ວິກິດການຜ່ານພົ້ນ…ປວງຊົນລາວຫາຍລຳບາກ

ທ່ານພູທອນເມືອງປາກ…ຖະແຫຼງຂ່າວລາຍວັນ

ວ່າໂຄວິດບໍ່ຕິດກັນ….38 ວັນມາແລ້ວ

ສາມາດຂຶ້ນບໍ່ແກ້ວ…ລົງຮອດອັດຕະປື

ລັດຖະບານອອກໜັງສື…ຜ່ອນຄາຍຫຼາຍຢ່າງ

ສືບຕໍ່ໄລຍະຫ່າງ…ປິດເທັກປິດບາ

ຢ້ານໂລກໂຄໂລນາ…ກັບມາຮອບໃຫມ່

ປະຊາຊົນເຮັດໄດ້…ບໍ່ຂັດຂ້ອງຈັກແນວ

ແຕ່ມີເລື່ອງວົນແຊວ…ຄືລາຄາໄຟຟ້າ

ຜູ້ຊົມໃຊ້ບອກວ່າ….ລາຄາໄຟແພງ

ບໍລິສັດອອກຊີ້ແຈງ…ວ່າເປັນຂອງເດືອນກ່ອນ

ລັດວ່າຊິຫຼຸດຜ່ອນ….ຄູນສອງຂັ້ນພໍ

ພັດວ່າໂອລະນໍ….ພວດຂື້ນສາມທົບ

ບາງຄົນລົງຄລິບນົບ…ຮອດຫຼັກເສົາໄຟ

ຂໍໃຫ້ຄືນກັບໄປ…ຄູນເປັນຫົກຂັ້ນ

ບໍ່ສະນັ້ນໃຫ້ລັດປັບປຸງ…ວາງລາຄາໄວ້ສູງຮອດ 2025

ບໍ່ເໝາະສົມດອກນ໋າ…ອາກາດເມືອງລາວ

ເຊິ່ງບໍ່ແມ່ນເມືອງໜາວ….ຄືນະຄອນຊິດນີ່

ທັງໝົດກ່າວມານີ້…ເພື່ອຂໍຮ້ອງລັດຖະບານ

ຢ່າຊູຟ້າວລຳຄານ…ຊ່ວຍພວກເຮົາດ່ວນ

ຄັນວ່າລັດບໍ່ຊວ້ານ….ຊິຕາຍມ້ວນມອດຊີວັງແທ້ແລ້ວ.

21/5/2020.

ພ ແສງສີລິຈັນ