ສະພາປະຊາຊົນແຂວງຮ່ວມກັບອົງການປົກຄອງແຂວງ ເປີດກອງປະຊຸມສະຫຼຸບຖອດຖອນບົດຮຽນການດຳເນີນກອງປະຊຸມສະໄໝສາມັນເທື່ອທີ 7 ແລະ ທິດທາງການກະກຽມກອງປະຊຸມສະໄໝສາມັນເທື່ອທີ 8 ຂອງສະພາປະຊົນແຂວງຊຸດທີ 1

0
227

ໃນຕອນເຊົ້າວັນທີ 29 ສິງຫາ 2019 ຢູ່ທີ່ຫ້ອງປະຊຸມຊັ້ນ 4 ຫ້ອງວ່າການປົກຄອງແຂວງ ສະພາປະຊາຊົນແຂວງຮ່ວມກັບອົງການປົກຄອງແຂວງສະຫວັນນະເຂດ ໄດ້ຈັດກອງປະຊຸມ ສະຫຼຸບຖອດຖອນບົດຮຽນການດຳເນີນກອງປະຊຸມສະໄໝສາມັນເທື່ອທີ 7 ແລະ ທິດທາງການກະກຽມກອງປະຊຸມສະໄໝສາມັນເທື່ອທີ 8 ຂອງສະພາປະຊົນແຂວງຊຸດທີ 1 ໂດຍການເຂົ້າຮ່ວມຂອງທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ຄຳເຜີຍ ຜັນທະຈອນ ປະທານສະພາປະຊາຊົນແຂວງ, ມີບັນດາທ່ານຮອງເຈົ້າແຂວງ, ສະມາຊິກສະພາເຂດເລືອກຕັ້ງທີ 13, ຫົວໜ້າພະແນກການອ້ອມຂ້າງແຂວງສະຫວັນນະເຂດເຂົ້າຮ່ວມ.
ໃນກອງປະຊຸມທ່ານ ທອງໃສ ອິນທິແສງ ເລຂາທິການ ສະພາປະຊາຊົນແຂວງ ກໍ່ໄດ້ຜ່ານບົດສະຫຼຸບຕີລາຄາສະພາບການກະກຽມ ແລະ ການດຳເນີນກອງປະຊຸມສະໄໝສາມັນເທື່ອທີ່ 7 ຂອງສະພາປະຊາຊົນແຂວງ ຊຸດທີ 1 ເຊິ່ງກອງປະຊຸມສະໄໝສາມັນເທື່ອທີ 7 ກອງປະຊຸມເທື່ອນີ້ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 13 ແລະ ສະມາຊິກສະພາປະຊາຊົນແຂວງ ໄດ້ເສີມຂະຫາຍຄວາມຮູ້ຄວາມສາມາດ, ສິດປະຊາທິປະໄຕ ແລະ ມີຄວາມຮັບຜິດຊອບສູງ ໃນຖານະເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ ເຂົ້າໃນການຄົ້ນຄວ້າປະກອບຄຳເຫັນໃສ່ເນື້ອໃນບົດລາຍງານຂອງທ່ານເຈົ້າແຂວງສະຫວັນນະເຂດ, ບົດລາຍງານຂອງຫົວໜ້າພະແນກການທີ່ກ່ຽວຂ້ອງໄດ້ຂຶ້ນລາຍງານມີ 8 ພາກສ່ວນ, ບັນດາທ່ານ ສສຊ ແລະ ສສຂ ປະກອບຄຳຄິດເຫັນ ແລະ ຊັກຖາມກັບທີ່ລວມທັງໝົດ 105 ເທື່ອຄົນ, ຍິງ 16 ເທື່ອຄົນ. ຕໍ່ກັບການລາຍງານ ແລະ ຕອບຄຳຊັກຖາມຂອງພະແນກການທີ່ກ່ຽວຂ້ອງສ່ວນຫຼາຍເຫັນວ່າ ມີເນື້ອໃນຮັດກຸມຄົບຖ້ວນ, ມີບັນຍາກາດດີ ພາກສ່ວນທີ່ຖືກຊັກຖາມກໍ່ໄດ້ເອົາໃຈໃສ່ຊີ້ແຈງດ້ວຍເນື້ອໃນທີ່ມີຂໍ້ມູນອ້າງອີງ, ສ່ອງແສງເຖິງສະພາບຄວາມເປັນຈິງຂອງແຕ່ລະຂົງເຂດ ແລະ ສາມາດຕອບຂໍ້ຂ້ອງໃຈໃຫ້ແກ່ ສສຊ ແລະ ສສຂ ລະດັບດີສົມຄວນ. ຈາກນັ້ນບັນດາທ່ານສະມາຊິກສະພາປະຊາຊົນແຂວງ ໄດ້ພິຈາລະນາ ແລະ ຮັບຮອງເອົາການຍົກຍ້າຍ ບຸກຄະລາກອນຂອງອົງການໄອຍະການປະຊາຊົນແຂວງ, ສານປະຊາຊົນແຂວງ ຕາມການສະເໜີຂອງແຂວງເຊິ່ງໄດ້ພິຈາລະນາ ແລະ ຮັບຮອງການຍົກຍ້າຍ, ການແຕ່ງຕັ້ງຫົວໜ້າພະແນກຂອງແຂວງຈຳນວນໜຶ່ງ. ນອກຈາກນີ້ກໍ່ຍັງມີບາງຂໍ້ຄົງຄ້າງ ໃນການສະໜອງຂໍ້ມູນຂອງອົງການປົກຄອງແຂວງ ບາງເນື້ອໃນເປັນຕົ້ນບົດລາຍງານຂອງທ່ານເຈົ້າແຂວງ, ບົດລາຍງານຫົວໜ້າພະແນກແຜນການ ແລະ ການລົງທືນແຂວງ, ບົດລາຍງານຫົວໜ້າພະແນກການເງິນແຂວງ ແລະ ບົດສະເໜີບຸກຄະລາກອນຂອງອົງການປົກຄອງແຂວງທີ່ເຫັນວ່າຊັກຊ້າ.
ໂອກາດເຂົ້າຮ່ວມກອງປະຊຸມທ່ານ ສັນຕິພາບ ພົມວິຫານ ກໍ່ໄດ້ປະກອບຄຳເຫັນໃນກອງປະຊຸມຄັ້ງນີ້ວ່າ: ການກະກຽມດ້ານເອກະສານທີ່ເຫັນວ່າຍັງຊັກຊ້າ, ການສະໜອງຂໍ້ມູນຍັງບໍ່ເປັນລະບົບ, ການຕີລາຄາດ້ານຕ່າງໆຍັງບໍຊັດເຈນຄົບຖ້ວນ ສະນັ້ນຈຶ່ງຮຽງຮ້ອງໃຫ້ພະແນກການ ທີ່ກ່ຽວຂ້ອງເອົາໃຈໃສ່ຕື່ມໃນການແກ້ໄຂບັນດັ່ງກ່າວເພື່ອເຮັດໃຫ້ຂໍ້ມູນທີ່ສັງລວມມາພ້ອມທີ່ຈະຮັບໃຊ້ໃຫ້ແກ່ ກອງປະຊຸມໃຫຍ່ສາມຂັ້ນ ແລະ ຮັບໃຊ້ໃນແຜນພັດທະນາເສດຖະກິດສັງຄົມ 5 ປີ ຄັ້ງທີ 9