ຕອນເຊົ້າວັນທີ 10 ມິຖຸນາ 2020 ຄະນະສະເພາະກິດໄດ້ຖະແຫຼງຂ່າວຕໍ່ສື່ມວນຊົນທີ່ສູນຄວບຄຸມໂຄວິດ-19 ກະຊວງສາທາລະນະສຸກວ່າ: ເປັນເວລາ 59 ມື້ແລ້ວບໍ່ມີຜູ້ຕິດເຊື້ອ    ໃໝ່; ຜູ້ຕິດເຊື້ອສະສົມ 19 ຄົນ ແລະ ປີ່ນປົວຫາຍດີທັງໝົດ 19 ຄົນແລ້ວ. ມື້ວານນີ້ (ວັນທີ 9 ມິຖຸນາ 2020) ຜູ້ຕິດເຊື້ອໂຄວິດ-19 ຜູ້ສຸດທ້າຍ (ກໍລະນີທີ8) ໄດ້ອອກໂຮງໝໍ ກັບຄືນສູ່ອ້ອມກອດຄອບຄົວຢ່າງມີໄຊ ເຖີງແມ່ນວ່າຕ້ອງກັກຕົວ 14 ວັນເພື່ອຕິດຕາມອາການ ແລ້ວກັບມາກວດຄືນກໍ່ຕາມ ແຕ່ກໍ່ຖືວ່າວົງການແພດລາວໄດ້ເຮັດສຳເລັດພາລະກິດປາບໂຄວິດ-19 ໄດ້ໂດຍພື້ນຖານ ເຊີ່ງພວກເພີ່ນຕ້ອງໃຊ້ເວລາປະຈຳການທັງໝົດ 180 ວັນ.

        ຂ່າວນີ້ສ້າງຄວາມດີໃຈໄປທົ່ວສັງຄົມລາວພວກເຮົາ ແລະ ເປັນການຢືນຢັນວ່າ: ວົງການແພດລາວພວກເຮົາກໍ່ບໍ່ໜ້ອຍໜ້າປະເທດໃດໃນໂລກ ເຖີງແມ່ນວ່າຈະໃຊ້ເວລາປີ່ນປົວດົນກໍ່ຕາມ ສຳຄັນກ່ວາເພີ່ນກໍ່ແມ່ນບໍ່ມີຜູ້ເສຍຊີວິດ; ວົງການແພດລາວກ້າວສູ່ລະດັບໂລກແລ້ວ. ໃນຍາມເບີກບານມ່ວນຊື່ນເຊັ່ນນີ້; ມີເພື່ອນຜູ້ອ່ານອອນລາຍສົ່ງຂ່າວມາວ່າ: ຢາກໃຫ້ໂຄສົກປາກສຸນັກໃນລາຍການຊ່ອງ ONE 31 ຂອງປະເທດໄທ ເບີ່ງວົງການແພດລາວຄືນໃໝ່; ລະຖີ້ມນິໄສອວດອົ່ງທະນົງຕົວ ກ່າວຫາປະຈານປະເທດອື່ນ… ຝາກເຖີງບໍລິສັດແກຣມມີ ຂອງປະເທດໄທ ທີ່ຈ້າງທ້າວນີ້ມາອ່ານຂ່າວ ວ່າຄວນໃຫ້ຜູ້ກ່ຽວອອກສາ… ເພາະໃນຕໍ່ໜ້ານີ້ ຈະມີຂ່າວການຮ່ວມມື ລາວ-ໄທ ຫຼາຍຂື້ນ ຍ້ອນວ່າປີນີ້ເປັນປີສຳຄັນຂອງສາຍພົວພັນ ລາວ-ໄທ; ຄົນຜູ້ດຽວຈະເປັນປາເນົ່າຄັບຂ້ອງ ທຳລາຍສາຍພົວພັນທີ່ງົດງາມຂອງສອງຊາດ ລາວ-ໄທ ກໍ່ຄືປະຊາຊົນລາວ-ໄທ.

        ບໍ່ທໍ່ນັ້ນ ສະມາຄົມກ່ຽວຂ້ອງທາງດ້ານສື່ມວນຊົນໄທ ກໍ່ຄວນກວດເບີ່ງຈັນຍາບັນ-ຄຸນສົມ ບັດຂອງຜູ້ກ່ຽວ ແລ້ວໄລ່ອອກຈາກວົງການສື່ມວນຊົນສານໍ? ບໍ່ຊັ້ນເສຍບົດບາດສະມາຄົມ. ຊົມເຊີຍວົງການແພດລາວ ເຖີງຈະປາບ Covid-19 ໄປແລ້ວ ແຕ່ກໍ່ຈົ່ງສືບຕໍ່ການເຝົ້າລະວັງຕໍ່ໄປ.

ໂດຍ: ທິດດີ