ປະຈໍາວັນທີ 10 ພຶດສະພາ ປີ 2020

ທ່ານ ຮສ ດຣ. ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ຜູ້ປະຈໍາການ ຄະນະສະເພາະກິດ ລາຍງານວ່າ:

  • ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 09 ພຶດສະພາ 2020
  • ວຽກງານຈຸດຜ່ານດ່ານ
  • ຈໍານວນຜູ້ເດີນທາງເຂົ້າມາ ມີທັງໝົດ 2,341 ຄົນ
  • ຈຸດຜ່ານດ່ານລາວ-ໄທ ທັງໝົດ 1,367 ຄົນ, ໃນນັ້ນ ມີແຮງງານລາວກັບມາຈາກປະເທດໄທ ຜ່ານດ່ານຊ່ອງເມັກ ແຂວງຈຳປາສັກ 07 ຄົນ, ຜ່ານດ່ານຂົວມິິດຕະພາບ I ຈຳນວນ 291 ຄົນ, ເຫຼືອນັ້ນ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຈີນ ທັງໝົດ 14 ຄົນ,​ ທັງໝົດ ແມ່ນຜູ້ຂັບລົດຂົນສົ່ງສິນຄ້າ
  • ຈຸດຜ່ານດ່ານລາວ-ຫວຽດ ທັງໝົດ 883 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 77 ຄົນ (ແມ່ນກຳມະກອນສ້າງທາງລົດໄຟ ລາວ-ຈີນ)
  • ໃນທຸກດ່ານ ແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້
  • ສຳລັບແຮງງານລາວ ຈຳນວນ 07 ຄົນ ທີ່ເຂົ້າມາໃໝ່ ຜ່ານດ່ານຊ່ອງເມັກ ແຂວງຈຳປາສັກນັ້ນ ທັງໝົດແມ່ນມີຖິ່ນຖານມາຈາກແຂວງຈຳປາສັກ
  • ສຳລັບແຮງງານລາວ ຈຳນວນ 291 ຄົນ ທີ່ເຂົ້າມາໃໝ່ ຜ່ານດ່ານຂົວມິິດຕະພາບ I, ເຊິ່ງມີຖິ່ນຖານມາຈາກ:
  • ຫຼວງພະບາງ 95 ຄົນ
  • ອຸດົມໄຊ 61 ຄົນ
  • ນະຄອນຫຼວງວຽງຈັນ 26 ຄົນ
  • ສະຫວັນນະເຂດ 29 ຄົນ
  • ວຽງຈັນ 23 ຄົນ
  • ໄຊຍະບູລີ 17 ຄົນ
  • ຄຳມ່ວນ 14 ຄົນ
  • ຫົວພັນ 05 ຄົນ
  • ຈຳປາສັກ 07 ຄົນ
  • ອັດຕະປຶ 08 ຄົນ
  • ສາລະວັນ 03 ຄົນ
  • ບໍລິຄຳໄຊ 01 ຄົນ
  • ຊຽງຂວາງ 01 ຄົນ
  • ໄຊສົມບູນ 01 ຄົນ
  • ແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງ ຈົນກ່ວາຈະຄົບກຳນົດ 14 ວັນ.
  • ການເຝົ້າລະວັງ ແລະ ວິເຄາະ
  • ໃນວັນທີ 09 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 279 ຄົນ, ໃນນັ້ນ ມີກໍລະນີສົງໄສ 27 ຄົນ, ແຮງງານລາວທີ່ກັບມາຈາກປະເທດໄທ 161 ຄົນ ແລະ ແຮງງານຈີນທີ່ເຂົ້າມາລາວ 91 ຄົນ
  • ກໍລະນີສົງໃສ 27 ຄົນແມ່ນ: ນະຄອນຫຼວງວຽງຈັນ 12 ຄົນ, ຫຼວງນ້ຳທາ  06 ຄົນ,ສະຫວັນນະເຂດ 04ຄົນ, ອຸດົມໄຊ 04 ຄົນ , ບໍ່ແກ້ວ 1
  • ແຮງງານລາວທີ່ກັບມາຈາກປະເທດໄທ 161 ຄົນ ລາຍລະອຽດດັ່ງລຸ່ມນີ້:
  • ຫຼວງພະບາງ 38 ຄົນ
  • ອຸດົມໄຊ 31 ຄົນ
  • ຈຳປາສັກ 25 ຄົນ
  • ສະຫວັນນະເຂດ 25 ຄົນ
  • ສາລະວັນ 13 ຄົນ
  • ຄຳມ່ວນ 08 ຄົນ
  • ບໍລິຄຳໄຊ 08 ຄົນ
  • ບໍ່ແກ້ວ 05 ຄົນ
  • ຊຽງຂວາງ 02 ຄົນ
  • ນະຄອນຫຼວງວຽງຈັນ 02 ຄົນ
  • ໄຊຍະບູລີ 02 ຄົນ
  • ວຽງຈັນ 01 ຄົນ
  • ໄຊສົມບູນ 01 ຄົນ
  • ຜົນກວດທັງໝົດຂອງແຮງງານ ຈີນ ແລະ ລາວ ທີ່ເຂົ້າມາ ແລະ ກໍລະນີສົງໄສຂອງມື້ວານນີ້ ບໍ່ພົບເຊື້ອ.
  • ໝາຍຄວາມວ່າໃນວັນທີ 09 ພຶດສະພາ 2020 ບໍ່ມີຜູ້ຕິດເຊື້ອໃໝ່.
  • ນັບແຕ່ເດືອນມັງກອນ ຮອດ ວັນທີ 09 ພຶດສະພາ2020 ໄດ້ເກັບຕົວຢ່າງມາກວດທັງ

ໝົດ ມີ 3,187 ຕົວຢ່າງ, ກວດພົບເຊື້ອສະສົມ 19 ຄົນ (28 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

  • ການຕິດຕາມຜູ້ເດີນທາງມາຈາກຕ່າງປະເທດໂດຍສະເພາະແຮງງານລາວ ຢູ່ສະຖານທີ່ຈຳກັດບໍລິເວນຕ່າງໆຂອງແຂວງ
  • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ 60  ສູນ, ມີຜູ້ຈຳກັດບໍລິເວນຢູ່ສູນ 1,237 ຄົນ, ໄດ້ເກັບຕົວຢ່າງມາກວດວິເຄາະ ທັງໝົດນີ້ບໍ່ມີຜູ້ຕິດເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ປະຈຸບັນນີ້ ມີຜູ້ນອນຕິດຕາມຢູ່ໂຮງໝໍມິດຕະພາບ 6 ຄົນ ລວມທັງນ້ຳເບີ 14 ທີ່ເອົາກັບຄືນມານອນຕິດຕາມອາການຢູ່ໂຮງໝໍ, ທັງໝົດເຫັນວ່າມີອາການເບົາບາງ ແລະ ສືບຕໍ່ຕິດຕາມອາການ ແລະ ກວດວິເຄາະຊອກຫາເຊື້ອອີກໃນໜື່ງອາທິດຕໍ່ໜ້າ.
  • ການຕິດຕາມສະພາບການລະບາດຂອງປະເທດໃກ້ຄຽງ ແລະ ການລະບາດຢູ່ໃນໂລກ ເຫັນວ່າ:
  • ມາຮອດເວລາ 6:00 ໂມງເຊົ້າ ຂອງວັນທີ 10 ພຶດສະພາ 2020, ທົ່ວໂລກມີການລາຍງານການລະບາດ ທັງໝົດ 212 (ປະເທດ/ເຂດ)

–  ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 4,097,429 (88,138 ໃໝ່)

–  ເສຍຊິວິດ 280,162 (4,186 ໃໝ່) ກວມເອົາ 6,83 % ຂອງຜູ້ຕິດເຊື້ອທັງໝົດ;

–  ປີ່ນປົວຫາຍດີ 1,431,967 (54,844 ໃໝ່)  ກວມເອົາ 34.9 % ຂອງຜູ້ຕິດເຊື້ອທັງ

   ໝົດ;

–  ບັນຫາສຳຄັນ ແມ່ນມີບາງປະເທດ ຈຳນວນຜູ້ຕິດເຊື້ອມື້ດຽວ ມີເຖິງ 24,923 ຄົນ ແລະ      

   ເສຍຊີວິດ 1,407 ຄົນຕໍ່ມື້;

– ອັດຕາຄວາມຮ້າຍແຮງຂອງມື້ນີ້ແມ່ນ 6.83 % (ມື້ວານນີ້ 6.88 %).

  • ສະເພາະກຸ່ມປະເທດອາຊຽນກໍ່ເຫັນວ່າ ຍັງມີບາງປະເທດທີ່ມີອັດຕາການຕິດເຊື້ອໃໝ່ປະ

ຈຳວັນທີ 09 ພຶດສະພາ 2020 ສູງເຖິງ 753 ຄົນ, ໃນມື້ດຽວນີ້ຢູ່ກຸ່ມປະເທດອາຊຽນມີຜູ້ເສຍຊີວິດ 26 ຄົນ.

  •  ຂໍ້ມູນສຳຄັນໃນມື້ນີ້ແມ່ນການລາຍງານປະຈຳວັນຂອງລະບົບເຝົ້າລະວັງພະຍາດ ຈາກແຕ່ລະແຂວງທົ່ວປະເທດມາຫາສູນປະຕິບັດງານສຸກເສີນ ຂອງກະຊວງສາທາລະນະສຸກ. ຢັ້ງຢືນວ່າ ສປປ ລາວ ບໍ່ພົບຜູ້ຕິດເຊື້ອໃໝ່ 28 ມື້ແລ້ວ (ເລິ່ມແຕ່ວັນທີ 12 ເມສາ 2020 ເປັນຕົ້ນມາ). ໄດ້ເກັບຕົວຢ່າງມາກວດທັງໝົດ ມີ 3,187 ຕົວຢ່າງ, ມີຈໍານວນຜູ້ຕິດເຊື້ອສະສົມ ທັງໝົດ 19 ຄົນ ວານນີ້ໄດ້ອອກໂຮງໝໍເພິ່ມອີກ 04 ຄົນ, ຍັງ ຕິດຕາມຢູ່ໂຮງໝໍ 06 ຄົນ.
  • ບັນດາທ່ານໄດ້ຊາບແລ້ວວ່າ ການປະຕິບັດແຈ້ງການເລກທີ 524/ຫສນຍ ມາຮອດເຄິ້ງທາງແລ້ວ, ການທີ່ຈະປະກາດເພີ່ມມາດຕະການຜ່ອນຜັນອື່ນໆ ຫຼັງຈາກວັນທີ 17 ພຶດສະພານີ້ ແມ່ນຂຶ້ນກັບພຶດຕິກຳຂອງພວກເຮົາໝົດທຸກຄົນ. ເຊິ່ງຄະນະສະເພາະກິດຈະໄດ້ປະເມີນສະພາບການຄືນໃໝ່ ວ່າຄວນສືບຕໍ່ປະຕິບັດມາດຕະການຄືເກົ່ານີ້ບໍ່? ຫຼື ສາມາດຜ່ອນຜັນມາດຕະການໃດໜື່ງຕື່ມອີກ .
  • ຍັງມີຫາງສຽງສັງຄົມທີ່ບໍ່ທັນເຂົ້າໃຈໃນທາງປະຕິບັດທີ່ເປັນເອກະພາບກັນເປັນຕົ້ນແມ່ນ:
  • ກໍລະນີຄົນເຈັບລາວທີ່ມີຈຸດປະສົງຢາກໄປປີ່ນປົວຢູ່ປະເທດໄທຂໍແນະນຳໃຫ້ປະຕິບັດຕາມແຈ້ງການຂອງຜູ້ວ່າລາດຊະການແຂວງໜອງຄາຍ ທີ່ອະນຸຍາດໃຫ້ຄົນເຈັບທືີ່ມີຄວາມຈຳເປັນໄປຕາມແພດນັດ ແລະ ໄປຮັກສາແບບຕໍ່ເນື່ອງ ເຊີ່ງຈະຕ້ອງໄດ້ນັດໝາຍກັບໂຮງໝໍທີ່ຈະໄປປີ່ນປົວກ່ອນ ແລະ ບໍ່ອະນຸຍາດໃຫ້ໃຊ້ລົດສ່ວນຕົວ ລາຍລະອຽດກໍ່ຂໍໃຫ້ປະສານງານກັບເຈົ້າໜ້າທີ່ປະຈຳດ່ານ. 

ສຳລັບນັກສືກສາລາວ ຫຼື ຄົນລາວທີ່ຈະກັບເຂົ້າມາຈາກຕ່າງປະເທດໃນໄລຍະນີ້ຈະຕ້ອງໄດ້ປະຕິບັດ ຕາມຄຳແນະນຳຂອງຄະນະສະເພາະກິດກະຊວງການຕ່າງປະເທດ ແຈ້ງອອກສະບັບເລກທີ່ 1342/ຕປທ.ສພກ ລົງວັນທີ່ 7 ພຶດສະພາ 2020 ເຊັ່ນວ່າ ກ່ອນຈະເດີນທາງເຂົ້າມາລາວກໍ່ ຕ້ອງໄດ້ລົງທະບຽນຢູ່ສະຖານກົງສູນຢູ່ປະເທດທີ່ຕົນອາໃສຢູ່ນັ້ນ, ເວລາເຂົ້າມາຮອດປະເທດລາວກໍ່ຈະໄດ້ປະຕິບັດມາດຕະການຕ່າງໆເປັນຕົ້ນວ່າ: ການກວດຫາເຊື້ອພະຍາດໂຄວິດ ແລະ ການຈຳກັດບໍລິເວນ 14 ວັນ.  ສະນັ້ນ, ຈຶ່ງຮຽກຮ້ອງໃຫ້ທຸກພາກສ່ວນໃນສັງຄົມ ມີຄວາມອົດທົນ ພະຍາຍາມ ເອົາໃຈໃສ່ ຮ່ວມແຮງຮ່ວມໃຈກັນ ຈັດຕັ້ງປະຕິບັດຄຳແນະນຳ ແລະ ມາດຕະການຕ່າງໆ ໃຫ້ຖືກຕ້ອງ ແລະ ເຂັ້ມງວດ. ໂດຍສະເພາະ ການລ້າງມືດ້ວຍນໍ້າສະອາດ ແລະ ສະບູ ຫຼື ໃຊ້ເຈວລ້າງມື ຂ້າເຊື້ອດ້ວຍເຫຼົ້າ 70% ຂື້ນໄປ, ການປະຕິບັດໄລຍະຫ່າງ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ຢູ່ສະຖານທີ່ບໍລິການຕ່າງໆ.