ໂອ້ນໍ້າໜັກຂື້ນມັນເຖິງເວລາແລ້ວທີ່ຈະຕ້ອງຄວບຄຸມອາຫານຢ່າງຈິງຈັງ ແຕ່ເຊື່ອ ຫຼື ບໍ່? ວ່າໝາກໄມ້ຫວານຄື “ກ້ວຍ” ແມ່ນໜຶ່ງ ຄວາມຊ່ວຍເຫຼືອໃນການຄວບຄຸມການຫຼຸດນໍ້າໜັກໄດ້ ຊື່ງບໍ່ຕ່າງກັບອາຫານອື່ນໆ ເຊັ່ນກັນຖ້າຢາກຮູ້ວ່າການກິນ “ໝາກກ້ວຍ” ຈະຊ່ວຍໃຫ້ທ່ານສວຍງາມໄດ້ແນວໃດ? ມາເບິ່ງກັນເລີຍ!

“ກ້ວຍ” ແມ່ນໝາກໄມ້ທີ່ມີລົດຫວານ, ມີຄຸນປະໂຫຍດຫຼາຍຢ່າງ ແລະ ອຸດົມໄປດ້ວຍເສັ້ນໄຍອາ ຫານ, ວິຕາມິນ ແລະ ແຮ່ທາດຕ່າງໆ ເຊັ່ນ: ທາດເຫຼັກ, ຟົດສະຟໍຣັດ, ໂພແທດຊຽມ, ແມກນີ ຊຽມ, ທາດແປ້ງ, ໂປຣຕີນ, ວິຕາມິນເອ, ວິຕາມິນ B6, ວິຕາມິນ B12 ແລະ ວິຕາມິນຊີ ແລະ ອື່ນໆ ມັນຍັງອຸດົມໄປດ້ວຍນໍ້າຕານທຳມະຊາດ ເຊັ່ນ: sucrose, glucose ແລະ fructose ເຊິ່ງສາມາດຊ່ວຍເພີ່ມພະລັງງານໃຫ້ແກ່ຮ່າງກາຍ.

ເລີ່ມຕົ້ນອາຫານເຊົ້າຂອງທ່ານກັບກ້ວຍ 1 ໜ່ວຍ.

ກິນໝາກກ້ວຍ 1 ໜ່ວຍ ສຳລັບອາຫານເຊົ້າ (ສາມາດກິນໄດ້ຫຼາຍກ່ວາ 1 ໜ່ວຍກໍ່ໄດ້) ເນັ້ນໃສ່ການຢໍ້າໃຫ້ລະອຽດ ຫຼັງຈາກກິນກ້ວຍແລ້ວໃຫ້ດື່ມນໍ້າ 1 ຈອກ ຫຼັງຈາກນັ້ນໃຫ້ພັກທ້ອງໂດຍບໍ່ກິນອາຫານປະມານ 30 ນາທີ ເພື່ອໃຫ້ກ້ວຍຍ່ອຍ ແລະ ຖ້າຍັງຮູ້ສຶກຫິວເຂົ້າໃຫ້ກິນອາຫານເບົາໆ ເຊັ່ນ: ເຂົ້າຕົ້ມ, ເຂົ້າຈີ່ ຫຼື ຂະໝົມ ໃຫ້ພຽງພໍທີ່ຈະຢູ່ໃນທ້ອງ ການກິນກ້ວຍໃນຕອນເຊົ້າຈະຊ່ວຍໃນການຍ່ອຍອາຫານ ແລະ ຊ່ວຍໃຫ້ສານອາຫານດູດຊຶມໄດ້ທັນທີ ນອກຈາກນີ້ໝາກກ້ວຍຍັງປະກອບດ້ວຍນໍ້າຕານ, fructose, sucrose ແລະ ທາດແປ້ງທີ່ຊ່ວຍໃຫ້ຮູ້ສຶກອີ່ມດົນ ສະນັ້ນການເລືອກກິນກ້ວຍເປັນທາງເລືອກທຳອິດສຳລັບອາຫານເຊົ້າຈະຊ່ວຍຄວບຄຸມນໍ້າໜັກໄດ້ດີຂື້ນ.

ລະຫວ່າງກິນ “ກ້ວຍ” ເພື່ອຫຼຸດຜ່ອນຄວາມອຶດຫິວຄື: ປ່ຽນອາຫານຫວ່າງທີ່ມີພະລັງງານສູງເປັນກ້ວຍ 1 ໜ່ວຍ ແທນອາຫານ ໂດຍສະເພາະ “ໝາກກ້ວຍນໍ້າ” ເພາະໝາກກ້ວຍເປັນໝາກໄມ້ທີ່ມີແຄລໍລີ່ຕໍ່າທີ່ມີເສັ້ນໃຍສູງ, ລະບົບຍ່ອຍອາຫານໄດ້ດີ ແລະ ຊ່ວຍລະບົບຂັບຖ່າຍໄດ້ດີ.

ສາມາດກິນກ້ວຍແທນອາຫານຄໍ່າໄດ້ ຫຼື ບໍ່? ການຫຼຸດນໍ້າໜັກໂດຍການເລືອກກິນ “ກ້ວຍ” ໃນຕອນຄໍ່າຈະຊ່ວຍໃຫ້ຫຼຸດນໍ້າໜັກ ໄດ້ເຊັ່ນດຽວກັນກັບການກິນກ້ວຍ ສຳລັບອາຫານເຊົ້າ ເນື່ອງຈາກວ່າກ້ວຍມີສານອາຫານຫຼາຍ, ມີເສັ້ນໃຍສູງທີ່ຊ່ວຍໃນການຂັບຖ່າຍ ເພາະສະນັ້ນຖ້າທ່ານຢູ່ໃນຊ່ວງຄວບຄຸມນໍ້າໜັກ ຄວນປ່ຽນຈາກອາຫານຄໍ່າໃຫ້ເປັນກ້ວຍ 1 ໜ່ວຍ ກັບນໍ້າ 1-2 ຈອກ ເພື່ອຊ່ວຍໃຫ້ອີ່ມຕະຫຼອດຄືນ ແລະ ສົ່ງຜົນໃຫ້ໃນຕອນເຊົ້າມື້ຕໍ່ມາມີການຂັບຖ່າຍໃຫ້ດີເຊັ່ນກັນ ລອງກິນກ້ວຍເປັນອາຫານຄໍ່າ 1 ອາທິດຕໍ່ເນື່ອງກັນນໍ້າໜັກຈະເລີ່ມຫຼຸດລົງ ເວລານີ້ທ່ານຢູ່ໃນເສັ້ນ ທາງທີ່ຖືກຕ້ອງ ຂໍ້ຄວນໃນການເລືອກກິນກ້ວຍຕອນຄໍ່າແມ່ນ ທ່ານບໍ່ຄວນກິນກ້ວຍໃນມື້ອື່ນໆ ເພາະວ່າກ້ວຍແມ່ນມີຄວາມຫວານ ທາດແປ້ງ ແລະ ນໍ້າຕານທີ່ເຊື່ອງໄວ້ເຊັ່ນກັນ ຖ້າກິນຫຼາຍ ອາດຈະບໍ່ຊ່ວຍໃຫ້ທ່ານຫຼຸດນໍ້າໜັກໄດ້.

ນຳໃຊ້ກ້ວຍຫອມທຳມະດາມາເປັນເມນູແປກໃໝ່ ກິນແຊບ ບໍ່ມີໄຂມັນ ແລະ ບໍ່ຕຸ້ຍ ມີດັ່ງນີ້:

ເມນູທີ 1 ແຊບໃນຕອນເຊົ້າ ພຽງແຕ່ມີກ້ວຍຫອມ + ແກ່ນອີ່ຕູ່+ ນົມກ່ອງ ຫຼື ນົມຖົ່ວເຫຼືອງ

ໃຊ້ກ້ວຍສອງໜ່ວຍຕັດເປັນຕ່ອນພໍດີກິນແລ້ວໃສ່ຖ້ວຍ ແລ້ວເອົາແກ່ນອີ່ຕູ່ທີ່ແຊ່ນໍ້າຈົນໄຄ່ແລ້ວ ແລະ ນົມກ່ອງ ຫຼື ນົມຖົ່ວເຫຼືອງ 1 ກ່ອງ ກິນແທນອາຫານເຊົ້າເປັນເວລາ 5-7 ມື້ຕິດຕໍ່ກັນ ເມນູນີ້ຊ່ວຍຫຼຸດຄວາມຫິວອາຫານໃນຊ່ວງກາງເວັນໄດ້ດີຫຼາຍ ແລະ ການກິນຕິດຕໍ່ກັນຈະຊ່ວຍຫຼຸດນໍ້າໜັກ ໄດ້ເຖິງ 2 ກິໂລກຣາມ ແຕ່ສິ່ງສຳຄັນຈະຕ້ອງຄວບຄຸມອາຫານອື່ນໆ ເຊັ່ນກັນ.

ເມນູ 2 ແຊບອີ່ມເຕັມທ້ອງດ້ວຍກ້ວຍຫອມ + ຂະນົມປັງໂຮວິດ + ນໍ້າເຜີ້ງ + ໝາກເບີລີ້

ສຳລັບສາວໆ ທີ່ມັກກິນຂະນົມປັງແຕ່ຢາກຄວບຄຸມນໍ້າໜັກບໍ່ຕ້ອງກັງວົນ ຖ້າເບື່ອການກິນອາຫານຄວບຄຸມນໍ້າໜັກໃນບາງມື້ ທ່ານ ພະຍາຍາມເຮັດເມນູນີ້ ​​ສຳລັບກິນເປັນອາຫານເຊົ້າ ໂດຍການໃຊ້ຂະນົມປັງໂຮວິດ 1 ແຜ່ນ ຈາກນັ້ນນຳເອົາໝາກກ້ວຍຫອມທີ່ຕັດເປັນຕ່ອນບາງໆ ໃສ່ໃຫ້ເຕັມຂະນົມປັງໂຮວິດ ໂຮຍດ້ວຍນໍ້າເຜິ້ງປະມານ 2 ບ່ວງກາເຟ ແລະ ເອົາ ຮັບປະທານກັບກາເຟ ໝາກເບີລີ້ໃສ່ໜ້ອຍໜື່ງ ກິນກັບກາເຟດຳ ຫຼື ນໍ້າ 1 ແກ້ວ ນີ້ແມ່ນເມນູແຄລໍລີ່ຕໍ່າຈາກກ້ວຍທີ່ບໍ່ໜ້າເບື່ອແລ້ວ.

ເມນູທີ 3 ສົດຊື່ນດ້ວຍສະມູດຕີ້ລາເຕັກກ້ວຍ

ໃນຕອນກາງເວັນຖ້າຕ້ອງການສົດຊື່ນ ໂດຍບໍ່ຕ້ອງຢ້ານຕຸ້ຍ ແຖມຍັງສາມາດຮັກສາອາການງ່ວງນອນໄດ້ນຳອີກ ແນະນຳໃຫ້ລອງເຮັດດ້ວຍສະມູດຕີ້ລາເຕັກກ້ວຍຫອມ 1 ແກ້ວ ໂດຍມີສ່ວນປະສົມກ້ວຍ 1 ໜ່ວຍ, ກາເຟເຢັນໂດຍບໍ່ມີນໍ້າຕານ 1/2 ຖ້ວຍ, ຜົງໂກໂກ້ 2 ບ່ວງນ້ອຍ, ຫົວຜັກທຽມ 1 ຖ້ວຍ, ຜົງອາມອນ 1/2 ບ່ວງກາເຟ, ກີ່ນ vanilla 1/2 ບ່ວງກາເຟ ຫຼັງຈາກປັ່ນສ່ວນປະສົມ ທັງໝົດໃຫ້ເຂົ້າກັນຈົນລະອຽດ ແລ້ວນຳມາດື່ມໃນເວລາກາງເວັນ ຮັບປະກັນວ່າສົດຊື່ນ, ບໍ່ຢາກນອນ ສີ່ງສຳຄັນລົດຊາດແຊບບໍ່ຕ້ອງຢ້ານນໍ້າໜັກຂື້ນເລີຍ ແຕ່ສູດນີ້ບໍ່ໄດ້ແນະນຳໃຫ້ກິນທຸກໆ ມື້ ຄວນເລືອກກິນ 1-2 ຄັ້ງຕໍ່ອາທິດພຽງພໍແລ້ວ.

ເບິ່ງແຍງຮັກສາຕົວເອງ ບໍ່ແມ່ນເລື່ອງຍາກ ໂດຍສະເພາະຜູ້ທີ່ຕ້ອງການຄວບຄຸມນໍ້າໜັກ ການເລືອກກິນ “ກ້ວຍ” ແມ່ນດີທີ່ສຸດ ເລືອກຢ່າງຖືກຕ້ອງ ເວລາທີ່ເໝາະສົມຈະເຮັດໃຫ້ການຫຼຸດນໍ້າໜັກ ຂອງທ່ານມີປະສິດຕິພາບສູງຂື້ນ ພຽງແຕ່ເອົາໃຈໃສ່ ແລະ ເຮັດຢ່າງສະໝໍ່າສະເໝີ.