ອາຫານສຳລັບຄົນທີ່ມີອາຍຸ 40 ປີຂຶ້ນໄປ

0
110

ເມື່ອພວກເຮົາມີອາຍຸຫຼາຍຂື້ນລະບົບຕ່າງໆ ໃນຮ່າງກາຍເລີ່ມເຮັດວຽກບໍ່ຄືກັບຕອນທີ່ພວກເຮົາຍັງໜຸ່ມ ບົດຂຽນນີ້ພວກເຮົາຂໍນຳສະເໜີອາຫານທີ່ດີ ສຳລັບຄົນທີ່ມີອາຍຸ 40 ປີຂຶ້ນໄປ ມີອາຫານໃດແດ່ໄປອ່ານພ້ອມໆ ກັນເລີຍ.

ໄວທອງແມ່ນໄວໄລຍະກາງຄົນ ແລະ ຜູ້ສູງອາຍຸ ໃນລະຫວ່າງ 40-45 ປີຂື້ນໄປ ຮ່າງກາຍຈະປ່ຽນແປງການຜະລິດຮໍໂມນ ເຊິ່ງສົ່ງຜົນກະທົບຕໍ່ຊີວິດຂອງທ່ານ ແລະ ຄູ່ສົມລົດ ຕະຫຼອດຮອດຄົນອື່ນໃນຄອບຄົວ ແລະ ສັງຄົມ ໂດຍສະເພາະແມ່ນຜູ້ຊາຍໄວທອງ.

ການປ່ຽນແປງຂອງຮ່າງກາຍຈະຄ່ອຍເປັນຄ່ອຍໄປ ເນື່ອງຈາກວ່າຮໍໂມນເພດຊາຍ ທີ່ເອີ້ນວ່າ testosterone ແມ່ນບໍ່ໄດ້ຫຼຸດລົງຢ່າງກະທັນຫັນ ໃນທາງກົງກັນຂ້າມໄວທອງ  ຫຼື ໄວໝົດເປັນປະຈຳເດືອນ ສຳລັບແມ່ຍິງແມ່ນໄລຍະເວລາທີ່ສິ້ນສຸດການມີປະຈຳເດືອນ ເພາະວ່າຮວຍໄຂ່ຢຸດເຮັດວຽກ.

ສົ່ງຜົນໃຫ້ການຜະລິດ estrogen ຫຼຸດລົງ ເຮັດໃຫ້ແມ່ຍິງບາງຄົນໃນໄວນີ້ມີອາການບໍ່ສະບາຍ ເຊິ່ງເອີ້ນວ່າ ໂລກໝົດ ປະຈຳເດືອນເຊັ່ນ: ຮ້ອນ ແລະ ເຫື່ອອອກໃນຕອນກາງຄືນ.

ການນອນບໍ່ຫຼັບ ຫຼື ການນອນຫຼັບຍາກ, ການປ່ຽນແປງອາລົມ, ງຸດງິດ, ລືມງ່າຍ, ມີອາການເຈັບເວລາມີເພດສຳພັນ ແລະ ອື່ນໆ ແມ່ນກໍ່ໃຫ້ເກີດຄວາມຄຽດ, ຄວາມກົດດັນ ແລະ ອື່ນໆ ເຊິ່ງສົ່ງຜົນກະທົບຕໍ່ສຸຂະພາບໃນໄລຍະຍາວ.

ໃນເວລາທີ່ພວກເຮົາມີອາຍຸ 40 ປີຂື້ນໄປ ມັນແມ່ນອາຍຸຂອງໄວກາງຄົນ ໃນຊ່ວງອາຍຸນີ້ມີການປ່ຽນແປງທາງດ້ານຮ່າງກາຍຫຼາຍຢ່າງດັ່ງຕໍ່ໄປນີ້:

  • ຖອກທ້ອງ
  • ໂຕເຕັ້ຍລົງ
  • ປວດປະດົງ 65%
  • ສາຍຕາຍາວ
  • ມີຄວາມຕ້ອງການທາງເພດຫຼຸດລົງ 75 – 85%
  • ມີບັນຫາໃນການໄດ້ຍິນ
  • ຂົນໜ້ອຍ ຫຼື ມີຂົນຫຼາຍຂື້ນໂດຍທີ່ບໍ່ຕ້ອງການ
  • ອາການລືມໄວ
  • ມີອາການລົງທ້ອງຫຼາຍ
  • ມີບັນຫາຜິວໜັງແຫ່ວຍານ

ສຳລັບຄົນໄວ 40 ປີຂື້ນໄປ ແມ່ນຕ້ອງຍອມຮັບຄວາມຈິງວ່າພວກເຮົາບໍ່ໜຸ່ມແລ້ວ ຮ່າງກາຍຂອງພວກເຮົາແມ່ນຄືກັບລົດ ເຊິ່ງຖ້າໃຊ້ງານຫຼາຍມັນຈະຊຸດໂຊມລົງຢ່າງໄວວາ ເພາະສະນັ້ນຄົນໃນໄວ 40 ປີຂື້ນໄປ ຄວນເບິ່ງແຍງຕົນເອງໃຫ້ມີສຸຂະພາບແຂງແຮງຢູ່ສະເໝີ ແລະ ໃນມື້ນີ້ມີຄຳແນະນຳຈາກທ່ານໝໍ ແລະ ນັກໂພຊະນາການແນະນຳວ່າຄວນກິນອາຫານຄື:

1. ກ້ວຍນໍ້າ

ກິນມື້ລະ 2 ໜ່ວຍ ປີ້ງກ້ວຍຊ່ວຍຫຼຸດອາການໄຂ້, ແກ້ເຈັບຄໍ, ບຳລຸງບັນຫາທີ່ກ່ຽວກັບຕັບ ການຮັກສາອາການຕ່າງໆ ເຊັ່ນ: ເບົາຫວານ ຊ່ວຍແກ້ບັນຫາບັນຫາຕ່າງໆຂອງຕຸ່ມ tonsillitis.

2. ກ້ວຍໄຂ່

ກິນເລື້ອຍໆ ຈະຊ່ວຍເຊົາຜົມຫຼົ່ນ ປ້ອງກັນກ່ຽວກັບຄວາມຈຳບໍ່ດີ, ໂລກ Alzheimer, ບຳລຸງສະໝອງ, ຕັບ ແລະ ໝາກໄຂ່ຫຼັງ ພ້ອມທັງຊ່ວຍປ້ອງກັນມະເຮັງຕ່າງໆ ເຊັ່ນໄດ້ກັນ ແລະ ບຳລຸງສາຍຕາກ່ຽວກັບການເບີ່ງເຫັນ.

3. ກິນນໍ້າຮ້ອນປະຈຳ

ຈະຊ່ວຍເຮັດໃຫ້ອຸ່ນນະພູມໃນຮ່າງກາຍມີຄວາມສົມດຸນ ຊ່ວຍຫຼຸດຄວາມດັນເລືອດ ຫຼຸດເສັ້ນເລືອດໃນສະໝອງຕີບ ຕ່າງໆ ສິ່ງທີ່ກ່ຽວຂ້ອງກັບເບົາຫວານ ຕາຕໍ້ ບຳລຸງສາຍຕາ ແລະ ໝາກໄຂ່ຫຼັງ.

4. ດື່ມນໍ້າໝາກໂມເລື້ອຍໆ.

ສາມາດເວົ້າໄດ້ວ່າເປັນໝາກໄມ້ທີ່ບໍາລຸງຮ່າງກາຍ ເຊີ່ງມີສານອາຫານທີ່ດີເລີດ ຖ້າຜູ້ຊາຍກິນເລື້ອຍໆ ຈະຊ່ວຍໃຫ້ສະມັດຖະພາຮ່າງກາຍບໄດ້ເປັນຢ່າງດີ ເຮັດໃຫ້ມີກຳລັງວັງຊາ ຊ່ວຍບຳລຸງເລືອດ ຊ່ວຍໃຫ້ລະບົບໄຫຼວຽນດີຂື້ນ ຊ່ວຍແກ້ໄຂບັນຫາຂອງມື ແລະ ຕີນແຕກ.

5. ກິນທຸລຽນເລື້ອຍໆ

ທຸລຽນມີສານຊູນຟູຣິກ ມີສານຕ້ານອະນຸມູນອິດສະຫຼະທີ່ຊ່ວຍໃນການຫຼຸດຜ່ອນມະເຮັງ ການຫຼຸດລະດັບ cholesterol ມັນຍັງຊ່ວຍຫຼຸດຜ່ອນໄຂມັນ ຫຼຸດຜ່ອນຫນ້າເຖົ້ານຳອີກ.

6. ນໍ້າໝາກພ້າວອ່ອນ

ການດື່ມນໍ້າເລື້ອຍໆ ຈະຊ່ວຍເຮັດໃຫ້ຮໍໂມນໃນຮ່າງກາຍມີຄວາມສົມດຸນ ດື່ມນໍ້າໝາກພ້າວອ່ອນ 1 ໜ່ວຍ ຕໍ່ມື້ ຈະຊ່ວຍໃຫ້ການໄຫຼວຽນຂອງເລືອດ ແລະ ບຳລຸງໝາກໄຂ່ຫຼັງ ສ່ວນຊີ້ນໝາກພ້າວຈະຊ່ວຍບຳລຸງຕັບ.

7. ໝາກນັດ

ບັນຈຸມີ enzymes bromelain ມີຄຸນສົມບັດທີ່ຊ່ວຍໃນການຮັກສາບາດແຜ ຊ່ວຍລະບົບຍ່ອຍອາຫານ ຊ່ວຍຫຼຸດການອັກເສບໃນກະເພາະອາຫານ.

8. ນໍ້າກະທິໝາກພ້າວ

ພວກເຮົາເອົານໍ້າກະທິໝາກພ້າວໃສ່ໃນຕູ້ເຢັນໄວ້ 3 ຊົ່ວໂມງເພື່ອແຍກຕ່ອນ ແລະ ນໍ້າ ນຳເອົາຕ່ອນໝາກພ້າວທາງເທີງໄປຂົ້ວໃຫ້ກາຍເປັນນໍ້າມັນໝາກພ້າວ ສາມາດເກັບໄວ້ໄດ້ 3 ເດືອນ.

9. ໄຂ່ຕົ້ມ

ການກິນໄຂ່ 2 ໜ່ວຍ ຕໍ່ມື້ຈະຊ່ວຍຫຼຸດປະລິມານນໍ້າຕານໃນເລືອດ ການຄົ້ນຄວ້າພົບວ່າຖ້າກິນໄຂ່ຕົ້ມ 3 ເທື່ອຕໍ່ມື້ ສຳ ລັບຄົນທີ່ອາຍຸຕໍ່າກວ່າ 45 ປີ ແລະ ກິນໄຂ່ 2 ໜ່ວຍ ຕໍ່ມື້ ສຳລັບຄົນທີ່ມີອາຍຸ 45-50 ປີ ຈະມີສັບພະຄຸນຫຼາຍກວ່າການດື່ມນົມໄດ້ເຖີງ 5 ປ່ອງ.

10. ກາເຟ

ມີສານຄາເຟອີນທີ່ມີປະໂຫຍດໃນການກະຕຸ້ນການເຮັດວຽກຂອງຮ່າງກາຍ ດື່ມກາເຟ 1-2 ຈອກຕໍ່ມື້ ໂດຍບໍ່ຕ້ອງໃສ່ນໍ້າຕານ ຊ່ວຍໃຫ້ສະໝອງຮູ້ສຶກຜ່ອນຄາຍ ແລະ ຟື້ນຟູສະມັດຕະພາບ ສະໝອງປອດໂປ່ງ ມີແນວຄວາມຄິດໃນການສ້າງສັນໃນການເຮັດວຽກຫຼາຍກວ່າຄົນທີ່ບໍ່ດື່ມກາເຟເລີຍ.

ຂໍ້ແນະນຳເພີ່ມເຕີມເພື່ອສຸຂະພາບທີ່ດີ ສຳລັບຄົນໄວທອງ

  1. ຫຼຸດການກິນອາຫານທີ່ມີໄຂມັນເກີນ 30% ຂອງພະລັງງານທີ່ໄດ້ຮັບຕໍ່ມື້ ໂດຍການຫຼຸດໄຂມັນຈາກສັດ ຫຼີກລ່ຽງອາຫານສຳເລັດຮູບທີ່ມີໄຂມັນ ທີ່ບັນຈຸອາຊິດໄຂມັນ ເຊັ່ນ: margarine, ມັນເບີ, walnuts, ມັນຝະລັ່ງ ແລະ ອື່ນໆ ຄວນເລືອກນໍ້າມັນທີ່ມີກົດໄຂມັນອີ່ມຕົວ ເຊັ່ນ: ນໍ້າມັນໝາກກອກ ນໍ້າມັນລຳເຂົ້າ ແລະ ນໍ້າມັນງາ.
  2. ກິນຜັກ, ໝາກໄມ້, ຖົ່ວ ໂດຍສະເພາະຖົ່ວເຫຼືອງ ເຊັ່ນ: ເຕົາຮູ້ລອດ, ເຕົາຮູ້ແຜ່ນ ແລະ ເຂົ້າຈ້າວເປັນປະຈຳ.
  3. ເພີ່ມການກິນຄາໂບໄຮເດຣດ ເຊັ່ນ: ເຂົ້າ ແລະ ຜັກ.
  4. ກິນອາຫານຫຼາຍຊະນິດ ເຊັ່ນ: ກິນປາ, ຖົ່ວ, ເຕົາຮູ້, ຫຼຸດປະລິມານບໍລິໂພກຊີ້ນ.
  5. ດື່ມນົມທີ່ມີໄຂມັນຕໍ່າ.
  6. ບໍ່ກິນອາຫານເຄັມ, ດື່ມນໍ້າສະອາດ 1-2 ລິດຕໍ່ມື້.
  7. ບໍ່ຄວນງົດເວັ້ນຈາກອາຫານຄາບໃດໆ.
  8. ຮັກສານໍ້າໜັກໃຫ້ເໝາະສົມ.