ປະຈໍາວັນຈັນ ວັນທີ 26 ພຶດສະພາ ປີ 2020

ດຣ ຣັດຕະນະໄຊ ເພັດສຸວັນ ຫົວຫນ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາຍງານວ່າ:

  • ສະພາບການເຝົ້າລະວັງ COVID-19 ຢູ່ ສປປ ລາວ ຮອດ 5 ໂມງແລງ ຂອງວັນທີ 25ພຶດສະພາ 2020
  • ການຕິດຕາມຜູ້ເດີນທາງຢູ່ຈຸດຜ່ານແດນຕ່າງໆ
  • ຈໍານວນຜູ້ເດີນທາງເຂົ້າມາ ມີທັງໝົດ 1,934 ຄົນ
  • ຈຸດຜ່ານດ່ານລາວ-ໄທ ທັງໝົດ 1,093  ຄົນ, ໃນນັ້ນ ມີແຮງງານລາວກັບມາຈາກປະເທດໄທທັງໝົດ 30 ຄົນ, ຜ່ານດ່ານສາກົນວັງເຕົົ່າ-ຊ່ອງເມັກ ແຂວງຈຳປາສັກ ມີ 28 ຄົນ; ຜ່ານຂົວມິດຕະພາບແຫ່ງທີ 2 ແຂວງສະຫວັນນະເຂດ ມີ 02 ຄົນ; ເຫຼືອນັ້ນແມ່ນຄົນຂັບລົດຂົນສົົ່ງສິນຄ້າ.
  • ຈຸດຜ່ານດ່ານລາວ-ຈີນ ທັງໝົດ 04 ຄົນ, ໃນນັ້ນ ມີແຮງງານຄົນລາວກັບມາຈາກປະເທດຈີນ 01 ຄົນ, ເຫຼືອນັ້ນແມ່ນຜູ້ຂັບລົດຂົນສົ່ງສິນຄ້າ.
  • ຈຸດຜ່ານດ່ານລາວ-ຫວຽດ ທັງໝົດ 777 ຄົນ ທັງໝົດແມ່ນຄົນຂັບລົດຂົນສົ່ງສິນຄ້າ.
  • ຈຳນວນຜູ້ເດີນທາງຜ່ານສະໜາມບິນສາກົນວັດໄຕ 60 ຄົນ ໃນນີ້ມີນັກສືກສາລາວ 03 ຄົນ, ແຮງງານຈີນ ສ້າງທາງລົດໄຟ ລາວ-ຈີນ 57 ຄົນ
  • ໃນທຸກດ່ານ ແມ່ນໄດ້ກວດແທກອຸນຫະພູມຮ່າງກາຍ ແລະ ບໍ່ມີຄົນເປັນໄຂ້.
  • ສຳລັບແຮງງານລາວ ຈຳນວນ 30 ຄົນທີ່ມາຈາກປະເທດໄທ ເຊິ່ງຜ່ານດ່ານວັງເຕົ່າ-ຊ່ອງເມັກ ແຂວງຈຳປາສັກ 28 ຄົນ ໃນນີ້ມີຖິ່ນຖານມາຈາກ ແຂວງຈໍາປາສັກ 23  ຄົນ, ສະຫວັນນະເຂດ 02 ຄົນ, ສາລະວັນ 02 ຄົນ ແລະ ເຊກອງ 01 ຄົນ ແລະ ຜ່ານຂົວມິດຕະພາບແຫ່ງທີ 2 ແຂວງສະຫວັນນະເຂດ ມີ 02 ຄົນໃນນີ້ມີຖິ່ນຖານຢູ່ ແຂວງສະຫວັນນະເຂດ 02 ຄົນ.
  • ແຮງງານລາວກັບມາຈາກປະເທດຈີນ ຜ່ານດ່ານບໍ່ເຕັນ, ແຂວງຫຼວງນ້ຳທາ 01 ຄົນ ມີຖິ່ນຖານຢູ່ແຂວງຫຼວງນໍ້າທາ 01 ຄົນ.
  • ແຮງງານລາວ ແລະ ຈີນທັງໝົດໄດ້ເກັບຕົວຢ່າງມາກວດ ແລ້ວນຳສົ່ງໄປຈຳກັດບໍລິເວນຢູ່ສະຖານທີ່ທີ່ກຳນົດໄວ້ ຈົນກ່ວາຈະຄົບກຳນົດ 14 ວັນ.
  • ການເກັບຕົວຢ່າງມາກວດວິເຄາະ ແລະ ຄົ້ນຫາຜູ້ຕິດເຊື້ອພະຍາດ ໃນວັນທີ 24 ພຶດສະພາ 2020, ໄດ້ເກັບຕົວຢ່າງມາກວດວິເຄາະທັງໝົດ 60 ຄົນ, ໃນນັ້ນມີແຮງງານລາວທີ່ກັບມາແຕ່ໄທ 25 ຄົນ, ແຮງງານລາວກັບມາແຕ່ຈີນ 31 ຄົນ, ກໍລະນີສົງໃສ 01 ຄົນ ແລະ ຄົນເຈັບຕິດເຊື້ອນອນປີ່ນປົວຢູ່ໂຮງໝໍມິດຕະພາບທີ່ເກັບຕົວຢ່າງມາກວດຄືນ 03 ຄົນ.  
  • ແຮງງານລາວທີ່ກັບມາຈາກປະເທດໄທ 25 ຄົນ ເຊີ່ງມາຈາກທ້ອງຖີ່ນແຕ່ລະແຂວງ ລາຍລະອຽດດັ່ງລຸ່ມນີ້: 
  • ແຂວງຈໍາປາສັກ      12 ຄົນ
  • ແຂວງສາລະວັນ      05 ຄົນ
  • ແຂວງສະຫວັນນະເຂດ 04 ຄົນ
  • ແຂວງຄໍາມ່ວນ       02 ຄົນ
  • ແຂວງຫຼວງພະບາງ        01 ຄົນ
  • ແຂວງອັດຕະປື       01 ຄົນ
  • ແຮງງານລາວທີ່ກັບມາຈາກປະເທດຈີນ 01 ຄົນເຊີ່ງມາຈາກທ້ອງຖີ່ນຢູ່ແຂວງຫຼວງນໍ້າທາ
  • ຜົນກວດ ແຮງງານລາວ ແລະ ກໍລະນີສົງໃສທັງໝົດ ທີ່ກວດມື້ວານນີ້ ບໍ່ພົບເຊື້ອ.
  • ສຳລັບຜົນກວດຄົນເຈັບຕິດເຊື້ອ 3 ຄົນ ໃຫ້ຜົນລົບ 02 ຄົນ.
  • ໝາຍຄວາມວ່າໃນວັນທີ 25 ພຶດສະພາ 2020 ບໍ່ມີຜູ້ຕິດເຊື້ອໃໝ່.
  • ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 25 ພຶດສະພາ2020 ໄດ້ເກັບຕົວຢ່າງມາກວດທັງໝົດ ມີ 5,855 ຕົວຢ່າງກວດພົບເຊື້ອສະສົມ 19 ຄົນ (44 ມື້ແລ້ວທີ່ບໍ່ພົບຜູ້ຕິດເຊື້ອໃໝ່).
  • ການຕິດຕາມຜູ້ຈຳກັດບໍລິເວນຢູ່ສະຖານທີ່ຈຳກັດບໍລິເວນຕ່າງໆທົ່ວປະເທດ
  • ປະຈຸບັນນີ້ທົ່ວປະເທດ ມີສູນຈໍາກັດບໍລິເວນ ທັງໝົດ 90 ສູນ, ມີຜູ້ຈຳກັດບໍລິເວນຢູ່ສູນ 3,756  ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ມີຜູ້ຕິດເຊື້ອ.
  • ການຕິດຕາມປີ່ນປົວຄົນເຈັບຢູ່ໂຮງໝໍ
  • ປັດຈຸບັນ, ມີຜູ້ນອນຕິດຕາມຢູ່ໂຮງໝໍມິດຕະພາບ 05 ຄົນ ຍີງ 04 ຄົນ ທັງໝົດເຫັນວ່າມີອາການປົກກະຕິ ຈະໄດ້ສືບຕໍ່ຕິດຕາມຕໍ່ໄປຈົນກ່ວາຈະກວດຫາເຊື້ອບໍ່ພົບ.
  • ການຕິດຕາມສະພາບການລະບາດຂອງປະເທດໃກ້ຄຽງ ແລະ ການລະບາດຢູ່ໃນໂລກ ເຫັນວ່າ: ມາຮອດເວລາ 6:00 ໂມງເຊົ້າ ຂອງວັນທີ 26 ພຶດສະພາ 2020, ທົ່ວໂລກມີການລາຍງານການລະບາດ ທັງໝົດ 213 (ປະເທດ/ເຂດ).

–  ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 5,581,290  (87,207 ໃໝ່)  ມື້ວານນີ້ 5,491,448

–  ເສຍຊິວິດ 347,530 (3,013 ໃໝ່) ກວມເອົາ 6.22 % ຂອງຜູ້ຕິດເຊື້ອທັງໝົດ.

–  ປີ່ນປົວຫາຍດີ 2,360,975 (61,797 ໃໝ່) ກວມເອົາ 42,30 % ຂອງຜູ້ຕິດເຊື້ອທັງໝົດ.

  • ປະເດັນສຳຄັນ ແມ່ນຍັງມີການລະບາດເປັນວົງກ້ວາງຢູ່ ທະວີບອາເມລິກາ ແລະ ທະວີບຍູຣົບ, ມີບາງປະເທດ ຈໍານວນຜູ້ຕິດເຊື້ອມື້ດຽວ ມີເຖິງ 19,232 ຄົນ ແລະ ບາງປະເທດເສຍຊີວິດ 757 ຄົນຕໍ່ມື້.
  • ໃນບັນດາກຸ່ມປະເທດອາຊຽນ ມາຮອດເວລາ 6:00 ໂມງເຊົ້າ ຂອງວັນທີ 26 ພຶດສະພາ ມີການຢັ້ງຢືນ ຜູ້ຕິດເຊື້ອພະຍາດ COVID-19 ແມ່ນ 80,298 (1,284 ໃໝ່), ເສຍຊີວິດ 2,466 (25 ໃໝ່), ຍັງມີບາງປະເທດທີ່ມີອັດຕາການຕິດເຊື້ອໃໝ່ສູງເຖິງ 479 ຄົນຕໍ່ມື້.
  • ບັນຫາສຳຄັນອີກຢ່າງໜື່ງ ການປະຕິບັດຕາມແຈ້ງການເລກທີ 580/ຫສນຍ ກ່ຽວກັບການຜ່ອນຜັນມາດຕະການຕ່າງໆ ແມ່ນນະໂຍບາຍຂອງພັກ-ລັດຖະບານ ທີ່ເປັນຫ່ວງເປັນໄຍຕໍ່ຜົນກະທົບດ້ານຊີວິດການເປັນຢູ່ຂອງພໍ່ແມ່ປະຊາຊົນ ແລະ ດ້ານເສດຖະກິດ-ສັງຄົມ ຊຶ່ງເປັນໂອກາດໃຫ້ພາກທຸລະກິດກໍ່ຄືພໍ່ແມ່ປະຊາຊົນບັນດາເຜົ່າ ພະນັກງານ ທະຫານ ຕໍາຫຼວດ ໃຫ້ກັບຄືນມາດຳເນີນຊີວິດແບບປົກກະຕິ ກໍ່ຄືກິດຈະການກັບຄືນສູ່ສະພາບເດີມເທື່ອລະກ້າວ ໃນນັ້ນພວກເຮົາຈະຕ້ອງໄດ້ປະຕິບັດຄວາມຊີນເຄີຍແບບໃໝ່ ບົນພື້ນຖານຫຼັກການອະນາໄມ, ການທໍາຄວາມສະອາດຂ້າເຊື້ອພະຍາດຢູ່ສະຖານທີ່ບໍລິການ, ການແທກອຸ່ນຫະພູມຮ່າງກາຍ, ການລ້າງມືດ້ວຍນໍ້າສະອາດໃສ່ສະບູ ຫຼື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ໃຫ້ມີການແອອັດ, ການໃສ່ຜ້າປິດປາກ-ດັງ ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ ທັງໝົດນີ້ໃຫ້ກາຍເປັນຄວາມຊິນເຄີຍໃນການດຳລົງຊີວິດປະຈຳວັນ ພ້ອມດຽວກັນນີ້ກໍ່ເປັນໂອກາດທີ່ຈະມີຄວາມສ່ຽງ ທີ່ຈະເກີດການລະບາດຮອບໃໝ່ ຖ້າຫາກວ່າພວກເຮົາ ບໍ່ປະຕິບັດວິທີການປ້ອງກັນການຕິດເຊື້ອຢ່າງເຂັ້ມງວດ.
  • ໂອກາດທີ່ມີການປ່ຽນແປງຂອງດິນຟ້າອາກາດກ້າວເຂົ້າສູ່ລະດູຝົນ, ກະຊວງສາທາລະນະສຸກ ບໍ່ພຽງແຕ່ຄວບຄຸມການລະບາດຂອງພະຍາດ COVID-19 ຍັງໄດ້ເອົາໃຈໃສ່ ປ້ອງກັນ ແລະ ຄວບຄຸມການລະບາດຂອງພະຍາດຕາມລະດູການເປັນຕົ້ນແມ່ນ: ຖອກທ້ອງ, ໄຂ້ຫວັດ, ໝາກແດງ, ມາລາເຣຍ ແລະ ໄຂ້ຍຸງລາຍ ທັງໄດ້ເປີດຂະບວນການສັກຢາກັນພະຍາດທົ່ວປະເທດ.  ສະເພາະໄຂ້ຍຸງລາຍປີ 2019 ຜ່ານມາມີຜູ້ຕິດເຊື້ອທັງໝົດ 39,091 ຄົນ, ເສຍຊີວິດ  76 ຄົນ, ປີ 2020 ມາຮອດວັນທີ 22 ພຶດສະພາ 2020 ມີຜູ້ຕິດເຊື້ອທັງໝົດ 1,337 ຄົນ, ເສຍຊີວິດ 04 ຄົນ ຢູ່ນະຄອນຫຼວງວຽງຈັນ 02 ຄົນ, ໄຊຍະບູລີ 01 ຄົນ ແລະ ແຂວງຄຳມ່ວນ 01 ຄົນ, ຖືວ່າເປັນພະຍາດທີ່ມີຄວາມຮຸນແຮງເຊັ່ນກັນ.
  • ສະນັ້ນ ຈຶ່ງຂໍເຊີນຊວນພໍ່ແມ່ປະຊາຊົນບັນດາເຜົ່າຈົ່ງໄດ້ເປັນເຈົ້າການໃນການທຳລາຍແຫຼ່ງເພາະພັນຍຸງລາຍ ແລະ ນຳພາລູກຫຼານໄປສັກຢາກັນພະຍາດ ຕາມຕາຕະລາງສັກຢາ.