ຄວາມເປັນມາຂອງຜູ້ກໍ່ຕັ້ງ WhatsApp

0
209

Jan Koum ເປັນເດັກຊາຍໝຸ່ມທີ່ຍ້າຍຖີ່ນຖານຈາກບ້ານເກີດເມືອງນອນ ທີ່ໜີຈາກຄວາມບໍ່ສະ ຫງົບທາງການເມືອງໃນປະເທດຢູເຄຣນ ເພື່ອໄປສະແຫວງຫາໂອກາດທີ່ດີໃນສະຫະລັດ ແລະ ຫາລ້ຽງຕົນເອງໂດຍການເປັນຄົນອະນາໄມຕາມຮ້ານຕ່າງໆ ແລະ ເປັນພະນັກງານແລກຄູປອງອາຫານ ໃນຂະນະນັ້ນ Jan Koum ຍັງຮຽນບໍ່ຈົບມະຫາວິທະຍາໄລອີກດ້ວຍ.

ຕົ້ນທຶນຊີວິດຕໍ່າເຕັມໄປດ້ວຍອຸປະສັກ ແລະ ຂໍ້ຫຍຸ້ງຍາກບໍ່ມີໃຜຈະຄິດວ່າ Jan Koum ຈະກາຍ ເປັນນັກທຸລະກິດໜຸ່ມທີ່ດີເດັ່ນ? ໂດຍການເປັນເຈົ້າຂອງແອັບພລິເຄຊັນທີ່ມີຊື່ສຽງ ໂດຍທີ່ຮູ້ກັນໃນນາມວ່າ WhatsApp ເຊີ່ງໄດ້ຖືກຊື້ມາໂດຍ Facebook ໃນປີ 2014 ໂດຍມີຂໍ້ສະເໜີທີ່ມີມູນຄ່າຫຼາຍກວ່າ 19 ພັນລ້ານໂດລາສະຫະລັດ ເຮັດໃຫ້ລາວກາຍເປັນເສດຖີໃນທັນທີ ເຊີ່ງໃນປີ 2019 ລາວມີຊັບສິນ 9,7 ພັນລ້ານໂດລາສະຫະລັດ.

ຊີວິດໃນໄວເດັກຂອງ Jan Koum

Jan Koum ເກີດໃນວັນທີ 24 ເດືອນກຸມພາ ປີ 1976 ໃນປະເທດຢູເຄຣນ ເມືອງຫຼວງຂອງ Kiev ແລະ ຕໍ່ມາໄດ້ອາໄສຢູ່ເມືອງ Fastiv ເຊິ່ງຕັ້ງຢູ່ໃກ້ກັບເມືອງຫຼວງ ລາວເປັນລູກຊາຍຄົນດຽວຂອງຄອບຄົວ ແລະ ໄດ້ສືບທອດເຊື້ອສາຍຊາວຢິວໂດຍກົງຈາກພໍ່ ແລະ ແມ່ ອາຊີບພໍ່ເປັນຜູ້ບໍລິຫານໂຄງການກໍ່ສ້າງ ແລະ ແມ່ອາຊີບເປັນແມ່ບ້ານ.

ຊີວິດໃນໄວເດັກຂອງ Jan Koum ຖືວ່າຢູ່ໄກຈາກຄວາມສະດວກສະບາຍ ເນື່ອງຈາກວ່າລາວເຕີບໃຫຍ່ຢູ່ໃນເຮືອນທີ່ບໍ່ມີນໍ້າຮ້ອນໃຊ້ Jan Koum ລາວໄດ້ເລົ່າເຖີງຄວາມຫຍຸ້ງຍາກໃນຊ່ວງເວລານັ້ນ ແລະ ສະພາບອາກາດຢູ່ປະເທດອູແກຣນ ໃນລະດູໜາວແມ່ນອຸນຫະພູມເຢັນຫຼາຍ ເຊິ່ງອຸ່ນນະພູມຕໍ່າກວ່າ -20 ອົງສາ.

ນອກຈາກນີ້ຄອບຄົວຂອງລາວຍັງໄດ້ຮັບຜົນກະທົບຈາກຄວາມວຸ້ນວາຍທາງການເມືອງ ໃນປະເທດຢູເຄລນໃນເວລານັ້ນຖືກປົກຄອງໂດຍສະຫະພາບໂຊວຽດ ແລະ ຍັງມີການຕ້ານຊາວຢິວຢ່າງຮຸນແຮງ ແລະ ເກືອບວ່າບໍ່ມີຄວາມເປັນສ່ວນຕົວໃນການສື່ສານກັບຄົນພາຍນອກເລີຍ ເນື່ອງຈາກວ່າມັກຖືກດັກຟັງໂທລະສັບຈາກລັດຖະບານທີ່ເຄັ່ງຄັດຂອງກຸ່ມຊາວຢິວ.

ດັ່ງນັ້ນຄອບຄົວຂອງ Jan Koum ມີແຜນຈະຍ້າຍຖີ່ນຖານໄປຢູ່ສະຫະລັດອາເມລິກາ ໂດຍແມ່ ແລະ ແມ່ເຖົ້າໄດ້ເດີນທາງມາກ່ອນ ໃນປີ 1992 ຕອນລາວອາຍຸພຽງແຕ່ 16 ປີ ໃນຂະນະທີ່ພໍ່ຂອງລາວຕັ້ງໃຈຕິດຕາມແຕ່ໂຊກບໍ່ດີເຈັບປ່ວຍເສຍກ່ອນ ແລະ ຕໍ່ມາປີ 1997 ພໍ່ຂອງລາວໄດ້ເສຍຊີວິດຢູ່ປະເທດຢູເຄຣນ ກ່ອນທີ່ຈະເດີນທາງໄປຕິດຕາມຄອບຄົວໄປສະຫະລັດອາເມລິກາຕາມຈຸດປະສົງ.

ຊີວິດໄວລຸ້ນຂອງ Jan Koum ແມ່ນສິ່ງທ້າທາຍອັນໃຫຍ່ຫຼວງໃນຕ່າງແດນ.

ຫຼັງຈາກ Jan Koum ອາຍຸ 16 ປີ ໄດ້ເດີນທາງໄປສະຫະລັດອາເມລິກາ ລາວປະເຊີນກັບສິ່ງທ້າ ທາຍຫຼາຍໃນປະເທດທີ່ບໍ່ຄຸ້ນເຄີຍ ເຊີ່ງລາວໄປອາໄສຢູ່ Mountain View ໃນລັດ California ໃນອາພາດເມັ້ນສອງຫ້ອງນອນຂະໜາດນ້ອຍທີ່ລັດຖະບານມອບໃຫ້ ແລະ ຍ້ອນຄວາມທຸກຍາກຂອງຄອບຄົວກ່ອນທີ່ຈະອົບພະຍົບເຂົ້າໄປໃນອາເມລິກາ ແມ່ຂອງ Jan Koum ໄດ້ເອົາປື້ມບັນທຶກຈຳນວນ 20 ຫົວ ແລະ ກະເປົາຈຳນວນໜຶ່ງໃສ່ໃນກະເປົາເດີນທາງ ເພາະຄິດວ່າບໍ່ຈໍາເປັນຕ້ອງເສຍເງິນຫຼາຍສໍາລັບຄ່າອຸປະກອນການຮຽນ.

ຕໍ່ມາແມ່ເລີ່ມເຮັດວຽກເປັນແມ່ບ້ານໃນຂະນະທີ່ Jan Koum ກໍ່ໄປເຮັດວຽກເຊັ່ນດຽວກັນ ດ້ວຍຄວາມທີ່ເປັນເດັກນ້ອຍການເຮັດຄວາມສະອາດຮ້ານຂາຍເຄື່ອງເພື່ອຫາເງິນແມ່ນອີກວິທີໜຶ່ງທີ່ຈະເບີ່ງແຍງຄອບຄົວໄດ້.

ຫຼັງຈາກນັ້ນຊະຕາກຳກໍ່ຫຼີ້ນຕະຫຼົກກັບ Jan Koum ເມື່ອແມ່ຂອງລາວຖືກກວດພົບວ່າເປັນໂຣກມະເລັງໄລຍະສຸດທ້າຍ ເຮັດໃຫ້ແມ່ຂອງລາວອອກຈາກວຽກເພື່ອໄປຮັບການປິ່ນປົວຢູ່ເຮືອນ ໂດຍການດໍາລົງຊີວິດໄດ້ຮັບເງິນອຸດໜູນຄ່າທົດແທນຄວາມພິການ ແລະ ເສຍຊີວິດ ໃນປີ 2000.

Jan Koum ໃນໄລຍະເວລາທີ່ຮຽນ ແລະ ເຮັດວຽກ

ຫຼັງຈາກ Jan Koum ໄດ້ອົບພະຍົບມາໄດ້ໄລຍະໜຶ່ງ ລາວຕ້ອງຝຶກພາສາອັງກິດຢ່າງໜັກ ເພື່ອຈະສາມາດຢູ່ລອດໃນດິນແດນອາເມລິກາ ລາວໄດ້ເລີ່ມຮຽນມັດທະຍົມຕອນປາຍທີ່ໂຮງຮຽນ Mountain View ແລະ ໄດ້ຈົບການສຶກສາໃນປີ 1995 Jan Koum ອາຍຸ 18 ປີ ລາວໄດ້ເອົາໃຈໃສ່ເປັນພິເສດຕໍ່ການຂຽນໂປແກມ ເຊິ່ງລາວໄດ້ຮຽນຮູ້ດ້ວຍຕົນເອງໂດຍຜ່ານການຊື້ປື້ມຈາກຮ້ານຂາຍປື້ມມືສອງ ແລະ ຂາຍຄືນໃນເວລາທີ່ອ່ານຈົບ (ເພາະວ່າລາວຕ້ອງປະຫຍັດເງີນໃຫ້ຫຼາຍເທົ່າທີ່ເປັນໄປໄດ້).

ຕໍ່ມາໃນປີ 1996 Jan Koum ໄດ້ສະໝັກເຂົ້າຮຽນຢູ່ມະຫາວິທະຍາໄລ San Jose State University ໃນຂະນະທີ່ກຳລັງຮຽນຢູ່ມະຫາວິທະຍາໄລ ລາວເຮັດວຽກໄປພ້ອມ ໂດຍການຮັບວຽກມາເຮັດຕອນກາງຄືນຈາກບໍລິສັດ Ernst & Young ໃນຕຳແໜ່ງຜູ້ທົດລອງຄວາມປອດໄພ (Security Tester) ແລະ ລາວຍັງໄດ້ເຂົ້າຮ່ວມກັບກຸ່ມ hacker ທີ່ເອີ້ນຕົວເອງວ່າ w00w00 ເຊິ່ງໄດ້ພົບກັບ Shawn Fanning ທີ່ກາຍມາເປັນໜຶ່ງໃນບັນດາຜູ້ຮ່ວມກໍ່ຕັ້ງຂອງ Napster ໂປຣແກຣມສະຕີມມິງ ແລະ ແບ່ງປັນເພງທີ່ມີຊື່ສຽງໃນໄລຍະປີ 1990 ຫາປີ 2002.

ຕໍ່ມາ Jan Koum ກໍ່ໄດ້ພົບກັບ Brian Acton (ເປັນຜູ້ໜື່ງທີ່ຮ່ວມກໍ່ຕັ້ງ WhatsApp) ໃນເວລານັ້ນເປັນພະນັກງານໃຫ້ກັບ Yahoo ຮັບຜິດຊອບວຽກງານໂຄສະນາ ເຊີ່ງລາວຊັກຊວນ Jan Koum ມາເຮັດວຽກນີ້ນຳກັນ ໂດຍ Jan Koum ກໍ່ຕັດສິນໃຈມາເຮັດວຽກຢູ່ Yahoo ໃນຕຳແໜ່ງວິສະວະກອນ (ວິສະວະກອນໂຄງລ່າງພື້ນຖານ) ໃນເວລາດຽວ Yahoo ໄດ້ຖືກໂຈມຕີໂດຍໄວລຸ້ນການາດາ ຖືກໂຈມຕີດ້ວຍວິທີການທີ່ໃຊ້ການສົ່ງຂໍ້ມູນຈຳນວນມະຫາສານໄປທີ່ເວັບໄຊທ໌ ໃນຮູບແບບ massive denial-of-service attack ເຊີ່ງເປັນວິທີການໂຈມຕີທີ່ໃຊ້ວິທີສົ່ງຂໍ້ມູນທີ່ມີປະລິມານຈຳນວນຫຼາຍເຂົ້າໄປເວັບໄຊທ໌ ເປົ້າໝາຍເພື່ອເຮັດໃຫ້ການຮັບ-ສົ່ງຂໍ້ມູນຖືກຂັດຂວາງ ແລະ ເຮັດໃຫ້ເວັບໄຊທ໌ລົ້ມເຫຼວ Jan Koum ໄດ້ຂໍຄວາມຊ່ວຍເຫຼືອຈາກເພື່ອນໃນກຸ່ມແຮກເກີ w00w00 ແລະ ສາມາດແກ້ໄຂບັນຫາຕ່າງໆ ເວັບໄຊທ໌ຂອງ Yahoo ທີ່ລົ້ມໄປໄດ້.

ແລະ ທຸກໆ ຄັ້ງທີ່ມີປັນຫາໃນ Yahoo ຫົວໜ້າຕ້ອງຕິດຕໍ່ຫາ Jan Koum ເພື່ອແກ້ໄຂບັນຫາໂດຍໄວໃນເວລານັ້ນລາວຍັງກຳລັງຮຽນຢູ່ ຈົນເຮັດໃຫ້ລາວຕ້ອງຕັດສິນໃຈອອກຈາກມະຫາວິທະຍາໄລກາງເທີມ ແລະ ໄດ້ໄປເຮັດວຽກຢູ່ Full-Time ທີ່ Yahoo ຕັ້ງແຕ່ປີ 1997 ເປັນເວລາຫຼາຍກວ່າ 9 ປີ ຈົນຮອດປີ 2007 ທັງສອງ Jan Koum ແລະ Brian Acton ໄດ້ຕັດສິນໃຈອອກຈາກ Yahoo ໃນເວລາດຽວກັນຍ້ອນວ່າພວກເຂົາເບື່ອໜ່າຍກັບວຽກງານ ໂດຍສະເພາະໃນພະແນກໂຄສະນາ ເພາະພວກເຂົາຮູ້ສຶກວ່າມັນລົບກວນຜູ້ໃຊ້ຫຼາຍເກີນໄປ ແລະ ຫຼັງຈາກນັ້ນທັງສອງໄດ້ໃຊ້ເວລາໃນການເດີນທາງໄປທົ່ວອາເມລິກາໃຕ້ເປັນເວລາກ່ວາໜື່ງປີເຕັມ ເພື່ອເພີ່ມພະລັງໃຫ້ແກ່ຕົນເອງ ແລະ ເມື່ອກັບມາສະຫະລັດອາເມລິກາ ພວກເຂົາກໍ່ເລີ່ມຕົ້ນສະໝັກເຮັດວຽກໃໝ່ ທີ່ Facebook ແຕ່ກໍ່ຖືກປະຕິເສດ.

ຈຸດປ່ຽນທຸລະກິດ ຕົ້ນກຳເນີດຂອງ Application WhatsApp

ຕໍ່ມາໃນເດືອນມັງກອນ ປີ 2009 Jan Koum ມີໂອກາດໄດ້ຊື້ iPhone ແລະ ເຂົ້າໄປທີ່ App Store ທັນທີທີ່ລາວໄດ້ເຂົ້າໄປ ລາວຮູ້ສຶກກ່ຽວກັບທ່າແຮງຂອງຕະຫຼາດແອັບພິເຄຊັນທີ່ໃຊ້ກັບ iPhone ທີ່ກຳລັງຈະກາຍເປັນອຸດສາຫະກຳໃໝ່ ແລະ ກຳລັງເຕີບໃຫຍ່ ແລະ ກາຍເປັນອຸດສາຫະກຳທີ່ສຳຄັນທີ່ສາມາດສ້າງລາຍໄດ້ຢ່າງມະຫາສານ.

Jan Koum ທີ່ເຫັນໂອກາດທາງທຸລະກິດນັ້ນ ຈຶ່ງມີຄວາມຄິດທີ່ວ່າຈະຕ້ອງສ້າງແອັບບາງສິ່ງບາງຢ່າງຂື້ນມາໃຫ້ໄດ້ ໂດຍລາວໄດ້ໄປພົບກັບເພື່ອນຊາວລັດເຊຍ Alex Fishman ປະມານສອງຊົ່ວໂມງ ແລະ Jan Koum ໄດ້ມີຄວາມຄິດຢູ່ໃນ iPhone ມີລາຍຊື່ຜູ້ຕິດຕໍ່ ແລະ ເບີໂທລະສັບຂອງເພື່ອນ ແລະ ຄົນຮູ້ຈັກ ເຊິ່ງເຮັດໃຫ້ລາວຄິດວ່າຖ້າສາມາດສ້າງແອັບທີ່ສາມາດໂພດສະຖານະ ຂອງຕົນເອງ ແລະ ໝູ່ເພື່ອນ ຫຼື ຄົນອື່ນໆ.

ເຊິ່ງ Jan Koum ສາມາດຂຽນລະຫັດໃນສ່ວນ Back-end ຫຼື ທາງຫຼັງບ້ານໄດ້ ແຕ່ຍັງຂາດລະບົບໜ້າທຳອິດ Alex Fishman ຈີ່ງໄດ້ແນະນຳໃຫ້ນັກພັດທະນາແອັບທີ່ຊື່ Igor Solomennikov ເຊິ່ງກາຍເປັນວິສະວະກອນ iOS ຄົນທຳອິດຂອງ WhatsApp ຊື່ WhatsApp ແມ່ນມາຈາກການອອກສຽງຄ້າຍຄືກັບ what’s up ໃນພາສາອັງກິດ ທີ່ຊາວອາເມລິກາໃຊ້ເພື່ອທັກທາຍເຊິ່ງກັນ ແລະ ກັນ ໂດຍການລົງທະບຽນບໍລິສັດໃນຊື່ WhatsApp Inc ໂດຍ Jan Koum ໄດ້ເລືອກລົງທະບຽນບໍລິສັດ ໃນວັນທີ 24 ເດືອນກຸມພາປີ 2009 ເຊິ່ງກົງກັບວັນເກີດຂອງ Jan Koum ເມື່ອອາຍຸ 33 ປີ ພໍດີ.

ອຸປະສັກໄລຍະທຳອິດໃນ WhatsApp ແລະ ການຕິດຂັດຈົນເກືອບໄດ້ປິດ.

ໃນເດືອນພຶດສະພາ ປີ 2009 ໂປແກຼມ WhatsApp 1.0 ໄດ້ຖືກປ່ອຍອອກມາ ແຕ່ວ່າມັນຍັງບໍ່ໄດ້ຜົນດີ ເພາະວ່າຫຼັງຈາກຕິດຕັ້ງຢູ່ໃນໂທລະສັບແລ້ວ ເກີດມີແນວໂນ້ມທີ່ຈະຜິດພາດ ແລະ ມັກຈະລົ້ມເຫຼວຢູ່ເລື້ອຍໆ ກ່ອນຈະພັດທະນາໄດ້ສົມບູນແບບກໍ່ໃຊ້ເວລາຢູ່ໃນໄລຍະໜື່ງ ຊື່ງ Jan Koum ຍອມຮັບວ່າເກືອບຈະຍອມແພ້ກັບໂຄງການນີ້ ແລະ ລາວໄດ້ແກ້ໄຂຄວາມກົດດັນຂອງລາວ ໂດຍການແຂ່ງຂັນເກມ frisbee ຄື Ultimate Frisbee ເຊີ່ງຄູ່ຮ່ວມງານຂອງລາວ Brian ກ່າວວ່າ: “ມັນເປັນຄວາມຄິດທີ່ໂງ່ຈ້າທີ່ຈະຢຸດຕອນນີ້ທົດລອງພະຍາຍາມໃຊ້ເວລາອີກໜ້ອຍໜຶ່ງກັບມັນ ແລ້ວຄ່ອຍຕັດສິນໃຈອີກເທື່ອໜື່ງມັນຍັງບໍ່ສາຍ” ເຊີ່ງກໍ່ເຮັດໃຫ້ Jan Koum ກັບມາສູ້ອີກຄັ້ງ ແລະ ຫຼັງຈາກນັ້ນໂອກາດທີ່ລາວກຳລັງລໍຄອຍກໍ່ມາເຖີງ.

ຕໍ່ມາໃນເດືອນມິຖຸນາ ປີ 2009 ໃນເວລາທີ່ Apple ນຳສະເໜີການໃຊ້ແບບແຈ້ງເຕືອນຊຸກຍູ້ ໂດຍອະນຸຍາດໃຫ້ຜູ້ພັດທະນາແອັບ app ສາມາດສົ່ງຂໍ້ຄວາມຫາຜູ້ໃຊ້ໄດ້ເຖີງແມ່ນວ່າໃນເວລານັ້ນຜູ້ໃຊ້ບໍ່ໄດ້ເປີດໂປຣແກຼມ Jan Koum ກໍ່ໄດ້ນຳໃຊ້ຄຸນລັກສະນະນີ້ເຂົ້າໃນ WhatsApp ເມື່ອເພື່ອນອັບເດດສະຖານະພາບກໍ່ໃຫ້ແຈ້ງເຕືອນໄປຫາເພື່ອນໆ ທີ່ຢູ່ພາຍໃນລາຍຊື່ສະໝຸດໃນໂທລະສັບດ້ວຍ ແຕ່ຄືກັບວ່າພວກເຂົາຈະພົບທາງໃໝ່ໂດຍບໍ່ໄດ້ຕັ້ງໃຈ ເມື່ອເພື່ອນຊາວລັດເຊຍ Alex Fishman ພະຍາຍາມທົດສອບແອັບ ດ້ວຍການປັບປຸງສະຖານະພາບໂດຍເວົ້າວ່າ Hey! What’s up ແຕ່ທັນໃດນັ້ນກໍ່ມີໝູ່ ຂອງລາວຕອບວ່າ I’m fine ຊື່ງ Fishman ບອກກັບ Koum ວ່າມັນຄ້າຍຄືກັບແອັບ chat ສົນທະນາເລີຍ.

ໃນໄລຍະຜ່ານມາຄົນຮັບຮູ້ພຽງແຕ່ວ່າ WhatsApp ແມ່ນ app ທີ່ປັບປຸງສະຖານະໃນສະໝຸດໂທລະສັບ ແລະ ພວກເຂົາກຳລັງສ້າງແອັບ Instant messenger ຫຼື ແອັບເອົາໄວ້ສົ່ງຂໍ້ຄວາມຕ່າງຫາກ ຊື່ງ WhatsApp ສາມາດສົ່ງການອັບເດດໃຫ້ກັບຜູ້ໃຊ້ໃນເຄືອຂ່າຍດຽວກັນ ແລະ ສຸດທ້າຍມັນສາມາດໃຊ້ເພື່ອສົ່ງຂໍ້ຄວາມຫາກັນໄດ້ທັນທີ ເຊິ່ງ Jan Koum ໄດ້ກ່າວວ່າ “ຄວາມສາມາດໃນການເຂົ້າຫາຜູ້ຄົນເຄິ່ງໜຶ່ງຂອງໂລກໂດຍທັນທີໂດຍຜ່ານອຸປະກອນທີ່ຢູ່ກັບພວກເຂົາຢູ່ສະເໝີແມ່ນມີພະລັງຫຼາຍ.

ໃນຂະນະດຽວກັນການໃຫ້ບໍລິການສົ່ງຂໍ້ຄວາມຟຣີອື່ນໆ ມີພຽງແຕ່ BlackBerry BBMs ທີ່ເຮັດວຽກໃນອຸປະກອນ BlackBerry ເທົ່ານັ້ນ ລວມທັງ G-Talk ແລະ Skype ຂອງ Google ແຕ່ WhatsApp ແມ່ນແຕກຕ່າງກັນ ເພາະວ່າໃນລະບົບສາມາດໃຊ້ພຽງແຕ່ເບີໂທລະສັບທີ່ທ່ານສາມາດໃຊ້ໄດ້ ເຊິ່ງບໍ່ເກັບຂໍ້ມູນສ່ວນຕົວ ຜົນໄດ້ຮັບໃນການປ່ອຍຄຸນລັກສະນະ WhatsApp ໃນເວີຊັນ 2.0 ອອກໄປກໍ່ມີຄົນເຂົ້າມາດາວໂຫຼດ 250,000 ຄົນ ເພາະວ່າຄຸນລັກສະນະນີ້ສາມາດຕອບ ແລະ ແກ້ໄຂບັນຫາ ສຳລັບຄົນທີ່ຕ້ອງການສົ່ງຂໍ້ຄວາມຫາກັນທົ່ວໂລກ ຜູ້ທີ່ບໍ່ຕ້ອງການຈ່າຍຄ່າບໍລິການເຊັ່ນ: SMS ພຽງແຕ່ໂທລະສັບມືຖືທີ່ສາມາດເຊື່ອມຕໍ່ອິນເຕີເນັດສາມາດສົ່ງຂໍ້ຄວາມບໍ່ຈຳກັດ ແລະ ສົ່ງທົ່ວໂລກໂດຍບໍ່ເສຍຄ່າໃຊ້ຈ່າຍໃດໆ.

ຕໍ່ມາ Jan Koum ຮູ້ສຶກຕື່ນເຕັ້ນຫຼາຍກ່ຽວກັບສິ່ງທີ່ເກີດຂື້ນ ໃນເດືອນຕຸລາປີ 2009 ລາວຈີ່ງໄດ້ເຊີນ Brian Acton ເຂົ້າຮ່ວມວົງ ໃນເວລານັ້ນ Brian ຍັງຫວ່າງງານຢູ່ ແຕ່ Bian ເປັນອະດີດເພື່ອນຮ່ວມງານທີ່ເຄີຍເຮັດວຽກນຳກັນສະໄໝທີ່ຢູ່ Yahoo ຈຳນວນ 5 ຄົນ ມາຮ່ວມເງີນກັນມູນຄ່າຫລາຍກວ່າ 250,000 ໂດລາ Jan Koum ໄດ້ຍົກຍ້ອງ Bian Acton ວ່າເປັນໜຶ່ງໃນຜູ້ຮ່ວມກໍ່ຕັ້ງ WhatsApp ໂດຍທັງສອງຖືຫຸ້ນ 60% ໂດຍ Jan Koum ເປັນຜູ້ຖືຫຸ້ນໃຫຍ່ທີ່ສຸດ.

ຮູບແບບລາຍໄດ້ເພື່ອຄວາມຢູ່ລອດກ່ອນເງີນຈະໝົດ.

ຫຼັງຈາກໄດ້ຮັບເງິນ seeding ມາແລ້ວ Jan Koum ແລະ Brian Acton ກໍ່ພະຍາຍາມຂະຫຍາຍພື້ນຖານຂອງຜູ້ໃຊ້ ແລະ ຊອກຫາຮູບແບບລາຍໄດ້ສໍາລັບທຸລະກິດ ເພາະວ່າຈໍານວນກ້ອນເງີນທຳອິດທີ່ພວກເຂົາສາມາດລະດົມທຶນມາໄດ້ແມ່ນມີຈຳນວນຈຳກັດ ໃນໄລຍະເລີ່ມຕົ້ນຂອງ WhatsApp ບໍ່ມີລາຍໄດ້ຫັຍງເລີຍ ມີພຽງແຕ່ຄ່າໃຊ້ຈ່າຍເທົ່ານັ້ນ ໂດຍສະເພາະຄ່າໃຊ້ຈ່າຍໃນການກວດສອບຕົວໜັງສືທີ່ຕ້ອງໄດ້ສົ່ງໃຫ້ຜູ້ໃຊ້ໂດຍໃຊ້ເບີໂທລະສັບມືຖືຢູ່ໃນການລົງທະບຽນຄັ້ງທຳອິດ.

ເຮັດໃຫ້ໃນຊ່ວງເດືອນທັນວາ ປີ 2009 ພວກເຂົາທົດລອງປ່ຽນຈາກການດາວໂຫຼດແອັບ (apps) ໂດຍບໍ່ເສຍຄ່າ ມາທົດລອງເກັບຄ່າທຳນຽມໃນການດາວໂຫຼດ ໂດຍການຮັກສາຄ່າທໍານຽມໃນການດາວໂຫຼດແມ່ນຢູ່ທີ່ $0.99 ຕໍ່ຄົນ ການດາວໂຫຼດໂດຍສະເລ່ຍຈາກ 10,000 ຄົນ ແມ່ນຫຼຸດລົງເຫຼືອພຽງ 1,000 ຄົນຕໍ່ມື້ເທົ່ານັ້ນ ແຕ່ພວກເຂົາໄດ້ແກ້ໄຂເກມໂດຍການປ່ອຍຄຸນລັກສະນະທີ່ສາມາດສົ່ງຮູບພາບຟຣີໄປໃຫ້ ດັ່ງນັ້ນຈຶ່ງເຮັດໃຫ້ຜູ້ຊົມໃຊ້ເພີ່ມຂື້ນເທື່ອລະກ້າວ ເຖິງແມ່ນວ່າເງິນຈະຖືກເກັບເງີນກໍ່ຕາມ ເຊິ່ງເຮັດໃຫ້ WhatsApp ມີລາຍໄດ້ພຽງພໍ ແລະ ສາມາດຄວບຄຸມຄ່າໃຊ້ຈ່າຍໃນແຕ່ລະເດືອນ.

ການນຳໃຊ້ WhatsApp ເຮັດໃຫ້ຊີວິດຂອງ Jan Koum ກາຍເປັນເສດຖີມະຫາເສດຖີທັນທີ.

ພື້ນຖານຂອງຜູ້ໃຊ້ WhatsApp ສືບຕໍ່ເພີ່ມຂື້ນຕໍ່ເນື່ອງໃນໄລຍະຫຼາຍເດືອນຕໍ່ມາ ແລະ ໃນເດືອນທັນວາ 2013 ມີຜູ້ໃຊ້ທີ່ໃຊ້ງານຢູ່ 450 ລ້ານຄົນ/ເດືອນ ໃນເວລາພຽງສອງເດືອນ ໃນຕົ້ນເດືອນກຸມພາປີ 2014 Mark Zuckerberg CEO ໂຊຊຽວມີເດຍລາຍໃຫຍ່ ຂອງ Facebook ກໍ່ໄດ້ຕິດຕໍ່ຫາ Jan Koum ແລະ ເຊີນໄປກິນເຂົ້າແລງຢູ່ເຮືອນຂອງລາວ ຫຼັງຈາກນັ້ນພຽງແຕ່ສອງສາມມື້ຕໍ່ມາ ໃນວັນທີ 14 ເດືອນກຸມພາປີ 2014 ເຟສບຸກໄດ້ປະກາດການຊື້ WhatsApp ຢ່າງເປັນທາງການໃນມູນຄ່າ 19 ພັນລ້ານໂດລາ (ຫຼືປະມານ 6,27 ຕື້ໂດລາ) ເຊິ່ງເປັນຮູບແບບຂອງເງິນສົດ 16 ຕື້ໂດລາ ແລະ ຢູ່ໃນຮູບແບບຫຸ້ນ 3 ພັນລ້ານໂດລາ Jan Koum ໄດ້ເຊັນສັນຍາຢູ່ສຳນັກງານໃຫຍ່ຂອງ WhatsApp ຢູ່ຂ້າງຕຶກອາຄານທີ່ຖືກປະຖິ້ມເຊິ່ງເຄີຍເປັນຫ້ອງການເທດສະບານ ລາວເຄີຍຢືນຢູ່ແຖວເພື່ອແລກປ່ຽນສະ ແຕມສຳລັບອາຫານເພື່ອຄໍ້າຊູຊີວິດໃນເວລາທີ່ລາວອົບພະຍົບຈາກຢູເຄຣນໃໝ່ໆ. ຕໍ່ມາໃນເດືອນຕຸລາ ປີ 2014 ລາວໄດ້ບໍລິຈາກຮຸ້ນເຟສບຸກ ທີ່ລາວຖືຢູ່ເປັນມູນຄ່າຫຼາຍກ່ວາ 555 ລ້ານໂດລາ ໃຫ້ກັບມູນນິທິຊິລິໂຄນຊຸມຊົນ ແຕ່ວ່ານັ້ນພຽງພໍທີ່ຈະເຮັດໃຫ້ລາວເປັນເສດຖີໄດ້ ອັນດັບ 62 ຂອງສະຫະລັດ ດ້ວຍຊັບສິນທີ່ມີມູນຄ່າຫຼາຍກວ່າ 7,5 ຕື້ໂດລາສະຫະລັດໃນປີ 2014 ນີ້ ຫຼັງຈາກການເຮັດຊື້ຂາຍສິ້ນສຸດລົງ Jan Koum ສືບຕໍ່ເຮັດວຽກຢູ່ WhatsApp ຈົນຮອດເດືອນເມສາ 2018 ແລະ ປະກາດລາອອກຈາກຄະນະ Facebook ແລະ ໃນປີ 2019 Forbs ລະບຸວ່າ Jan Koum ມີຊັບສິນ 10 ພັນລ້ານໂດລາສະຫະລັດ ເຊິ່ງເປັນມະຫາເສດຖີ 143 ຂອງໂລກ.