ໃນວັນທີ 5 ພຶດສະພາ 2020 ຢູ່ທີ່ຫ້ອງຮັບແຂກ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ບໍລິສັດ ລາວຊຽງຟົງ ຈຳກັດ ໄດ້ນຳເອົາອຸປະກອນ ປ້ອງກັນໂຕທາງການແພດ ມີ ຜ້າອັດປາກ 10.000 ອັນ, ເຈວລ້າງມື 240 ອັນ ແລະ ເຄື່ອງວັດແທກອຸ່ນຫະພູມ 60 ອັນ ມາມອບໃຫ້ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ນຳໄປແຈກຍາຍໃຫ້ກັບ ຂະແໜ່ງການທ່ອງທ່ຽວຕ່າງໆ ທີ່ຂາດເຂີນຕໍ່ໄປ, ຕາງໜ້າມອບໂດຍ ທ່ານ ຊົງ ເຈຍ ຟົງ ປະທານບໍລິສັດ ລາວຊຽງຟົງ ຈຳ ກັດ ແລະ ຕາງໜ້າຮັບໂດຍ ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງ ຖະແຫລງຂ່າວ, ວັດ ທະນະທຳ ແລະ ທ່ອງທ່ຽວ.

ໂອກາດດັ່ງກ່າວ, ທ່ານ ກິແກ້ວ ໄຂຄຳພິທູນ ໄດ້ສະແດງຄວາມຂອບໃຈເປັນຢ່າງສູງ ມາຍັງບໍລິສັດ ລາວຊຽງຟົງ ຈຳກັດ ທີ່ໄດ້ນຳ ເອົາເຄື່ອງ ອຸປະກອນປ້ອງກັນໂຕ ທີ່ຈຳເປັນ ມາມອບໃຫ້ໃນຄັ້ງນີ້, ຊຶ່ງເປັນການສະແດງເຖິງ ການຮ່ວມມືທາງ ດ້ານການທ່ອງທ່ຽວ ແລະ ຈະຮ່ວມກັນຟື້ນຟູການທ່ອງທ່ຽວ ແລະ ແຫລ່ງທ່ອງທ່ຽວ ໃຫ້ມີການຈະ ເລີນເຕີບໂຕ ຫລາຍຍິ່ງຂຶ້ນພາຍຫລັງ ເຊື້ອພະຍາດໂຄວິດ 19 ໄດ້ໝົດໄປ. ພ້ອມນີ້, ທ່ານ ລັດຖະມົນຕີ ກະຊວງ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຍັງໄດ້ມອບໃບຍ້ອງຍໍ ໃຫ້ແກ່ ບໍລິສັດດັ່ງກ່າວຕື່ມອີກ.