ສປປ ລາວ ຍັງບໍ່ພົບຜູ້ຕິດເຊື້ອເພິ່ມ

0
132

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫຼງຂ່າວປະຈໍາວັນທີ 19 ພຶດສະພາ ປີ 2020 ໂດຍ ທ່ານຮສ. ດຣ. ພູທອນ ເມືອງປາກ ຮອງລັດຖະມົນຕີ, ກະຊວງສາທາລະນະສຸກ ໄດ້ລາຍງານກ່ຽວກັບສະພາບການຕິດຕາມ, ເຝົ້າລະວັງ ພະຍາດ COVID-19 ຢູ່ ສປປ ລາວ ປະຈໍາວັນທີ 19 ພຶດສະພາ 2020 ດັ່ງນີ້:

ສະພາບການເຝົ້າລະວັງ COVID-19 ຢູ່ ສປປ ລາວຮອດ 5 ໂມງແລງ ຂອງວັນທີ 18 ພຶດສະພາ 2020 ຕາມຈຸດຜ່ານດ່ານຕ່າງໆ ມີຈໍານວນຜູ້ເດີນທາງເຂົ້າມາ ສປປ ລາວ ທັງໝົດ1,761ຄົນ ຄື:

  • ຈຸດຜ່ານດ່ານ ລາວ-ໄທ ທັງໝົດ1,079ຄົນ, ໃນນັ້ນມີແຮງງານລາວກັບມາຈາກປະເທດໄທທັງໝົດ 06 ຄົນເຊິ່ງຜ່ານດ່ານວັງເຕົ່າ-ຊ່ອງເມັກແຂວງຈໍາປາສັກ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.
  • ຈຸດຜ່ານດ່ານ ລາວ-ຈີນ ທັງໝົດ 08 ຄົນ,ທັງໝົດແມ່ນຜູ້ຂັບລົດຂົນສົ່ງສິນຄ້າ.
  • ຈຸດຜ່ານດ່ານ ລາວ-ຫວຽດ ທັງໝົດ 584 ຄົນ, ໃນນັ້ນຄົນລາວ 25 ຄົນແມ່ນກັບມາແຕ່ວຽກລັດຖະການຜ່ານດ່ານນ້ຳພ້າວ, ແຂວງບໍລິຄຳໄຊ, ເຫຼືອນັ້ນແມ່ນຄົນຂັບລົດສົ່ງສິນຄ້າ.
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ90ຄົນ
  • ເຊິ່ງເຂົ້າມາໃນວັນທີ 17 ພຶດສະພາ (ໃນນີ້້ ມີນັກສຶກສາລາວກັບມາຈາກອູຫັ້ນ08 ຄົນ, ກັບຈາກ ຊູໂຈ 05 ຄົນ, ຄົນຈີນມາສ້າງທາງລົດໄຟ 77 ຄົນ, ທັງຫມົດແມ່ນຖືກອະນຸຍາດຈາກຄະນະສະເພາະກິດ). ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້. ສຳລັບແຮງງານລາວຈຳນວນ 06 ຄົນ:ທີ່ຜ່ານດ່ານວັງເຕົ່າ-ຊ່ອງເມັກແຂວງຈຳປາສັກແມ່ນມີຖິ່ນຖານມາຈາກແຂວງຈຳປາສັກ 04 ຄົນແລະ ສາລະວັນ 02 ຄົນ. ສຳລັບແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງຈົນກ່ວາຈະຄົບກຳນົດ 14ວັນ.

ການເຝົ້າລະວັງ ແລະ ວິເຄາະ ໃນວັນທີ 18 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 88 ຄົນ, ໃນນັ້ນ ມີກໍລະນີສົງໄສ 02 ຄົນ (ຈາກນະຄອນຫຼວງວຽງຈັນ), ແຮງງານລາວທີ່ກັບມາແຕ່ໄທ 68 ຄົນ, ແຮງງານຫວຽດທີ່ເຂົ້າມາລາວ18 ຄົນ ມີຄື:

  • ແຮງງານລາວທີ່ກັບມາຈາກປະເທດໄທ 68 ຄົນລາຍລະອຽດດັ່ງລຸ່ມນີ້:​
  • ນະຄອນຫຼວງວຽງຈັນ 26 ຄົນ
  • ອຸດົມໄຊ 11 ຄົນ
  • ວຽງຈັນ 09 ຄົນ
  • ຫຼວງພະບາງ 05 ຄົນ
  • ຄຳມ່ວນ 05 ຄົນ
  • ຈຳປາສັກ 04 ຄົນ
  • ໄຊຍະບູລີ 04 ຄົນ
  • ສະຫວັນນະເຂດ 02 ຄົນ
  • ສາລະວັນ 01 ຄົນ
  • ເຊກອງ 01 ຄົນ
  • ສຳລັບແຮງງານຫວຽດ18 ຄົນທີ່ເຂົ້າມາທັງໝົດແມ່ນຢູ່ແຂວງຫົວພັນ.

ຜົນກວດທັງໝົດຂອງມື້ວານນີ້ບໍ່ພົບເຊື້ອ. ປະຈຸບັນ ຜົນກວດທີ່ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 18 ພຶດສະພາ 2020 (37 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

Medialaos MMD