ໃນຍຸກແຫ່ງວົງການຮັກທຸລະກິດນີ້ບໍ່ມີໃຜຮູ້ຈະບໍ່ຮູ້ຈັກຜູ້ຊາຍ Elon Musk ເຊິ່ງເປັນເຈົ້າຂອງບໍລິສັດ Tesla Motors ແລະ SpaceX ພ້ອມທັງເປັນຜູ້ຮ່ວມກໍ່ຕັ້ງໃນເວທີການຈ່າຍເງິນທາງອິນເຕີເນັດຊັ້ນ ນຳຂອງໂລກເຊັ່ນ Paypal ລາວມີຊັບສິນ 28,8 ພັນລ້ານໂດລາ ແລະ ເປັນມະຫາເສດຖີທີ 23 ຂອງໂລກ ພຽງອາຍຸ 48 ປີ.

ແຕ່ມີໃຜຮູ້ບໍ່ວ່າກ່ອນທີ່ລາວຈະຮອດຈຸດນີ້ມີຄວາມຫຍຸ້ງຍາກ ແລະ ຂໍ້ບົກຜ່ອງຫຍັງແດ່ທີ່ຕ້ອງຜ່ານ? ແລະ ພວກເຮົາສາມາດຮຽນຮູ້ຫຍັງແດ່ຈາກຄວາມລົ້ມເຫຼວຂອງ Elon Musk ທີ່ຈະນຳມາໃຊ້ກັບພວກເຮົາ?

ບົດຮຽນ 1 ການຂົ່ມເຫັງ

Elon Musk ເກີດໃນອາຟຣິກາໃຕ້ ໂດຍມີພໍ່ເປັນນັກວິສະວະກອນ ແລະ ແມ່ເປັນນາງແບບ ແຕ່ມີບັນຫາທີ່ເຮັດໃຫ້ພໍ່ແມ່ຂອງລາວຕ້ອງແຍກກັນຢູ່ ສິ່ງດຽວທີ່ເຮັດໃຫ້ລາວບໍ່ເຫົງາ ແລະ ເປັນເພື່ອນ ຂອງລາວແມ່ນການອ່ານປື້ມ ລາວເປັນເດັກທີ່ເກັບກົດ ຊື່ງໄດ້ເຂົ້າຫໍສະໝຸດເປັນສ່ວນຫຼາຍ ແລະ ບໍ່ມີຄວາມຕ້ອງການຫຼາຍໃນສັງຄົມ ຍ້ອນວ່າລາວອາຍຸຍັງນ້ອຍ ແລະ ນ້ອຍກ່ວາໝູ່ ເຮັດໃຫ້ລາວເປັນເປົ້າໝາຍຂອງການຖືກຂົ່ມເຫັງສະເໝີ.

ເຫດການໜຶ່ງທີ່ຂ້ອນຂ້າງຮຸນແຮງ ເຊິ່ງລາວໄດ້ຖືກຫົວຂວັນໂດຍຖືກຍູ້ລົງຈາກບັນໄດ ແລະ ຍັງຖືກຕີ ເຮັດໃຫ້ລາວຖືກນຳຕົວໄປໂຮງໝໍ ແລະ ຢຸດເຊົາໂຮງຮຽນເປັນເວລາຫຼາຍອາທິດຈາກເຫດການນັ້ນລາວມີຄວາມຫຍຸ້ງຍາກກັບລະບົບຫາຍໃຈຈົນເຖີງທຸກມື້ນີ້.

ບົດຮຽນທີ 2 ພາດໂອກາດໃນການເຮັດວຽກກັບບໍລິສັດ Netscape

ບໍລິສັດ Netscape ຖືວ່າເປັນບໍລິສັດໃຫຍ່ ໃນຊຸມປີ 90 ເຊິ່ງເປັນເວັບບຣາວເຊີ ທີ່ມີສ່ວນແບ່ງການຕະຫຼາດ 90 ເປີເຊັນ ໃນຊ່ວງເວລານັ້ນທຸກຄົນຕ່່າງກໍ່ຢາກເຮັດວຽກຮ່ວມ ລວມທັງ Elon Musk ໄດ້ສົ່ງຈົດໝາຍສະໝັກວຽກໄປຫາ Netscape ແຕ່ບໍ່ໄດ້ຮັບຄຳຕອບຫຍັງເລີຍ ເພາະວ່າລາວບໍ່ມີພື້ນຖານດ້ານວິທະຍາສາດຄອມພິວເຕີ ລາວມີພຽງແຕ່ປະລິນຍາດ້ານເສດຖະສາດ ແລະ ຟີຊິກເທົ່ານັ້ນ ຍ້ອນວ່າລາວບໍ່ໄດ້ຮັບຄຳຕອບຫຍັງ ລາວໄດ້ໄປຫາຫ້ອງການຂອງ Netscape ຈົນເຖິງຂັ້ນທີ່ລາວອັບອາຍທີ່ຈະເວົ້າລົມກັບຜູ້ອື່ນ ສະນັ້ນລາວຍ່າງໄປເຮືອນແບບມືເປົ່າຫຼັງ ລາວຕັດສິນໃຈສ້າງທຸລະກິດດ້ວຍຕົນເອງ ໂດຍການເລີ່ມຕົ້ນທຸລະກິດ Zip2 ຊອບແວເວັບໄຊທ໌ທີ່ເກັບກຳຂໍ້ມູນບໍລິສັດຕ່າງໆ ໃນເວັບໄຊທ໌ທີ່ຄ້າຍຄືກັບໜ້າປື້ມສີເຫຼືອງ ແຕ່ໃນສະບັບແບບ online.

ຖ້າມື້ນັ້ນ Netscape ຍອມຮັບລາວ ຫຼື Elon Musk ບໍ່ໄດ້ຕັດສິນໃຈເຮັດ Zip2 ອະນາຄົດຂອງລາວທັງສອງອາດຈະແຕກຕ່າງກັນໝົດ ແລະ ຄວາມລົ້ມເຫຼວນີ້ເບິ່ງຄືບໍ່ໃຫຍ່ປານໃດ ແຕ່ຢ່າລືມວ່າລາວຂາດໂອກາດທີ່ຈະໄດ້ເຮັດວຽກກັບບໍລິສັດໃຫຍ່ໃນເວລານັ້ນ ພຽງແຕ່ຍ້ອນວ່າ “ຂີ້ອາຍ” ເຊິ່ງຫຼາຍຄົນກໍ່ພາດໂອກາດດີໆ ຫຼາຍຢ່າງຜ່ານມາແລ້ວ ເຖິງວ່າລາວຈະມີທ່າແຮງພຽງພໍດັ່ງຄຳເວົ້າທີ່ວ່າ “ດ້ານໄດ້ອາຍອົດ”.

ບົດຮຽນທີ 3 ຖືກປົດຕໍາແໜ່ງເປັນ CEO ຂອງ Zip2

ເຖິງແມ່ນວ່າ Zip2 ແມ່ນຜູ້ເລີ່ມສ້າງຕັ້ງ Elon Musk ກັບນ້ອງຊາຍຂອງລາວ Kimbal Musk ຫົວໜ້າຜູ້ບໍລິຫານບໍ່ເຫັນດີ Elon Musk ໃຫ້ຕຳແໜ່ງ CEO ຕໍ່ໄປ ໂດຍໄດ້ປົດ Elon Musk ເປັນ CEO ດ້ວຍສາເຫດທີ່ວ່າລາວບໍ່ສາມາດເປັນຜູ້ບໍລິຫານວຽກໃນສ່ວນທີ່ CEO ເຊີ່ງຈຳເປັນຕ້ອງເຮັດ ແລະ ອີກເຫດຜົນຢ່າງໜຶ່ງແມ່ນ Elon Musk ບໍ່ມີປະສົບການ CEO ມາກ່ອນ ສະນັ້ນຄະນະກຳມະການຈຶ່ງຕັດສິນໃຈຊອກຫາ CEO ຄົນອື່ນແທນແຕ່ Elon Musk ຍັງຖືຫຸ້ນຂອງບໍລິສັດເອົາໄວ້ຢູ່ ແລະ ຕໍ່ມາບໍລິສັດ Zip2 ໄດ້ຮັບການຊື້ດ້ວຍມູນຄ່າຫຼາຍກ່ວາ 341 ລ້ານໂດລາ ດ້ວຍຫຸ້ນສ່ວນປະມານ 22 ລ້ານໂດລາ.

ບົດຮຽນທີ 4 ຖືກປົດຕໍາແໜ່ງເປັນ CEO ຂອງ Paypal

ຫຼັງຈາກ Elon Musk ໄດ້ຮັບສ່ວນແບ່ງໃນການຂາຍ Zip2 ລາວໄດ້ເລີ່ມຕົ້ນສ້າງບໍລິສັດໃໝ່ ທີ່ມີຊື່ວ່າ X.com ເຊິ່ງເປັນບໍລິສັດຊຳລະເງິນ online ເຊິ່ງຕໍ່ມາກາຍເປັນ Paypal.com ໃນເດືອນເມສາ ປີ 2000 ລາວໄດ້ຖືກແຕ່ງຕັ້ງເປັນ CEO ຂອງ Paypal ແຕ່ບໍ່ດົນຫຼັງຈາກຮັບຕຳແໜ່ງລາວໄດ້ຜິດຖຽງກັບ CTO (Chief Technology Officer) ຂອງບໍລິສັດ ຊື່ງເປັນຫົວໜ້າຝ່າຍເຕັກໂນໂລຢີ ຊື່ງຄວາມຂັດແຍ້ງຄັ້ງນີ້ໄດ້ເຮັດໃຫ້ CTO ສະເໜີໃຫ້ຄະນະກຳມະການຜູ້ບໍລິຫານສັ່ງປົດ Elon Musk ອອກຈາກຕຳແໜ່ງ CEO ໂດຍໃຊ້ໂອກາດໃນລະຫວ່າງທີ່ Elon Musk ກຳລັງບິນໄປທີ່ Honeymoon ກັບພັນລະຍາຂອງລາວຢູ່ຕ່າງປະເທດ.

ບົດຮຽນ 5 ປະສົບເກືອບຕາຍໃນລະຫວ່າງວັນພັກຜ່ອນ

ໃນລະຫວ່າງທີ່ Elon Musk ໄປພັກໃນອາຟຣິກາໃຕ້ ໄດ້ມີອາການເຈັບປ່ວຍເກີດຂື້ນ ຈາກນັ້ນລາວໄດ້ໄປໂຮງໝໍເພື່ອກວດ ແລະ ພົບວ່າລາວເປັນໂລກໄຂ້ຍຸງຢູ່ໃນສະໝອງ ມີອາການແຊກຊ້ອນ ອາດຈະສາມາດເຮັດໃຫ້ລາວເສຍຊີວິດໄດ້ 20% ເຖິງແມ່ນວ່າຈະໄດ້ຮັບການປິ່ນປົວດີເປັນຢ່າງດີ ການເຈັບປ່ວຍໃນຄັ້ງນີ້ລາວໃຊ້ເວລາຫົກເດືອນເພື່ອຮັກສາ ແລະ ໄດ້ຫາຍດີຈາກພະຍາດນີ້ ແລະ ຟຶ້ື້ນຕົວໄດ້ ແຕ່ຍັງຈ່ອຍໂຊມຫຼາຍ ນໍ້າໜັກຫຼຸດລົງ 45 ປອນ ຫຼື ປະມານ 20 ກິໂລກຣາມ.

ແຕ່ສິ່ງນີ້ໄດ້ເຮັດໃຫ້ລາວເລີ່ມຮັບຮູ້ວ່າເວລານັ້ນກໍ່ຄືກັບການສາກແບັດເຕີຣີໃໝ່ຊ່ວຍໃຫ້ລາວມີສະມາທິຫຼາຍຂື້ນ ແຕ່ການເຈັບເປັນໃນເວລານັ້ນບໍ່ສາມາດທຳລາຍຈິດໃຈອັນເຂັ້ມແຂງເພື່ອບັນລຸເປົ້າໝາຍ ຂອງລາວ.

Elon Musk ໄດ້ໂພດປະໂຫຍກຕະຫຼົກໃນແບບຂອງລາວ: “That’s my Lesson for taking a vacation: vacation will kill you” ໝາຍຄວາມວ່ານີ້ແມ່ນບົດຮຽນທີ່ຂ້ອຍໄດ້ຮັບຈາກວັນພັກ ເຊິ່ງເປັນການພັກຜ່ອນລະດູຮ້ອນທີ່ສາມາດເຮັດໃຫ້ເຈົ້າຕາຍໄດ້.

ບົດຮຽນທີ 6 ການສູນເສຍລູກຊາຍຢ່າງກະທັນຫັນ

ການເບິ່ງເດັກທີ່ເສຍຊີວິດແມ່ນສິ່ງທີ່ສະເທືອນໃຈຫຼາຍເຫດການນີ້ສາມາດເກີດຂື້ນກັບທຸກໆ ຄົນ ແລະ ທຸກເວລາ ສິ່ງນີ້ໄດ້ເກີດຂື້ນກັບ Elon Musk ໃນປີ 2002 ລູກຊາຍຂອງເມຍຄົນທຳອິດ ລາວໄດ້ຕັ້ງຊື່ລູກວ່າ Neveda Alexander ແຕ່ພັດໄດ້ເສຍຊີວິດຍ້ອນໂລກ Sudden Infant Death Syndrome (SIDS) ແບບກະທັນຫັນ ຫຼື ເສຍຊີວິດໃນໄວເດັກອ່ອນອາຍຸພຽງ 10 ອາທິດ.

ແລະ Elon Musk ເອງໄດ້ເບິ່ງລູກຊາຍຂອງລາວ ໂດຍແພດໄດ້ຕັດສິນໃຈຕັດສາຍອົກຊີຈົນກ່ວາສະໝອງຂອງເດັກຢຸດເຊົາເຮັດວຽກ ແລະ Elon Musk ບໍ່ເຄີຍເວົ້າກ່ຽວກັບເລື່ອງນີ້ອີກເລີຍ.

ບົດຮຽນ 7 ລົ້ມລະລາຍໃນປະເທດລັດເຊຍ

ໃນປີ 2001 Elon Musk ມີຄວາມຄິດທີ່ຈະນຳເອົາພືດພັນໃນໂລກໄປປູກຢູ່ດາວອັງຄານ ໂດຍໃສ່ຊື່ໂຄງການວ່າ ‘Mars Oasis’ ທັນທີທັນໃດລາວ ແລະ ຜູ້ຕິດຕາມສອງສາມຄົນໄດ້ຕັດສິນໃຈບິນໄປມອດສະໂກ ປະເທດລັດເຊຍ ເພື່ອຕິດຕໍ່ຊື້ຈະຫຼວດ Intercontinental Ballistic Missile ຫຼື ICBM ຈະຫຼວດເພື່ອໃຊ້ບັນຈຸໃນການຫຸ້ມຫໍ່ສິ່ງຂອງທີ່ສົ່ງເຂົ້າໄປໃນອາວະກາດ ລາວໄດ້ຕິດຕໍ່ປະມານ 2 ຫາ 3 ບໍລິສັດໃນລັດເຊຍແຕ່ຖືກປະຕິເສດທັງໝົດ.

ແຕ່ Elon Musk ຍັງບໍ່ຍອມແພ້ ຫຼັງຈາກນັ້ນ 6 ເດືອນຜ່ານໄປ ລາວໄດ້ກັບໄປປະເທດລັດເຊຍອີກຄັ້ງໜື່ງໃນໂຄງການດຽວກັນ ແຕ່ວ່າໃນຄັ້ງນີ້ຝ່າຍລັດເຊຍໄດ້ສະເໜີຂໍ້ຕົກລົງໃນມູນຄ່າ 8 ລ້ານໂດລາ ຕໍ່ 1 ລູກ ເຊິ່ງເປັນສາເຫດທີ່ເຮັດໃຫ້ທ່ານ Elon Musk ເວົ້າວ່າ ‘ແພງຫຼາຍ’ ຫຼັງຈາກລາວບິນກັບຄືນມາ Elon Musk ຕັດສິນໃຈສ້າງຍານອະວະກາດເປັນຂອງຕົນເອງ ແລະ ນັ້ນແມ່ນຕົ້ນກຳເນີດຂອງ SpaceX.

ບົດຮຽນທີ 8 ເກີດວິກິດການໃນບໍລິສັດ SpaceX

Elon Musk ສ້າງຕັ້ງບໍລິສັດ SpaceX ໃນເດືອນມິຖຸນາ ປີ 2002 ໂດຍມີສອງຈຸດປະສົງຕົ້ນຕໍ: ທຳອິດລາວຕ້ອງການໃຫ້ເປັນອຸດສາຫະກຳການຂົນສົ່ງລາຄາຖືກ ແລະ ອັນທີສອງແມ່ນສ້າງຂື້ນເພື່ອຕັ້ງອານານິຄົມເທິງດາວອັງຄານ.

ລາວໃຊ້ເງິນທີ່ໄດ້ຈາກການຂາຍ Paypal ໄປໃຫ້ Ebay ດ້ວຍການຕົກລົງ 1.5 ພັນລ້ານໂດລາ ເຊິ່ງລາວໄດ້ຮັບເງິນທັງໝົດ 180 ລ້ານໂດລາ ເພື່ອລົງທືນໃນ SpaceX ໃນມູນຄ່າ 100 ລ້ານໂດລາ ໄດ້ລົງທືນໃນ Tesla Motors 70 ລ້ານໂດລາ ແລະ ລົງທຶນໃນ SolarCity 10 ລ້ານໂດລາສາມາດເວົ້າໄດ້ວ່າລາວໃຊ້ຈ່າຍເງີນທັງໝົດ.

ແຕ່ແລ້ວຄວາມຝັນທີ່ສວຍງາມທີ່ລາວໄດ້ແຕ້ມມັນເກືອບລົ້ມລົງຢ່າງໄວວາ ເມື່ອການທົດລອງການຍິງຈະຫຼວດໄປສູ່ອະວະກາດປະສົບຜົນສຳເລັດ 3 ຄັ້ງນັບຕັ້ງແຕ່ບໍລິສັດເລີ່ມຕົ້ນ ແລະ ທຶນທັງໝົດທີ່ຍັງເຫຼືອສາມາດໃຊ້ໃນການຍິງຈະຫຼວດໄດ້ພຽງຄັ້ງດຽວເທົ່ານັ້ນ ຖ້າການຍິງຂີປະນາວຸດ ຄັ້ງທີ 4 ລົ້ມເຫຼວ SpaceX ຈະລົ້ມລະລາຍທັນທີ.

ແຕ່ຫຼັງຈາກນັ້ນຄືກັບຊະຕາກຳຍັງຈະຢູ່ກັບລາວ ດ້ວຍການຍິງຂີປະນາວຸດ ຄັ້ງທີ 4 ສໍາເລັດຢ່າງສວຍງາມເຮັດໃຫ້ SpaceX ໄດ້ຮັບການຕົກລົງຈາກອົງການ NASA ດ້ວຍຂໍ້ສະເໜີຕ່າງໆ ເຖິງ 1,6 ຕື້ໂດລາ ເພາະວ່າໂຄງການ SpaceX ມີຄ່າໃຊ້ຈ່າຍໃນການຍິງຈະຫຼວດພຽງແຕ່ 1/3 ຂອງບໍລິສັດອື່ນໃນໂລກທີ່ສາມາດເຮັດໄດ້.

ບົດຮຽນທີ 9 ເກີດວິກິດການຢູ່ບໍລິສັດ Tesla

Elon Musk ໄດ້ສ້າງຕັ້ງບໍລິສັດ Tesla Motors ໃນປີ 2003 ໂດຍມີຈຸດປະສົງໃນການຜະລິດລົດໄຟຟ້າເພື່ອປະຫຍັດພະລັງງານ ລຸ້ນທຳອິດທີ່ຜະລິດອອກມາຂາຍແມ່ນ Roadster ທີ່ມີປະສິດທິ ພາບສູງ ແຕ່ວ່າລາຄາບໍ່ເປັນມິດເລີຍ.

ຫຼັງຈາກນັ້ນບັນຫາກໍ່ເກີດຂື້ນເມື່ອ Roadster ໄດ້ເຂົ້າສູ່ການຜະລິດ ແຕ່ການບໍລິຫານບໍ່ດີພໍ ຂອງພະແນກການຜະລິດ ເຮັດໃຫ້ລາຄາຂາຍຍ່ອຍໄດ້ເພີ່ມລາຄາຂຶ້ນເປັນສອງເທົ່າ.

ໃນຂະນະທີ່ຍັງມີບໍລິຫານຈັດກົນລະຍຸດທີ່ບໍ່ຖືກຕ້ອງໃນການຈັດສົ່ງລົດໃຫ້ລູກຄ້າເປັນເວລາຫຼາຍກວ່າ 1 ປີ ເຮັດໃຫ້ Tesla ຕົກຢູ່ໃນສະຖານະການທາງການເງິນທີ່ຮ້າຍແຮງ ຄວາມສ່ຽງຂອງການປິດຫຼາຍ Elon Musk ຈີ່ງຕ້ອງຕັດສິນໃຈຈະຢຸດຫຼືສືບຕໍ່ໄປດີ.

ຫຼັງຈາກນັ້ນລາວໄດ້ຕັດສິນໃຈສືບຕໍ່ໃນຊ່ວງວິກິດການເງິນຂອງ Tesla ໃນໄລຍະນີ້ບໍລິສັດຊອຟແວທີ່ Elon Musk ເປັນຜູ້ຖືຫຸ້ນໃຫຍ່ຄື Ever dream ໄດ້ຊື້ Dell ດ້ວຍມູນຄ່າ 120 ລ້ານໂດລາ Elon Musk ໄດ້ລົງທຶນ 20 ລ້ານໂດລາ ຈີ່ງເຮັດໃຫ້ Tesla Motors ບໍ່ລົ້ມລະລາຍ.

ບົດຮຽນ 10 ຄວາມສ່ຽງໃນການລົງທຶນ

ກ່ອນໜ້ານີ້ພວກເຮົາຮູ້ແລ້ວວ່າ Elon Musk ແທນທີ່ຈະໃຊ້ຊີວິດຄືກັນກັບກະສັດ ຫຼັງຈາກຂາຍບໍລິສັດ Paypal ເຊີ່ງໄດ້ຮັບເງິນເປັນຈຳນວນຫຼວງຫຼາຍ ແຕ່ການດຳລົງຊີວິດຄືກັບກະສັດບໍ່ແມ່ນເປົ້າໝາຍສຳ ຄັນໃນຊີວິດຂອງລາວ ເພາະວ່າເປົ້າໝາຍຫຼັກແມ່ນເພື່ອສ້າງຕັ້ງອານານິຄົມເທິງດາວອັງຄານໃຫ້ໄດ້ພາຍໃນຊາດນີ້ ຜົນໄດ້ຮັບຫຼັງຈາກທີ່ລາວໄດ້ລົງທຶນທຸລະກິດທັງໝົດເຂົ້າໃນການລົງທືນ ຕ້ອງໄດ້ຢືມໝູ່ ເພື່ອຢູ່ກິນຕັ້ງແຕ່ ເດືອນຕຸລາ ປີ 2009 ແລະ ໄດ້ຢືມຈາກກະຊວງພະລັງງານຂອງສະຫະລັດໃນມູນຄ່າຫຼາຍກ່ວາ 465 ລ້ານໂດລາ.

ໃນຊ່ວງເວລານັ້ນລາວຍັງປະສົບບັນຫາຢ່າຮ້າງກັບພັນລະຍາຂອງລາວຊື່ Masum ເຊິ່ງເປັນບັນຫາທີ່ຮ້າຍແຮງ ແລະ ເວລານັ້ນບໍ່ມີເງິນທີ່ຈະຊ່ວຍທຸລະກິດ Tesla Motor ຄືແຕ່ກ່ອນ.

ແຕ່ຍ້ອນການຕັດສິນໃຈຂອງລາວທີ່ຈະຊ່ວຍ Tesla Motors ໃນເວລານັ້ນ ໃນທີ່ສຸດມັນກໍ່ໄດ້ຮັບຜົນດີ ແລະ ສາມາດທົດແທນຄ່າເສຍຫາຍທັງໝົດ ລາວສາມາດເອົາເງິນຄືນທັງໝົດໄດ້ ພ້ອມດອກເບັ້ຍຈາກກະຊວງພະລັງງານແບບເຕັມເມັດເຕັມໜ່ວຍ.

ທ່ານ Elon Musk ເຄີຍກ່າວວ່າ “Failure is an option here If things are not failing you are not innovating enough” ໝາຍຄວາມວ່າຄວາມລົ້ມເຫຼວແມ່ນທາງເລືອກດຽວໃນທີ່ນີ້ ເພາະວ່າຖ້າບໍ່ມີຄວາມລົ້ມເຫຼວນັ້ນ ໝາຍຄວາມວ່າທ່ານບໍ່ໄດ້ສ້າງນະວັດຕະກຳໃໝ່ພຽງພໍ.