“ຢູ່ເຮືອນຢຸດການຕິດເຊື້ອສຳລັບປະເທດຊາດ” ຄຳຂວັນນີ້ເຮັດໃຫ້ຫຼາຍຄົນຕ້ອງຢຸດກິດຈະກຳຢູ່ນອກເຮືອນ ລວມທັງເດັກນ້ອຍໃນຊ່ວງພັກຮຽນ ຕ້ອງຫຼີກລ້ຽງການເຮັດກິດຈະກຳຕ່າງໆ ເພື່ອປົກປ້ອງຕົນເອງໃຫ້ຢູ່ຫ່າງໄກ COVID-19.

ເຊື່ອວ່າເວລານີ້ນອກຈາກເດັກໆ ຢູ່ເຮືອນແລ້ວພໍ່ແມ່ກໍ່ຕ້ອງເຮັດວຽກຢູ່ເຮືອນເຊັ່ນດຽວກັນ ເຊີ່ງມັນແມ່ນສະຖານະການທີ່ບໍ່ເອື້ອອໍານວຍສໍາລັບການອອກນອກເຮືອນ ຖ້າເຜີແປັບດຽວໂດຍບັງເອີນອາດຈະນຳເອົາ COVID-19 ມາໃຫ້ຄົນຢູ່ເຮືອນໄດ້ເຊັ່ນດຽວກັນ.

ເຫດການດັ່ງກ່າວບໍ່ແມ່ນເລື່ອງຮ້າຍແຮງສະເໝີໄປ ພວກເຮົາຄວນຫັນວິກິດການໄປສູ່ໂອກາດ ໃຊ້ເວລານີ້ເພື່ອສ້າງຄວາມສໍາພັນກັບສະມາຊິກໃນຄອບຄົວ ເຊີ່ງພໍ່ແມ່ອາດຈະຝຶກທັກສະຕ່າງໆ ຈາກສິ່ງທີ່ຢູ່ອ້ອມຕົວລູກ ເຊັ່ນວ່າ: ການພາລູກຫຼິ້ນຢູ່ໃນເຮືອນແບບເສລີ ຖືວ່າເປັນການຮຽນຮູ້ອີກແບບໜຶ່ງ ທີ່ສາມາດເຮັດໄດ້ງ່າຍໆ ພ້ອມດ້ວຍສະມາຊິກໃນຄອບຄົວ ພໍ່ແມ່ບໍ່ມີເວລາຕ້ອງເຮັດວຽກທຸກໆ ມື້ ສະນັ້ນຈຳເປັນຕ້ອງມີກິດຈະກຳເພື່ອທົດແທນພວກເຂົາ ຖ້າເປັນດັ່ງນັ້ນທ່ານຕ້ອງຊອກຫາກິດຈະກຳຕ່າງໆ ທີ່ຈຳເປັນຢູ່ເຮືອນ, ອຸປະກອນ ແລະ ມີຂອງຫຼີ້ນໃຫ້ລູກ.

ສະຖານະການ COVID-19 ເກີດຂື້ນ ພວກເຮົາຄິດວ່າທຸກຄົນຕ້ອງຢູ່ເຮືອນ ເພາະສະນັ້ນຈຶ່ງເປັນໂອກາດທີ່ດີທີ່ຈະມີກິດຈະກຳມ່ວນຊື່ນຮ່ວມກັນໃນຄອບຄົວ, ສາມາດສ້າງສະຖານທີ່ຫຼີ້ນທີ່ເປັນເອກະລັກ, ການປະດິດສ້າງແບບງ່າຍໆ ດ້ວຍຕົວເອງ ເຮັດກິດຈະກຳເຫຼົ່ານີ້ຫຼາຍຢ່າງເຊັ່ນວ່າ: ພະຍາຍາມນຳເຄື່ອງໃຊ້ໃນເຮືອນຄົວທີ່ບໍ່ເປັນອັນຕະລາຍມາໃຫ້ເດັກນ້ອຍຫຼີ້ນ ເດັກນ້ອຍຈະສາມາດນັ່ງເປັນຊົ່ວໂມງໄດ້ ພວກເຮົາເອີ້ນກິດຈະກຳແບບນີ້ວ່າ “ການຫຼິ້ນແບບບໍ່ເສຍຄ່າ” ໝາຍເຖິງການເອົາສິ່ງຂອງຢູ່ໃນເຮືອນທີ່ບໍ່ເປັນອັນຕະລາຍ ແລະ ປ່ອຍໃຫ້ເດັກນ້ອຍເລືອກທີ່ຈະຫຼີ້ນຕາມທີ່ໃຈມັກ ສາມາດສ້າງຄວາມສະຫຼາດໃຫ້ແກ່ເດັກນ້ອຍ.

  • ຈັດແຈງຫຼິ້ນບົດບາດສົມມຸດໃນເຮືອນ.
  • ຫຼີ້ນການກໍ່ສ້າງເຮືອນຕາມທີ່ທ່ານຈິນຕະນາການກັບອຸປະກອນຂອງທ່ານເອງ.
  • ຫຼີ້ນຟຣີເຊັ່ນ: ຫຼີ້ນປັ້ນດິນເຜົາ, ຫຼີ້ນດິນຊາຍ, ຕໍ່ບ໊ອກໄມ້ ຫຼື ຕໍ່ຈິກຊໍ.
  • ຫຼີ້ນເລົ່າເລື່ອງຮ່ວມກັນໃນປະໂຫຍກທີ່ແຕກຕ່າງກັນ ຫຼື ຕໍ່ເພັງ.
  • ຫຼີ້ນກັບທຳມະຊາດ, ສວນ, ຕົ້ນໄມ້, ສັດນ້ອຍອ້ອມເຮືອນ.
  • ຫຼີ້ນຕັ້ງຄຳຖາມ ເຊັ່ນ: ຖ້າຄຳຕອບແມ່ນຕາເວັນ ຄຳຖາມແມ່ນຫຍັງ?
  • ໂດດ, ປີນ, ຄານ ໂດຍການສ້າງພື້ນທີ່ທີ່ປອດໄພໃຫ້ລູກ.
  • ຫຼີ້ນຫຼອກລີງ, ຈະເອ ປູໄຕ່ ຮ້ອງເພັງສຳລັບລູກ.
  • ອ່ານນິທານຮ່ວມກັນ.
  • ຖ້າຈຳເປັນເດີນທາງ ຫຼີ້ນບວກກັບປ້າຍລົດໃນເວລາເດີນທາງ.

ຖ້າຫາກເດັກນ້ອຍ ເລີ່ມອ່ານເລື່ອງຕ່າງໆ ຫຼື ຮ້ອງເພັງຟັງ ເປັນສິ່ງທີ່ດີສຳລັບເດັກນ້ອຍ ໃຫ້ພວກເຂົາເລືອກເອົາສິ່ງທີ່ພວກເຂົາຢາກເຮັດ ພຽງແຕ່ຂໍໃຫ້ຢູ່ໃນບໍລິເວນເຮືອນ ຢ່າເຮັດຫຍັງຢູ່ບ່ອນທີ່ແອອັດ ຢ່າຈັບກຸ່ມກັບໝູ່.

ເຊື່ອວ່າມີຫຼາຍວິທີທີ່ພໍ່ແມ່ ແລະ ຜູ້ປົກຄອງສາມາດສອນລູກໃຫ້ປະພຶດຕົວຢູ່ຫ່າງໄກຈາກ COVID-19 ຄວນຫຼີກລ້ຽງການເອົາເດັກນ້ອຍ ໄປທີ່ສະຖານທີ່ທີ່ແອອັດເຊັ່ນ: ຕະຫລາດ, ວັດວາອາຮາມ, ຫ້າງຮ້ານຕ່າງໆ ບ່ອນທີ່ຄົນເຕົ້າໂຮມກັນເປັນຈຳນວນຫຼວງຫຼາຍ ແລະ ເປັນໄລຍະເວລາດີທີ່ສຸດທີ່ຈະຢູ່ເຮືອນ.

ເຊີນຊວນໄວໜຸ່ມໃຫ້ລ້າງມືເລື້ອຍໆ ທ່ານສາມາດຝຶກຫຼີ້ນ ກ່ຽວກັບການລ້າງມືໃຫ້ມີຄວາມສະໜຸກສະໜານ ພ້ອມດຽວກັນໃນ YouTube ກໍ່ມີຫຼາຍຄລິບທີ່ສອນເດັກນ້ອຍ ກ່ຽວກັບວິທີການລ້າງມື, ສອນວິທີການໃຊ້ເຈວເຫຼົ້າທີ່ຖືກຕ້ອງ, ຮັບປະທານອາຫານທີ່ຮ້ອນ, ໃຊ້ບ່ວງຕົນເອງ ແລະ ຝຶກສອນລູກຂອງທ່ານໃຫ້ຮູ້ຈັກກັບການຊິນເຄີຍ.

ພວກເຮົາເຊື່ອວ່າທຸກຄົນຈະຜ່ານຜ່າວິກິດນີ້ໄປພ້ອມໆ ກັນ.