39 ມື້ແລ້ວທີ່ບໍ່ພົບຜູ້ຕິດເຊື້ອໃໝ່

0
58

ຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດ​ອັກ​ເສບ​ປອດ​ທີ່​ເກີດ​ຈາກ​ເຊື້ອຈຸລະ​ໂລກ​ສາຍ​ພັນໃໝ່ COVID-19 ຖະແຫຼງຂ່າວປະຈໍາວັນທີ21ພຶດສະພາ ປີ2020 ໂດຍ ທ່ານ ຮສ. ດຣ. ພູທອນ ເມືອງປາກ ຮອງລັດຖະມົນຕີ, ກະຊວງສາທາລະນະສຸກ ລາຍງານກ່ຽວກັບສະພາບການຕິດຕາມ, ເຝົ້າລະວັງ ພະຍາດ COVID-19 ຢູ່ ສປປ ລາວ ປະຈໍາວັນທີ 21 ພຶດສະພາ 2020 ດັ່ງນີ້:

ສະພາບການເຝົ້າລະວັງCOVID-19 ຢູ່ ສປປ ລາວຮອດ 5 ໂມງແລງ ຂອງວັນທີ 20 ພຶດສະພາ 2020 ຕາມຈຸດຜ່ານດ່ານຕ່າງໆມີຈໍານວນຜູ້ເດີນທາງເຂົ້າມາ ສປປ ລາວ ທັງໝົດ 2,278 ຄົນ ມີຄື:

  • ຈຸດຜ່ານດ່ານ ລາວ-ໄທ ທັງໝົດ1,459 ຄົນ, ໃນນັ້ນມີແຮງງານລາວກັບມາຈາກປະເທດໄທທັງໝົດ 79 ຄົນເຊິ່ງຜ່ານດ່ານສາກົນຂົວມິດຕະພາບ ແຫ່ງທີ 2 (ສະຫວັນນະເຂດ) ມີ 19 ຄົນ; ຜ່ານດ່ານສາກົນວັງເຕົົ່າ-ຊ່ອງເມັກ, ແຂວງຈໍາປາສັກ ມີ 60 ຄົນ, ເຫຼືອນັ້ນແມ່ນຄົນຂັບລົດສົົ່ງສິນຄ້າ.
  • ຈຸດຜ່ານດ່ານ ລາວ-ຈີນ ທັງໝົດ 27 ຄົນ, ທັງໝົດແມ່ນຜູ້ຂັບລົດຂົນສົ່ງສິນຄ້າ.
  • ຈຸດຜ່ານດ່ານ ລາວ-ຫວຽດ ທັງໝົດ 792 ຄົນ,ໃນນັ້ນໃນນັ້ນມີ ນັກທຸລະກິດຫວຽດນາມ 04 ຄົນ ແລະ ຄົນລາວກັບມາຈາກການປີ່ນປົວ 03 ຄົນ,ເຊິງໄດ້ເຂົ້າມາຜ່ານດ່ານນໍໍ້າໂສ້ຍ, ແຂວງຫົວພັນ, ເຫຼືອນັ້ນແມ່ນຄົນຂັບລົດສົ່ງສິນຄ້າ.
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ00ຄົນ.
  • ໃນທຸກດ່ານແມ່ນໄດ້ກວດວັດອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.

ສຳລັບແຮງງານລາວຈຳນວນ 79 ຄົນລາຍລະອຽດມີດັ່ງລຸ່ມນີ້: ຜ່ານດ່ານສາກົນຂົວມິດຕະພາບ ແຫ່ງທີ 2 ແຂວງສະຫວັນນະເຂດ ມີ 19 ຄົນ ແມ່ນມີຖິ່ນຖານມາຈາກ ແຂວງສະຫວັນນະເຂດ 15 ຄົນ,ສາລະວັນ03ຄົນ ແລະ ໄຊຍະບູລີ 01 ຄົນ.ຜ່ານດ່ານວັງເຕົ່າ-ຊ່ອງເມັກແຂວງຈຳປາສັກ60ຄົນແມ່ນມີຖິ່ນຖານມາຈາກແຂວງຈຳປາສັກ40ຄົນ, ສະຫວັນນະເຂດ 13 ຄົນ, ສາລະວັນ 07ຄົນ.ແຮງງານທັງໝົດໄດ້ເກັບຕົວຢ່າງມາກວດ ແລະ ນຳສົ່ງໄປຈຳກັດບໍລິເວນຢູ່ສູນຂອງແຂວງຈົນກ່ວາຈະຄົບກຳນົດ 14 ວັນ.

ການເຝົ້າລະວັງ ແລະ ວິເຄາະ ໃນວັນທີ 20 ພຶດສະພາ 2020, ໄດ້ເກັບຕົວຢ່າງມາກວດທັງໝົດ 69 ຄົນ, ໃນນັ້ນ ມີກໍລະນີສົງໄສ 07 ຄົນ, ແຮງງານລາວທີ່ກັບມາແຕ່ໄທ 60 ຄົນ, ຜູ້ຕິດເຊື້ອນອນປິ່ນປົວຢູ່ໂຮງໝໍມິດຕະພາບ 02 ຄົນ. ກໍລະນີສົງໄສ 07 ຄົນແມ່ນມາຈາກນະຄອນຫຼວງວຽງຈັນ 04 ຄົນ, ແຂວງສະຫວັນນະເຂດ 01 ຄົນ, ແຂວງວຽງຈັນ 01 ຄົນ ແລະ ເຊກອງ 01 ຄົນ. ຜົນກວດກໍລະນີສົງໄສ ແລະ ແຮງງານລາວມື້ວານນີ້ ບໍ່ພົບເຊື້ອ.

ໝາຍຄວາມວ່າໃນວັນທີ 20ພຶດສະພາ 2020 ບໍ່ມີຜູ້ຕິດເຊື້ອໃໝ່, ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 20 ພຶດສະພາ2020 ໄດ້ເກັບຕົວຢ່າງມາກວດທັງໝົດມີ 4,812 ຕົວຢ່າງ,ກວດພົບເຊື້ອສະສົມ 19 ຄົນ (39 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).

Medialaaos MMD