ້ປະຈໍາການຄະນະສະເພາະກິດ
I. ສະພາບການເຝົ້າລະວັງCOVID-19ຢູ່ ສປປ ລາວຮອດ 5 ໂມງແລງ ຂອງວັນທີ 02ພຶດສະພາ 2020

  1. ວຽກງານຈຸດຜ່ານດ່ານ
    • ຈໍານວນຜູ້ເດີນທາງເຂົ້າມາມີທັງໝົດ1,307ຄົນ
  • ຈຸດຜ່ານດ່ານລາວ-ໄທ ທັງໝົດ 613 ຄົນ, ໃນນັ້ນມີແຮງງານກັບມາແຕ່ໄທ
    ຜ່ານດ່ານຊ່ອງເມັກ ແຂວງຈຳປາສັກ08ຄົນ,ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຈີນ ທັງໝົດ 45 ຄົນ,ທັງໝົດ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຫວຽດ ທັງໝົດ649ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ00ຄົນ
    • ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້, ສຳລັບ
    ແຮງງານລາວຈຳນວນ08ຄົນທີ່ເຂົ້າມາໃໝ່ຜ່ານດ່ານຊ່ອງເມັກແຂວງຈຳປາສັກ
    ນັ້ນທັງໝົດແມ່ນມີຖິ່ນຖານຢູ່ແຂວງຈຳປາສັກເຊິ່ງໄດ້ນຳສົ່ງໄປຈຳກັດບໍລິເວນ
    ຢູ່ສູນຂອງແຂວງຈົນຄົບກຳນົດ 14 ວັນ.
  1. ການເຝົ້າລະວັງ ແລະ ວິເຄາະ
  • ໃນວັນທີ02ພຶດສະພາ 2020, ໄດ້ເກັບຕົວຢ່າງມາກວດທັງໝົດ19ຄົນ,ໃນນັ້ນເກັບຕົວຢ່າງຜູ້ສຳຜັດໃກ້ຊິດກັບຜູ້ຕິດເຊື້ອກໍລະນີທີ 14 ຈຳນວນ04ຄົນ,ແຮງງານລາວທີ່ກັບມາຈາກປະເທດໄທ15ຄົນ.
    • ໃນຈໍານວນຜູ້ສຳຜັດໃກ້ຊິດທັງໝົດ04ຄົນແມ່ນມາຈາກນະຄອນຫຼວງວຽງຈັນ
    • ໃນຈຳນວນແຮງງານລາວທີ່ກັບມາແຕ່ໄທ15ຄົນລາຍລະອຽດດັ່ງລຸ່ມນີ້:
  • ສະຫວັນນະເຂດ06 ຄົນ
  • ບໍລິຄຳໄຊ03 ຄົນ
  • ຈຳປາສັກ 03 ຄົນ
  • ຄຳມ່ວນ 02 ຄົນ
  • ສາລະວັນ 01 ຄົນ
    • ຜົນກວດທັງໝົດ19 ຄົນ ຂອງມື້ວານນີ້ບໍ່ພົບເຊື້ອໃໝ່. ໝາຍຄວາມວ່າໃນວັນທີ 02ພຶດສະພາ 2020 ບໍ່ມີກໍລະນີໃໝ່.
    • ນັບແຕ່ເດືອນມັງກອນ ຮອດ ວັນທີ 02ພຶດສະພາ2020 ໄດ້ເກັບຕົວຢ່າງມາກວດທັງໝົດມີ2,184ຕົວຢ່າງ,ກວດພົບເຊື້ອສະສົມ19ຄົນ(21 ມື້ແລ້ວທີ່ບໍ່ມີຜູ້ຕິດເຊື້ອເພີ່ມ).
  1. ການຕິດຕາມຢູ່ສະຖານທີ່ຈຳກັດບໍລິເວນຂອງແຂວງແລະຜູ້ຈຳກັດບໍລິເວນຢູ່ເຮືອນສຳລັບຜູ້ເດີນທາງມາຈາກຕ່າງປະເທດ
    • ມາຮອດວັນທີ02ພຶດສະພາ 2020 ທົ່ວປະເທດຍັງມີສູນຈໍາກັດບໍລິເວນ ທັງໝົດ147ສູນ, ມີຜູ້ຈຳກັດບໍລິເວນຢູ່ສູນ639ຄົນ, ຈໍາກັດບໍລິເວນຢູ່ເຮືອນ400ຄົນ,ເກັບຕົວຢ່າງມາກວດວິເຄາະຫາເຊື້ອ720ຄົນ.ທັງໝົດບໍ່ພົບເຊື້ອ.
  2. ການຕິດຕາມປີ່ນປົວຄົນເຈັບຢູ່ໂຮງໝໍ
  • ປະຈຸບັນມີຜູ້ຕິດເຊື້ອນອນຕິດຕາມ ປິ່ນປົວຢູ່ໂຮງໝໍມິດຕະພາບ09 ຄົນທັງໝົດເຫັນວ່າ ມີອາການເບົາບາງແລະຍັງຕິດຕາມເພື່ອກວດວິເຄາະຢັ້ງຢືນການບໍ່ພົບເຊື້ອ;
  • ຮັບເອົາຜູ້ທີ່ອອກໂຮງໝໍນ້ຳເບີ 14 ກັບເຂົ້າມາຕິດຕາມອາການຢູ່ໂຮງໝໍ 01 ຄົນ ລວມມີຜູ້ຕິດຕາມຢູ່ໂຮງໝໍມິດຕະພາບ 10 ຄົນ.
  1. ການຕິດຕາມສະພາບການລະບາດຂອງປະເທດໃກ້ຄຽງແລະ ສະພາບການລະບາດຢູ່ໃນທົ່ວໂລກ ເຫັນວ່າ:
    • ມາຮອດເວລາ 6:00 ໂມງເຊົ້າຂອງວັນທີ03ພຶດສະພາ 2020, ທົ່ວໂລກມີການລາຍງານການລະບາດທັງໝົດ 212 (ປະເທດ/ເຂດ)
    -ມີການຢັ້ງຢືນຜູ້ຕິດເຊື້ອພະຍາດCOVID-19 ແມ່ນ3,478,748 (80,654 ໃໝ່)
    -ເສຍຊິວິດ244,464 (5,016 ໃໝ່) ກວມເອົາ 7.02 %ຂອງຜູ້ຕິດເຊື້ອທັງໝົດ
    -ປີ່ນປົວຫາຍດີ1,107,837 (28,539 ໃໝ່) ກວມເອົາ 31.8 % ຂອງຜູ້ຕິດເຊື້ອທັງ
    ໝົດ
    -ມີບາງປະເທດຈຳນວນຜູ້ຕິດເຊື້ອມື້ດຽວມີເຖິງ27,851ຄົນແລະເສຍຊີວິດ
    1,540ຄົນຕໍ່ມື້
  • ອັດຕາຄວາມຮ້າຍແຮງຂອງມື້ນີ້ແມ່ນ7.02% (ມື້ວານນີ້7.04%).
    • ສະເພາະກຸ່ມປະເທດອາຊຽນກໍ່ເຫັນວ່າຍັງມີບາງປະເທດທີ່ມີອັດຕາການຕິດເຊື້ອ ແລະ ເສຍຊີວິດສູງຢູ່ ມີບາງປະເທດຕິດເຊື້ອໃໝ່ ໃນວັນທີ 02ພຶດສະພາ 2020 ນີ້ ເຖິງ 447ຄົນ ແລະ ເສຍຊີວິດໃນມື້ດຽວຢູ່ກຸ່ມປະເທດອາຊຽນເຖິງ56ຄົນ.
  1. ຂໍ້ແນະນຳ
    ບັນດາທ່ານທີ່ນັບຖື ແລະ ຮັກແພງ,
    • ສປປ ລາວ ກໍ່ຍັງເຫັນວ່າ 21 ມື້ທີ່ບໍ່ມີຜູ້ຕິດເຊື້ອໃໝ່(ເລິ່ມແຕ່ວັນທີ 12 ເມສາ 2020 ເປັນຕົ້ນມາ).ໃນຈໍານວນຜູ້ຕິດເຊື້ອສະສົມ 19 ຄົນ ກໍ່ໄດ້ອອກໂຮງໝໍແລ້ວ 10 ຄົນແລະຍັງເຫຼືອ 09 ຄົນທີ່ຈະໄດ້ສືບຕໍ່ຕິດຕາມປິ່ນປົວຕາມອາການຢ່າງໃກ້ຊິດ ໃນນີ້ໄດ້ຮັບຄົນເຈັບເກົ່າເຂົ້າມາຕິດຕາມອາການ 01 ຄົນ. ລວມມີ 10 ຄົນຢູ່ໂຮງໝໍ ມິດຕະພາບ. ມື້ວານນີ້ກໍ່ໄດ້ຖະແຫຼງໄປແລ້ວ ຢ້ານວ່າ ມີຄວາມເຂົ້າໃຈຜິດ ສະເພາະຄົນເຈັບເກົ່າທີ່ກວດວິເຄາະພົບເຊື້ອ ພາຍຫຼັງອອກໂຮງໝໍໄປຈຳກັດບໍລິເວນຢູ່ເຮືອນ 14 ມື້ແລ້ວ ຖືວ່າຢູ່ຫຼາຍໆປະເທດກໍ່ມີລາຍງານເຊັ່ນດຽວກັນນີ້ ເຊິ່ງອາດຈະແມ່ນເຊື້ອທີ່ຕາຍແລ້ວ ບໍ່ສາມາດສົ່ງເຊື້ອຕໍ່ໃຫ້ຜູ້ອື່ນ ພວກເຮົາກໍ່ໄດ້ເກັບເອົາຕົວຢ່າງຄົນໃກ້ຊິດກັບຜູ້ກ່ຽວຈຳນວນ 03 ຄົນ ມາກວດວິເຄາະຫາເຊື້ອ ແຕ່ກໍ່ບໍ່ພົບເຊື້ອ.
    • ເຖິງສະພາບການລະບາດຜ່ອນຄາຍລົງຄືແນວນີ້ ແຕ່ພວກເຮົາກໍ່ບໍ່ໄດ້ປະໝາດແລະມີການເຝົ້າລະວັງຢ່າງໃກ້ຊິດເພື່ອສະກັດກັ້ນບໍ່ໃຫ້ມີການລະບາດຄືນຄັ້ງທີ2. ຫຼັງຈາກ ວັນທີ 3 ພຶດສະພາ ກໍ່ຈະໄດ້ປະຕິບັດມາດຕະການຜ່ອນຜັນບາງຢ່າງຕາມແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 524/ຫສນຍ ລົງວັນທີ 1 ພຶດສະພາ 2020.
    • ຮຽກຮ້ອງໃຫ້ທຸກພາກສ່ວນເອົາໃຈໃສ່ສືກສາແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ໃຫ້ລະອຽດເພື່ອໃຫ້ມີຄວາມເຂົ້າໃຈ, ຈົ່ງຮ່ວມແຮງຮ່ວມໃຈກັນປະຕິບັດຕາມແຈ້ງການຢ່າງຖືກຕ້ອງ ແລະ ເຂັ້ມງວດ.
    • ບັນດາທ່ານໄດ້ຮັບຊາບຂໍ້ມູນຂ່າວສານ ກ່ຽວກັບສະພາບການລະບາດຂອງພະຍາດ ແລະ ການຕິດຕາມປີ່ນປົວຜູ້ຕິດເຊື້ອຢູ່ໂຮງໝໍໄປແລ້ວ;
    • ຖ້າວ່າບັນດາທ່ານ ຫຼື ຄົນໃນຄອບຄົວຂອງທ່ານ ຫາກມີອາການໄຂ້, ໄອ, ເຈັບຫົວ, ເຈັບທ້ອງ ຫຼື ມີອາການອື່ນໆ ກໍ່ຂໍໃຫ້ບັນດາທ່ານ ເຂົ້າໄປພົບແພດຢູ່ໂຮງໝໍ ເພື່ອຈະໄດ້ຄັດແຍກ ວ່າມີອາການສົງໃສ ກ່ຽວກັບພະຍາດ COVID-19 ຫຼືບໍ່ ພ້ອມທັງຈະໄດ້ເກັບຕົວຢ່າງໄປກວດວິເຄາະຊອກຫາເຊື້ອ ຫຼືວ່າ ບັນດາທ່ານທີ່ມີພະຍາດອື່ນກໍ່ຈະໄດ້ຄັດແຍກໄປບ່ອນໜຶ່ງສະເພາະ ເພື່ອທຳການປິ່ນປົວ ເພາະວ່າໄລຍະນີ້ ກໍ່ແມ່ນລະດູຝົນ ພະຍາດຕາມລະດູການ ກໍ່ສາມາດເກີດຂຶ້ນໄດ້ ໂດຍສະເພາະແມ່ນພະຍາດໄຂ້ເລືອດອອກ ກໍ່ເປັນພະຍາດໜຶ່ງທີ່ພວກເຮົາ ເຝົ້າລະວັງແຕ່ລະປີ ຂໍໃຫ້ພໍ່ແມ່ປະຊາຊົນ ຈົ່ງເອົາໃຈໃສ່ຄົນໃນຄອບຄົວ ຕໍ່ລູກຫຼານຂອງພວກເຮົາ ເພື່ອຫຼີກເວັ້ນຈາກ ພະຍາດທັງໝົດທີ່ສາມາດປ້ອງກັນໄດ້.
    • ການຖະແຫຼງຂ່າວມາຮອດມື້ນີ້ໄດ້ສີ້ນສຸດລົງ.